زبُور 112
112
راست باز آدمی کی مُبارِک حالی
1خُداوند کی حمد کرو۔
مُبارک ہے وہ آدمی جو خُداوند سے ڈرتا ہے
اور اُس کے حُکموں میں خُوب مسرُور رہتا ہے۔
2اُس کی نسل زمِین پر زورآور ہو گی۔
راست بازوں کی اَولاد مُبارک ہو گی۔
3مال و دَولت اُس کے گھر میں ہے
اور اُس کی صداقت ابد تک قائِم ہے۔
4راست بازوں کے لِئے تارِیکی میں نُور چمکتا ہے۔
وہ رحِیم و کرِیم اور صادِق ہے۔
5رحم دِل اور قرض دینے والا آدمی سعادت مند ہے۔
وہ اپنا کاروبار راستی سے کرے گا۔
6اُسے کبھی جُنبِش نہ ہو گی۔
صادِق کی یادگار ہمیشہ رہے گی۔
7وہ بُری خبر سے نہ ڈرے گا۔
خُداوند پر توکُّل کرنے سے اُس کا دِل قائِم ہے۔
8اُس کا دِل برقرار ہے۔ وہ ڈرنے کا نہیں۔
یہاں تک کہ وہ اپنے مُخالِفوں کو دیکھ لے گا۔
9اُس نے بانٹا اور مُحتاجوں کو دِیا۔
اُس کی صداقت ہمیشہ قائِم رہے گی۔
اُس کا سِینگ عِزّت کے ساتھ بُلند کِیا جائے گا۔
10شرِیر یہ دیکھے گا اور کُڑھے گا۔
وہ دانت پِیسے گا اور گُھلے گا۔
شرِیروں کی مُراد نابُود ہو گی۔
موجودہ انتخاب:
زبُور 112: URD
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Revised Urdu Holy Bible © Pakistan Bible Society, 1970, 2010.