Nasepte 9
9
Saul Kikhelna
1Tua hun sungin Saul in Topa nung zuite langbawla thahnopna huu a sangkhia lailai hi. Tulpipa kiangah va pai a, 2 Lampi thu a zui mi a muh nak leh numei ahi a pasal ahi zong in Jerusalem ah thong a khiat theih nadingin Damascus a synagogue-te a, a lah ding lai a ngen hi. 3 Amah zinkhia a, Damascus a tun dektak laitakin vantung panin khuavak khat in a kimkot a tanzal hi. 4 Amah lei lakah puka, aw khat in, "Saul, Saul, bang hangin kei hong bawlsia na hi hiam?" a cih a za hi.
5 Saul in, "Topa aw, kua na hi hiam?" ci-in a dong hi. Amah in, "Na bawlsiat Jesu ka hi hi. 6 Tu-in tho inla khuapi sungah lut in. Na hih pelmawh ding hong kigen ding hi," ci-in a dawng hi.#Eze 3:22
7 Saul tonpih mite gen ding nei loin tua lai-ah a ding uh hi. Awging a zak uh hangin kuamah a mu kei uh hi. 8 Lei lak panin Saul thoto-a, a mit a hak hangin bangmah a mu thei kei hi. Tua ciangin amaute in amah a khutin len uh a, Damascus khua sungah a paipih uh hi. 9 Mittawsa in ni thum sung oma bangmah a ne a dawn kei hi.#Da 10:7; Jn 12:29
10 Damascus ah Ananias kici nungzui khat a om hi. A mangmuhna sungah Topa in amah sama, Ananias aw,’" a ci hi.#Ns 10:3; 12:9
Amah in, "Topa aw, ka om hi," ci-in a dawng hi.
11 Topa in ama kiangah, "Kongzing Tang a Judas inn ah va pai inla, Tarsus khua mi Saul va kan in. Amah in thu a nget laitak ahi hi. 12 Amah in a mangmuhna ah, Ananias kici mi khat pai-a, a mit in khua a muh kik nadingin a tungah a khut a nga hi," ci-in a gen hi.#Mk 5:23
13 Ananias in, "Topa aw, hih mipa in Jerusalem a na misiangte a bawlsiatna thu tampi ka za zo hi. 14 Tua hi-a amah in siampi makaite thuneihna tawh na min a lote khempeuh man dinga hih lai-a hong pai ahi hi," ci-in a dawng hi.#Ns 26:10
15 Ahi hangin Topa in Ananias kiangah, "Va pai in! Gentile-te le a kumpite uh le Israel mite mai-ah ka min a pua dinga ka vanzat dingin amah ka teelsa ahi hi. 16 Kei min hangin bangzah ta thuak ding cih amah ka lak ding hi," a ci hi.#Ns 13:2; 2Co 6:4-10
17 Tua ciangin Ananias tua inn ah pai-a, a lut hi. Saul tungah a khutte nga a, "Sanggampa Saul aw, hih lai-a nong pai laitak-a lampi ah nang tunga hong kilak Topa - Jesu in, khua na muh kik theih nading le Khasiangtho tawh na dim theih nadingin kei hong sawl zo hi," a ci hi. 18 Saul’ mitte panin a lip bang khat, thakhat in kiakhia-a khua a mu thei kik hi. Amah tho-in kibaptise a, 19 an a nek khit ciangin a tha a hat kik hi.
Damascus le Jerusalem a Saul
Damascus a om nungzuite tawh Saul ni tampi a omkhawm hi. 20 Amah in synagogue-te sungah Jesu, Pasian Tapa hi, cih thuhilh a kipan pah hi. 21 Ama thugen a zate khempeuh in lamdang sa lua in, "Jerusalem ah hih min a lote nakpi-a a siattutpa hih pa hi lo ahi hiam? Amaute thonga khum bangin siampi makaite khut sunga a khum dinga hong pai hi lo ahi hiam?" ci-in a dong uh hi. 22 Tua hi napi Saul khangin vanglian semsem a, tua Jesu, Christ c#9.22 Ahikeh Messiah a hina kitelsakin Damascus a teng Jew-te khempeuh gen ding thei loin a kamkasak hi.#Ns 8:3; 17:3
23 Ni tampi khit ciangin Jew-te in amah thah sawmsim uh a, 24 ahi hangin Saul in amaute geelsimna a thei hi. Amaute in amah a thah theih nadingun sun le zanin khuapi kongpite ah a pang uh hi. 25 Ahi hangin ama nungzuite in, zanin khuapi kulh vang panin bawm tawh amah a khaisuk uh hi.
26 Amah Jerusalem a tun ciangin nungzuite tawh kipawl a sawm hi. Ahi hangin amaute in amah, nungzui hi taktak dingin um zo lo uh a, a vekun amah a kihta uh hi. 27 Ahi hangin Barnabas in amah paipihin sawltakpite kiangah a pi hi. Amah in amaute kiangah Saul in a khualzinna-ah Topa a muh zia le Topa in amah a hopihna le Damascus ah lau loin Jesu mina thu a hilhnate a gen hi. 28 Tua ciangin amaute tawh Saul om khawm-in, adal om loin Jerusalem khuapi sungah vak kawikawi uh a, Topa minin hangtakin thu a gen hi. 29 Amah, Greek kampau Jew-te tawh kiho in thu a kinial hi. Ahi hangin amaute in thah a sawm uh hi. 30 Tua lai-a om sanggamte in hih thu a theih uh ciangin Caesarea ah tonpih suk uh a Tarsus ah a kha uh hi.#2Co 11:26
31 Tua ciangin Judea, Galilee le Samaria gam sunga om pawlpite in lungmuan hun a ngah uh hi. Khasiangtho in hanthawnin thakhauhsak a, tua bangin Topa kihta-a, a nungta mi khangin a tam semsem hi.
Aeneas le Dorca
32 Tua gam sung tengah Peter a zin kawikawi lai-in Lydda a misiangte kiangah a va hawh hi. 33 Tua lai-ah Aeneas kici a pum zaw a, kum giat sung lupna ngaka om mi khat a mu hi. 34 Peter in, "Aeneas aw, Jesu Christ in nang hong damsak hi. Tho inla na lupna phek zial in," a ci hi. Aeneas a thoto pah hi. 35 Lydda le Sharon a teng mite khempeuh in amah mu uh a, Topa lamah a kihei uh hi.
36 Joppa ah (a khiatna Dorcas a#9.36 Tabitha (Aramiac) le Dorcas (Greek) a nih in hehpih siam cihna ahi) Tabitha kici nungzui khat om a, amah in mizawngte huhin, na hoih sem tawntung khat ahi hi. 37 Tua hun pawlin amah cina-a a si hi. A luang a kisil khit ciangin inntung dei khatah kisial hi. 38 Lydda pen Joppa khua kiang ahi hi. Tua hi-a a nungzuite in Lidda ah Peter om cih a zak uh ciangin ama kiangah mi nih sawl uh a, "Hehpihna in hong paipak dih in!" ci-in a kun uh hi.#Tit 3:8
39 Peter in amaute zui-a, amah a tun ciangin inntung dei-ah a kahpih to uh hi. Meigongte khempeuh Peter kimkotah ding uh a, Dorcas amau tawh a om khawm lai-a, a bawlsa puantualte le puan dangte amah lakin a kapkap uh hi.#1Ti 5:3
40 Peter in amaute khempeuh inndei pua lamah a sawlkhia hi. Tua ciangin khukdin sukin thu a ngen hi. A si numei lamah kihei a, "Tabitha, tho in," a ci hi. Tuanu hakin Peter mu-a a tu to hi. 41 Peter in a khutah lenin a khe-in a dingsak hi. Tua ciangin thu-umte le meigongte sama, amaute tungah amah a nungta in a pia hi. 42 Hih thu Joppa khua sung khempeuh ah kithei khawka mi tampi in Topa a um uh hi. 43 Joppa a Simon min nei savun bawlpa tawh Peter tawmvei sung a om hi.
موجودہ انتخاب:
Nasepte 9: ZIV
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Copyright 1994 Myanmar Center for World Mission