یارادیلیش 6
6
ائنسانلارین فسادا چکئلمه‌سی و سل
1ائنسانلار یِر اوزونده چوخالماغا باشلادیلار و اونلارا قیزلار دوغولدو. 2ائلاهی وارلیقلار گؤردولر کی، ائنسان قیزلاری چوخ گؤزلدئرلر و بَیَندئکلری هر قیزی اؤزلرئنه آرواد اتدئلر. 3رب ددی: «منئم روحوم ائنساندا اَبده‌جک قالمایاجاق، چونکی اونلار آنجاق جئسمدئرلر. اونلارین عؤمرو یوز ائیئرمی ائل اولاجاق.»
4ائلاهی وارلیقلارین ائنسان قیزلاری ائله اِوله‌نئب اوشاق صاحئبی اولدوقلاری گونلرده، و داها سونرا، یر اوزونده «نِفئلئم»#6:4 «نِفئلئم» - عئبرانی دئلئنده «سوقوط اتمئش کئشئلر.» معناسی اله ده آیدین دیئل. قدئم یونان ترجومه‌سی بو کلمه‌نی «دئولر» یازیر. بونلار بؤیوک و هیکل‌لی آداملار ائمئشلر. وار ائدی. بونلار قدئم دؤورانین قهرمان و آدلی-سانلی آداملاری ائدئلر.
5رب گؤردو کی، یر اوزونده ائنسانین شرارتی بؤیوکدور و هر زامان اونون اوره‌یئنده‌کی فئکئرلرئن نئیّتلری آنجاق پئسلئکدئر. 6او، یِر اوزونده ائنسانی یاراتماغینا پشمان اولدو و اوره‌یئنی قم باسدی. 7رب ددی: «یاراتدیغیم ائنسانی یر اوزوندن محو اده‌جیم، بونو ائنسانلارلا بئر، حیوانلارین، سوروننلرئن و گؤیده‌کی قوشلارین دا باشینا گتئره‌جیم، چونکی اونلاری یاراتماغیما پشمان اولموشام.» 8آنجاق نوح ربّئن گؤزونده لوطف تاپدی.
9نوحون تارئخچه‌سی بله‌دئر: نوح صالح و اؤز نسلی آراسیندا قوصورسوز بئر آدام ائدی. او، تارییا یاخین یاشاییردی. 10نوحون اوچ اوغلو وار ائدی: سام، خام و یافِت. 11تارینین نظرئنده یر اوزو فسادا چکئلمئش و قدّارلیقلا دولموشدو. 12تاری یر اوزونده ائنسانلارین نه قدر چوخ فاسئد اولدوقلارینی گؤردو، چونکی دونیادا اولان بوتون بشر یولدان آزمیشدی.
13تاری نوحا ددی: «قاباغیمدا اولان بوتون بشرئن آخیری چاتیب، چونکی یر اوزو اونلارین سببئندن قدّارلیقلا دولوب. باخ، من اونلاری یر اوزو ائله بئر محو اده‌جیم. 14اؤزونه گوفِر آغاجیندان#6:14 «گوفِر» - نامعلوم بئر آغاج جئنسی بئر گمی دوزَلت، اونون ائچئنده اوتاقلار دوزَلت، اوستونه ائچه‌رئدن و چؤلدن قَطران وور. 15گمئنی بله دوزَلت: اونون اوزونلوغو اوچ یوز قولآچ#6:15 تقرئبن ۱۳۵ متر، اِنی اَلّی قولآچ#6:15 تقرئبن ۵/۲۲ متر، بویو دا اوتوز قولآچ#6:15 تقرئبن ۵/۱۳متر اولسون. 16گمئنئن اوستوندن بئر قولآچ#6:16 تقرئبن ۴۵ سانتئمتر آشاغی پنجره آچارسان و قاپینی یان طرفدن قویارسان. گمئنئن اوچ مرتبه‌سی اولسون: بئری آلتدا، بئری اورتادا، بئری ده اوستده.
17باخ، من، بلی من، یر اوزونه سلی گتئرئرم کی، گؤیون آلتیندا حیات نَفَسی اولان بوتون جانلی‌لار محو اولسونلار؛ یر اوزونده اولانلارین هامیسی آرادان گده‌جک. 18لاکئن عهدئمی سنئنله باغلایاجاغام. سن، اوغوللارین، آروادین و گلئنلرئنله بئر گمئیه مئنه‌جکسن. 19بوتون جانلی مخلوقلاردان بئر جوتونو، اِرکَک و دئشئسئنی گمئیه گؤتورَرسن کی، سنئنله بئر دئری قالسینلار. 20جئنسلرئنه گؤره قوشلارین، حیوانلارین و یرده سوروننلرئن هر بئرئندن بئر جوتو سنئن یانینا گله‌جک کی، دئری قالسین. 21سن گرک یِمه‌لی اولان هر شیی ده گؤتوروب، آنبار اده‌سن؛ اونلار هم سنه هم ده اونلارا یمک اولارلار.»
22نوح دا اله اتدی: تاری اونا نجه امر اتمئشدی، او دا هر شیی اِله‌جه یرئنه یتئردی.
موجودہ انتخاب:
یارادیلیش 6: موقدس کتاب
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© Elam Ministries 2013. All rights reserved.