Matthew 2

Mipilte Hawhna

1Kumpi Herod uk hun laitakin Judea gam-a Bethlehem ah Jesu a suah khit ciangin nisuahna lam pan Jerusalem ah Mipilte d#2.1 Tangngeina-in Mipilte a tung uh hi. 2 Amaute in, "A suakkhinsa e#2.2 Ahikeh tua aksi a suah ciangin Jew-te kumpipa koi-ah om hiam? Nisuahna lamah ama aksi ka mu zo uh a, a bia dingin kong pai uh hi," ci-in a dong uh hi.

3 Kumpi Herod in hih thu a zak ciangin a lungzing hi. Jerusalem a mi khempeuh in zong a lungzinpih uh hi. 4 Mipite’ siampi makaite khempeuh le thukham siate a kaihkhop khit ciangin, "Christ f#2.4 Ahikeh Messiah suah nading koi lai ahi hiam?" ci-in a dong hi. 5 Amaute in, "Judea gam-a Bethlehem ah suak ding hi. Ahang in, kamsangpa in hih bangin na gelh khin hi:

6 "Judah gam-a om Bethlehem aw,

ka mi Israel-te a cing dingin

nang sung pan ukpa khat piang ding ahi manin g#2.6 Mic. 5:2

Judah gam-ukte sungah nang a neupen na hi kei hi." ci hi," ci-in a dawng uh hi.#Jn 7:42

7 Tua ciangin Herod in Mipilte samsim a, aksi kilat hun lian amaute tung pan a theikhia hi. 8 Amaute Bethlehem ah sawlin, "Pai unla, tua naupang va limzon un. Kei zong pai-in amah ka biak theih nadingin na muh phetun hong ko pah un," ci-in a vaikhak hi.

9 Amaute in kumpipa vaikhakna a zak khit uh ciangin a paikhia leuleu uh hi. Nisuahna h#2.9 Ahikeh tua aksi a suah ciangin mu lama a muhsa uh aksi, naupang omna tung santakah a khawl mateng amau mai-ah a na paipai hi. 10 Amaute in aksi a muh uh ciangin a lungdam mahmah uh hi. 11 Tua inn a tun uh ciangin naungek le a nu Mary mu uh a, kunin a bia uh hi. A goute uh suahkhia-in letsong in kham, gimnamtui le paknamtui kha a pia uh hi. 12 Herod kiangah amaute a pai kik loh nadingun mang sunga kivauhilhsa bangin lamtuam tawnin a gamuah a ciah uh hi.#Ph 72:10

Egypt a Taina

13 Amaute a ciah khit uh ciangin Joseph mang sungah Topa vansawltak khat a kilang hi. Amah in, "Tho inla naungek le a nu Egypt ah taipih in. Herod in naungek thah dingin zong ding ahi manin, kong hilh kik mateng tua lai-ah va om un," a ci hi.#Kil 12:4

14 Tua ciangin amah tho-a azan azanin naungek le a nu paipih in Egypt ah a tai uh hi. 15 Herod sih khit dong tua gamah va om uh hi. Kamsangpa tungtawna Topa genna: "Egypt gam pan ka tapa ka samkhia hi." i#2.15 Hos. 11:1 cih thu a tangtunna ahi hi.

16 Mipilte in amah a khem lam a theih ciangin Herod lungham a, Mipilte tung pana a theihsa hun tawh kituakin seh a, Bethlehem le akim apam khuate-a pasalno kum nih le a nuaisiah khempeuh thah dingin thu a pia hi. 17 Tua ciangin kamsangpa Jeremiah genkholhna:

18 "Ramah gamah nakpi-a dahna le,

kahna awging kiza hi.

Rachel in a tate a kahkah hangin

khat beek om nawn lo a hi manin

kihehnem zo lo hi," j#2.18 Jer. 31:15 cih thu a tangtunna ahi hi.

Nazareth a Ciahkikna

19 Herod a sih khit ciangin Joseph mang sungah Topa vansawltak khat kilanga, 20 "Tho in, naupang thah sawmte si khin ta ahi manin naupang le a nu paipih inla Israel gamah pai ta un," a ci hi.

21 Tua ciangin amah tho-a, naupang le a nu tawh Israel gamah a ciah uh hi. 22 Ahi hangin Archelaus in a pa Herod za luah in Judea gam uk hi, cih thu a zak ciangin tua gamah a pai ngam kei hi. A manga kivauhilhsa bangin Galilee gamah kihem a, 23 Nazareth kici khua-ah a va teng hi. Tua bangin: "Amah Nazareth mi kici ding hi," ci-a kamsangpa tungtawna kigensa thu a tangtung hi.#Lk 2:39

موجودہ انتخاب:

Matthew 2: ZIV

سرخی

شئیر

کاپی