Rome-te 12
12
A Nungta Biakpiakna
1Tua ahi manin sanggamte aw, a siangtho le Pasian lungkimna ahi a nungta biakpiakna ahi dingin na pumpi uh na piak nadingun Pasian lainatna hangin kong kun hi. Tuamah lah na khalam d#12.1 Ahikeh a kilawm biakna uh ahi hi. 2 Hih leitung deihna tawh kizui-in na gamta nawn kei unla, na lungsim uh thaksuaksakin na kipumkhel un. Tua hileh a hoih, a lungkimhuai, a hoihkim Pasian deihna bang ahi hiam, cih khentel thei-in na pakta thei ding uh hi.#1Jn 2:15
3 Ahang in, nangma hina tan sanga a sangzaw-in nang le nang kingaihsun kei in. Ahi hangin Pasian in nang hong piaksa upna zah tawh kizui-in amaan thukhenna tawh nang le nang na kingaihsut nadingin ka ngahsa hehpihna hangin note tungah kong gen hi. 4 I pumpi in pumpi na tampi nei ciat a, tua pumpi nate khempeuh a nasep a kibat loh mah bangin, 5 a tampi eite in zong Christ sungah pumpi i suaka, eite khempeuh khat le khat a kizom dimdiam i hi hi. 6 Eite in hong kipiasa hehpihna tawh kizui-in letsong a tuamtuam i ngah hi. Mi khat letsong thugen theihna ahileh amah in ama e#12.6 Ahikeh thukimna-in upna tawh kituakin zang ta hen. 7 Nasepna a ngah leh sem ta hen; Laihilhna a ngah leh limtakin hilh ta hen; 8 hansuah theihna a ngah leh hansuah ta hen; midang kitasamte huh theihna a ngah leh cinghtakin huh ta hen; makaihna a ngah leh kiciantakin uk ta hen; lainatna lahtheihna a ngah leh lungtaitakin lak ta hen.
Itna
9 Itna, a taktak hi pelmawh ding hi. Gitlohna na mudah un, a hoih na pom cinten un. 10 Note khat le khat unau ki-itna kho tawh na ki-it thuk un. No sangin midangte a sangzaw-in na kipahtawi thuk un. 11 Hahkat lo ngei kei unla, khalam hanciamna ah lenkipin Topa na sem un. 12 Lametna ah lungnuam unla, thuaksiatna ah lungduai-in, thungetna ah muanhuai un. 13 Pasian mi a kitasamte na hawm un. Zindo na siam un.#1Th 4:9; 1Ti 1:5
14 No hong bawlsiate thupha na pia un; thupha na pia unla, na hamsiat kei un. 15 A lungdamte tawh na lungdam khawm un; a dahte tawh na dah khawm un. 16 Note khat le khat na kithuhual un. Kisathei kei unla, dinmun niamte f#12.16 Ahikeh a zaneuhuai nasepte na sem nuam un tawh na kikhawl khawm nuam un. Na kimisak kei un.#Mt 5:44
17 Khatpeuh gitlohna, gitlohna-in na thuk kik kei un. Mikim muhna-ah amaana gamtat ding na hanciam un. 18 Ahih theih leh nang tunga a kingak laiteng mikim tawh na kilem un. 19 Ka lawmte aw, phu na la kei un; Pasian thangpaihna adingin na awnzaw un. Ahang in, Topa in: "Phulakna keima aa ahi hi. Keimah in ka thuk kik ding hi." g#12.19 Tp. 32:35 ci hi. 20 Tua sangsik in:
"Na galpa a gil a kial leh na vak in;
a dangtak leh a dawn ding bang khatpeuh na pia in.
Hih bangin na hih leh amau lutungah mei-am vumsak na hi ding hi.," h#12.20 Pn. 25:21,22 ci-in kigelh hi.
21 Gitlohna kizosak kei unla, a hoih tawh gitlohna na zo un.
موجودہ انتخاب:
Rome-te 12: ZIV
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Copyright 1994 Myanmar Center for World Mission