Matthew 5
5
Thuphate
1Jesu in mihonte a muh ciangin mualpangah paito-in a tu hi. Nungzuite ama kiangah va pai uh a, 2 amaute thu hilh ding kipanin:
3 "Kha-a gentheite thupha ngah ahi hi,
ahang in, vangtung gam amau aa ahi hi.#Mt 25:34
4 A dahte thupha ngah ahi hi, ahang in,
amaute a kihehnem ding hi.
5 Lungnemte thupha ngah ahi hi, ahang in,
amaute in leitung a luah ding uh hi.#Ph 37:11
6 Thumaanna hanga gilkial dangtakte thupha ngah ahi hi,
ahang in, amaute kitaiisak ding hi.#Isa 55:1
7 Mi lainat siamte thupha ngah ahi hi,
ahang in, amaute lainatna kingahsak ding hi.#Jos 2:13
8 Lungsim siangthote thupha ngah ahi hi,
ahang in, amaute in Pasian a mu ding uh hi.
9 Kilemna a bawlte thupha ngah ahi hi,
ahang in, amaute Pasian tate kici ding hi.#Ro 8:14
10 Thumaanna hanga kibawlsiate thupha ngah ahi hi,
ahang in, vantung kumpi-gam amau aa ahi hi."#1Pe 3:14
11 "Keima hangin engkona, bawlsiatna le zuauthu tawh gitlohna nam khempeuh a hong kingawh ciangin thupha ngah na hi uh hi. 12 Note ma-a kamsangte zong tua mah bangin bawlsia uh ahi manin lungdamin kipak un, bang hang hiam cih leh vantung ah no ading pahtakman a lian hi.#Ph 9:2
Ci le Khuavak
13 "Note leitung ci na hi uh hi. Ahi hangin ci a alna mang leh bangci ki-alkiksak thei ding ahi hiam? Buakhia a mite tuatcil ding longal a hoihna om lo hi:#Mk 9:50
14 "Note leitung khuavak na hi uh hi. Mualtunga om khuapi a kiliah thei kei hi. 15 Mite in meivak a vak uh ciangin kuang a khuh kei uh hi. A khuh sangsikin inn sunga omte khempeuh in khua a muh theih nadingin meivak tunna tungah kikoih zaw hi. 16 Tua mah bangin mite in na gamtatna hoihte uh a muh ciangin vantunga om na Pa uh a phat nadingun na khuavak uh mite mai-ah na tangsak un.#1Co 10:31
Thukham Tangtunna
17 "Thukham ahi zongin, Kamsangte thu ahi zongin a beisak dinga hong pai hi, ci-in hong ngaihsun kei un; tuate a beisak dinga hong pai hi loin, a tang tungsak dinga hong pai ka hizaw hi. 18 Thutak kong geninah, van le lei a manthan masiah Thukham khempeuh a tangtun kim khit mateng, laimal neupen ahi-a sutvom ciau khat ahi zongin a mangthang kei ding hi. 19 Hih thupiakte lak pan a neu pen palsatin, tua banga palsat ding midangte a hilh peuhpeuh vantung gamah a neu pen kici ding hi. Ahi hangin hih thupiakte zui-a, midangte a hilh peuhpeuh vantung gamah alian kici ding hi. 20 Ken kong geninah, note thumaanna in Pharisee-te le thukham siate aa a khup zawh kei leh vantung gamah na lut peuhmah kei ding uh hi.#Isa 26:2;40:8;Lk 16:17
Tualthahna
21 "Tanglai mite kiangah, ‘Tual that kei in; b#5.21 Pk. 20:13 tual that peuhmah in thukhenna a thuak ding hi,’ a kici thu na zaksa uh ahi hi. 22 Ahi hangin ken kong geninah, a sanggam c#5.22 Khutgelh pawlkhatah a thu om lopi in a sanggamte tunga a hehte peuhmah in thukhenna a thuak ding hi. Tua banah a sanggamte tunga, ‘Raca, d#5.22 Aram pau-a hamsiatna ’ a ci peuhmah in Sanhedrin-te thusitna a thuak ding hi. Ahi hangin, ‘Nang mihai!’ a ci peuhmah in hell meipi a thuak ding lauhuai hi.#Thn 7:9; Jas 1:19,20
23 "Tua ahi ciangin biaknatau ah biakna na piak laitakin na sanggam pa in na tungah lungkimlohna nei hi, ci-a na phawk leh, 24 biaknatau mai-ah na piak nate nusia phot in. Pai inla na sanggampa tawh va kilem phot in; tua khit ciangin pai-in na biakna pia pan in.
25 "Thukhenna mun hong tun na lawmpa tawh kilem mengmeng in. Na paikhawm laitak un kilem zawh nading hanciam in. Tua hi kei leh thukhenpa tungah hong pia dinga, thukhenpa in bupa khut sungah hong pia-in thong sung hong kidenna kha ding hi. 26 Thutak kong geninah, na liausum e#5.26 Greek ah kodrantes na piak khit kiuhkeuh mateng na suakta kei ding hi.#Lk 12:57-59
Angkawmna
27 "‘Ang kawm kei in,’ f#5.27 Pk. 20:14 a kici thu na zaksa uh ahi hi. 28 Ahi hangin ken kong geninah, mi khatpeuh in lunggulhluatna tawh numei khatpeuh a et leh ama lungtang sungah amah tawh angkawm khin ahi hi. 29 Na taklam mittang in hong khialhsak leh khelkhia inla paimang in. Na pumpi kimin hell sunga hong kipaih sangin na pumpi na khat a hem ding nang adingin hoihzaw hi. 30 Na taklam khut in hong khialhsak leh sattan inla paimang in. Na pumpi kimin hell sungah na lut sangin na pumpi hiang khat a hem ding, nang adingin hoihzaw hi.#Pn 6:25; Mk 9:42-47
Kimakna
31 "‘Zi ma peuhmah in makna lai pia ta hen,’ a#5.31 Tp. 24:1 a kici thu a omsa ahi hi. 32 Ahi hangin ken kong geninah, ang kikawmsanna hang longal, a zi a ma peuhmah in a zi angkawmsak a suak hi. A kimasa numei a tenpih peuhmah angkawm a suak hi.#Lk 16:18
Kiciamnate
33 "Tua ciang leuleu-in tanglai mite kiangah, ‘Ciampel kei in; Topa tawh na kiciamnate tangtun in,’ a kici thu na zaksa uh ahi hi. 34 Ahi hangin ken kong geninah, tomlo peuhmah kei un: vantung, Pasian tokhom ahi manin tomlawhna-in zang kei un; 35 leitung, Pasian khengakna ahi manin tomlawhna-in zang kei un; Jerusalem, Kumpi Lianpa khuapi a hi manin tomlawhna-in zang kei un. 36 Na samzang khat nangawn vomsak, kangsak thei lo na hi manin na lutang zong tomlawhna-in zang kei un. 37 A hite, ‘Himah,’ a hilote, ‘Hikei,’ ci lel un. Tua bansiah peuhmah gilopa kiang pana hong pai ahi hi.#Sp 19:12; Jas 5:12
Mittang tangin Mittang
38 "‘Mittang tangin mittang, ha tangin ha,’ b#5.38 Pk. 21:24; Sp 24:20 le Tp 19:21 a kici thu na zaksa uh ahi hi. 39 Ahi hangin ken kong geninah, migilopa na nang kei un. Na pang taklam hong bet leh alang lam zong na dawh in. 40 Na puan-ak hong deihgawh mana thusia hong zongte, na puantualpi zong na piakbeh in. 41 Zawhthawh thu-a tai khat hong paipihte, tai nih dong na zui in. 42 Hong ngente na pia inla, hong leitawite nungngat san kei in.#Pk 21:24; Lk 6:29,30
Galte Itna
43 "‘Na vengte c#5.43 Sp. 19:18 it inla, na galte mudah in,’ a kici thu na zaksa uh ahi hi. 44 Ahi hangin ken kong geninah, na galte d#5.44 Khutgelh nunung pawlkhatah hong hamsiatte thupha na pia unla, hong mudahte tungah thu hoih na hih un na it un; hong bawlsiate ading thu na ngetsak un. 45 Tua hileh vantunga na Pa uh tate na suak thei ding uh hi. Amah in miphate le misiate tungah ni tangsak a, thumaante le thumaan lote tungah guah a zusak hi. 46 Hong itte bek na it uh leh bang pahtakman ngah ding na hi uh hiam? Siahdongte nangawn in tua bangin hih uh hi lo ahi hiam? 47 Na sanggamte bek uh na muak uh leh midangte sangin a hoihzaw na bawl uh bang om ding ahi hiam? Lawkite nangawn in tua bangin hih uh hi lo ahi hiam? 48 Tua ahi ciangin vantunga om na Pa uh a hoihkim bangin note zong na hoihkim un.
موجودہ انتخاب:
Matthew 5: ZIV
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Copyright 1994 Myanmar Center for World Mission