Matiu 5
5
Lijɔɔl a paab a mɔleen
(Lug 6:20-23)
1Tɔ le Yisa kaah nan kan kuninfogbaluŋin, le u nan don lijɔɔl a paab le ki tan kal. U bɔɔnɔɔb nan dan u ban, 2le u nan piin ki wɔɔn bi ke:
3“Tikaar be ban ye bilanjiim kinaaŋin ni,
nan bu-n paab a nnaamin ye bi yaal#5:3 Bikɔɔm biba ke ‘yaal’; bi tɔ mu ke ‘yaan’. le.
4Tikaar be ban mɔr tikpemɔr bu,
nan bu-n bi li balin bi.
5Tikaar be ban jiin bi ba tum nan bu,
nan bu-n bi li ji dulinya nan a faal.
6Tikaar be nbuchin binben a kom nin nnyunyum kaah jɔɔ ban bu,
nan bu-n bi na li gbee.
7Tikaar be binyunyunbasam bu,
nan bu-n bi ma le bi na li san kunyunyunbaag.
8Tikaar be ban a sufu be kasi nan bu,
nan bu-n bi ma na li kan Uwonbɔr.
9Tikaar be ban ban nposɔɔn bu,
nan bu-n bi ma le bi na li yin bi Uwonbɔr a buwaab.
10Tikaar be ban kan limugil nbuchin binben bu,
nan bu-n paab a naamin ye bi yaal le.
11“Tikaar be nim ban wee bininfob sugir, ki mugir, ki por tibɔkar tan bir biɛn ki tenn ni-n bu. 12Che ni pool li sɔɔ ke ni mɔ na, ke ni nyɔɔr na li yab paab, nan bu-n man le bi pii nan mugir bilinlem baah kaa la nan ma ni-n.
N-yaam nin Nwonween
13“Ni ye kutingbɔŋ nan a yaam le, amaa n-yaam nan lann nmimalig ke, mu ji yin ŋa nii ki mɔŋ ŋaa? Maa ji ŋan ki li fir ŋa niba, man ke bin kpaar mi wur, le bininfob ni taan mi bu.
14“Ni ye dulinya nan a wonweem le. Kitiŋ kan be ligungonl a paab kaa li fir woon ni. 15Bininfob mu kaa nyɔɔr fila wee ki ta kiyiig chigin ki bu. Amaa bi jɔɔ tɔɔg nan kper bu le, wee ki li tenn iniin a ninfob biɛn nwonween. 16Ni mu li ŋaan man na, ni che ni wonweem li ween bininfob ban na, wee bi li ga ni ŋaar kaah ŋan wee ki don ni Baa wan be paab nan a yinl.
Nwɔɔm ki ta jiin Nsiim paam
17“Ni laa tiɛr ke n dan n nan bii Nsiimin bee Bilinlemin le; Maa dan n nan bii i, amaa n na yin gbeen i le. 18N bei ni ibamɔn le, paab nin tum kaa na li be, hali nsɔbimin a wama kaa li nyi bor nsiimin yaan ni, see ke ni biɛn nan nan tun ki diɛ. 19Uninfo wan bii nsiim nan a wan finfiŋ, wee ki sin wɔɔn u tab ke bi mu li ŋaan man ke, bi na li yin u kuwan finfiŋ paab a naamin; amaa wan tun nsiim kaah ban man, ki ji wɔɔn u tab nsiimin nmɔn nbamɔm ke, bi na li yin u lininfojal paab a naamin. 20N bei ni le ke, naa che ni buchim yab jon Farasii nin ban wɔɔnn nsiimin a buchinn ke, naa sin li fir kɔɔ paab a naamin ni.
Nwɔɔnim ki ta jiin Kiŋuufiiŋ paam
21“Ni pii gbir baah nan bei bininfob iyoo yan jon ni ke, ‘Laa ku uninfo, le wan ku uninfo ke u na li kan litudaril tibɔr a ji daal.’ 22Amaa N bei ni le ke uninfo wan fiin u ŋuul u nabig bu ke u li kan litudaril tibɔr a ji daal. Le wan mu ji sug u nabig ke, ‘wan yɔli nan’ ke, ni ye bin ta u ki jo Juu yaab a yudam a laguŋ ban le. Bee wan mu ji sug u nabig ke, ‘kujɔrug nan!’ Ke, u na li be nŋmi man kaa jɔɔ ndiɛmin a daŋin.
23“Mambu ni ye a yin pu ipiin iwonjiɛn niin wee ki tiɛr a nabig kaah galiŋ bu ke, 24jiɛn a piini nmɔn iwonjiɛn niin na. Chinn jo a nabigin ban wee ni tan tugin ni nabitiig nmɔn wee a nin jirin ki nan ta a piini nmɔn ki sei.
25“Fin nin uba jɔɔ tibɔr, wee u yin taaŋ jo bibɔjib ban ke, a che ni ŋa mɔb biba ki mann ni bɔr nmɔn, n-yonn man wee ni la be nsan bu-n; naa ye man ke, u li taaŋ ki jo ubɔjir ban, le u mu li taaŋ ki ŋa uloondiiguur a nɔɔn, le un kɔɔniŋ kuloondiigin. 26N bei ni ibamɔn le, ŋaa li nyi ki nya, see ke a nan yɔn lipɔnlin biɛn ke koobu kaa guri.
Nwɔɔnim ki taa jiin Iwanchɔgin toon paam
27“Ni pii nan gbir baah ke, ‘Laa tun iwanchɔgin toon ni.’ 28Amaa N bei ni le ke wan lig upii nin kɔlisa ke u pii tun iwanchɔgin toon nin upii nmɔn u sufu ni na. 29Ni ye a nɔɔjiim a numbil yin che a tun tibir ke, a logir mi gaba, a lann a gbanann bɔgil liba ke, ni sɔ nin bin nan ta a gbanann biɛn ki gab nŋmi-n. 30Le ni ye a nɔɔjiim le che a tun tibir ke, a ga mi gaba. A lann a gbanann bɔgil liba ke, ni sɔ nin a gbanann biɛn nan kɔɔ nŋmi-n.
Nwɔɔm ki ta jiin Lipiiyiil paam
(Matiu 19:9; Mag 10:11; Lug 16:18)
31“Bi nan gbaa len ke, ‘Wan yii u poo ke, un sei u lipiiyiil a gbɔŋ.’ 32Amaa N bei ni le ke wan biɛn yii u poo wee naa ye u tun iwanchɔgin toon le ke, u ma che u tun iwanchɔgin toon, ni ye wan kɔɔn upii nmɔn ke u tɔɔl tun iwanchɔgin toon na.
Nwɔɔnim ki ta jiin Limɔpool paam
33“Ni ji gbir ke bi nan bei bininfob iyoo yan nan jon ni ke, ‘Ni laa poog tipoor wee kaa nɔɔ ti, amaa ni li ŋmag tipoor tan wee ni poo sei Uyudaan ni na.’ 34Amaa N bei ni le, Ni laa poo kolibi: Laa poo paabi, nan bu-n ni ye Uwonbɔr a naam a bol le; 35bee ni poo kutingbɔŋ nan ni, nan bu-n ki ye Uwonbɔr a taai a sisibol le; ni mu laa ji len ke ni poo Jerusalami, nan bu-n ki ye Libɔrgbingbemil a tiŋ le; 36A mu laa ji len ke a poo a yuli, nan bu-n ŋaa li fir che kuyukpobig kuba npenn bee ku nbɔnn ni. 37Fin le li che a ‘Nn’ ye ‘Nn’ bee a ‘Aai’ li ye ‘Aai’, nan biɛn kpiɛ ni nan bu ke, ni nyan ulinlaril ban le.
Nwɔɔnim ki ta jiin Ŋa ki jiin paam
(Lug 6:29-30)
38“Ni gbir baah nan len ke, ‘Ni ye uba fɔɔr a numbim ke, a mu fɔɔr u yaam ki jiin na; bee ni ye uba faaŋ wee a nyil fonn ke a mu n fonn u nyinl ki jiin na.’ 39Amaa min bei ni le ke, ni laa yii titoonbirdaan ni. Ni ye uba peb a nɔɔjiim paam a tapag ke, a labir a gam paam ki sei u wee un peb. 40Ni ye uba taaŋ ki jon bibɔjib ban ke un ga a daala ke, a cheeu wee un gbaar a tanl a kinkenl ki li jɔɔ chaau. 41Ni ye uba mugiŋ ki ke a tu u tugil lan kpiɛg ki choon maal u ba ke, fin tum li ki choon ke maal ilee paam ki sei wa ki laa ŋulin ni. 42Ni ye uba miɛŋ niba ke, a sei mu, wan mu ji ban a pen u niba ke a pen mu ki laa mɔn wi.
Ndataam a Jiɛm
43“Ni gbir baa nan len ke, ‘Ni li jiɛ ni kunkɔɔn taba, ki li nan ni dataama.’ 44Amaa n bei ni le, ni li jiɛ ni dataama, ki li miɛ Nween ki tenn ban mugir ni nan na, 45wee ni fir ŋa ni Baa wan be paab nan a buwaab, nan bu-n u ma che nween wonn tininfobir nin bininfoŋam bu, ki ji che utaal nu bibuchim nin ban kaa ye bi buchim a timin. 46Ni ye ni jiɛ ban jiɛ ni a binba ke, baa a nyɔɔr wee ni yin kan naa? Naa ye man le bilanpogaab#5:46 Iyaayoo nmɔn bilanpogaab nan ye ban ji bininfob dulim le. mu ŋaan naa? 47Le ni ye ni poor ni nabum a binba ke, itoon ŋan ilaba wee ni tun ki jon ni tab baa? Naa ye man le ban kaa jɔɔ Nween ni mu ŋaan naa? 48Mambu, ni li be nbamɔm ke ni paab a Baa kaah be man ni.
موجودہ انتخاب:
Matiu 5: KUGL
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Komba New Testament © Bible Society of Ghana, 2014.
