Mātaio 3
3
Te tūtū 'aere'anga o Ioane Bāpetīto
(Māreko 1.1-8; Luka 3.1-18; Ioane 1.19-28)
1I te reira tuātau, kua 'aere maira a Ioane Bāpetīto i te tūtū 'aere'anga i te mēdēbara o Iūdea ra, 2#Māt 4.17; Mār 1.15i te nā kō'anga ē, “E tatarā'ara kōtou, tē vaitata mai nei 'oki te bāsileia o te ao!” 3#Isa 40.3Ko ia 'oki tēia tei tuatua'ia mai nā roto i a Īsaia peroveta i te nā kō'anga ē,
“'E reo nō tēta'i i te tūtū 'aere'anga i te mēdēbara,
‘Ka 'akate'ate'amamao i te arāta'a o te 'Atu,
e 'akatikatika i tōna au mataara.’ ”
4 #
2 Arik 1.8
'E 'uru'uru kāmela tō taua Ioane nei kāka'u, ē kua tātua'ia tōna taukupu ki te kiri; 'e tāpaki ē te meri ngāngā'ere tāna kai. 5I reira, kua 'aere atura tō Iērūsalēma ki aia ra ma tō Iūdea kātoatoa, ē tō te 'enua kātoatoa i te pae i Iōrīdāna ra, 6ē kua bāpetīto'ia i'ora rātou e ia ki roto i te kauvai ko Iōrīdāna ra, i a rātou e 'a'aki ra i tā rātou au 'ara.
7 #
Māt 12.34; 23.33 Kia kite atura a Ioane i te au Phārīsea ē te au Sādukea 'e mānganui i te 'aere'anga mai ki aia ra kia bāpetīto'ia, kua karanga atura aia ki a rātou, “E te 'anaunga vīpera ē! Nā 'ai i 'akanauru atu ē, e 'oro kē kōtou i te riri 'oto'oto e vaitata mai nei? 8Ē tēnā na, ka tuku maina i te 'ākono'anga e tau i te tatarā'ara. 9#Ioa 8.33Ē auraka kōtou e manako i roto i a kōtou 'ua'orāi ē, ‘'E metua tō mātou ko Āberahāma.’ E karanga atu 'oki au ki a kōtou, ka tika i te Atua i te 'akatupu i te tamariki nā Āberahāma mei roto mai i ēia nei toka! 10#Māt 7.19Tei te aka takere te tārapa o te au pū rākau i tēianei. Ē te au rākau katoa ra kāre i 'ua mai i te 'ua meitaki ra, ka tīpū'ia ia ē ka titiri'ia atu ki roto i te a'i. 11Ko au nei, tē bāpetīto nei i a kōtou ki te vai kia tatarā'ara kōtou. Ko te ka 'aere mai i muri ake i āku nei, 'e ma'ata atu tōna mana i tōku, ē kāre au e tau kia 'apai i tōna tāmaka. Ka bāpetīto aia i a kōtou ki te Vaerua Tapu ē te a'i. 12Tei tōna rima tāna tuāpara ē ka tāmā mārie aia i tāna ngā'i pāpā'anga sītona. Ka 'akaputuputu ei aia i te sītona ki roto i te vairanga sītona, kāreka te ota ka tutungi'ia e ia ki te a'i matekore.”
Te bāpetīto'anga'ia a Iēsū
(Māreko 1.9-11; Luka 3.21-22)
13Kua 'aere maira a Iēsū i reira mei Galilea mai ki Iōrīdāna kia bāpetīto'ia aia e Ioane. 14Inārā, kua tāmata a Ioane i te tāpū atu i aia, nā kō atura, “Te tika'anga tikāi kia bāpetīto'ia au e koe, ē ko koe, tē 'aere mai nei koe ki āku nei?”
15Kua pa'u maira a Iēsū, “E 'akatika 'ua ana i tēianei, 'e mea tau 'oki kia pērā tāua, kia tupu te au tuatua tika kātoatoa.” Kua 'akatika maira a Ioane i reira.
16I te oti'anga a Iēsū i te bāpetīto'ia, kua kake maira aia ki runga mei raro mai i te vai. Ē inā, kua 'akatu'era'ia maira te rangi, ē kua kite atura aia i te Vaerua o te Atua i te 'eke'anga mai mei te kūkupa ra, ē te tō'anga mai ki runga a'o i aia. 17#Gen 22.2; Sal 2.7; Isa 42.1; Māt 12.18; 17.5; Mār 1.11; Luk 9.35Ē inā, tēta'i reo nō te rangi maira i te nā kō'anga mai ē, “Ko taku Tamaiti 'akaperepere tēia. Kua mareka rava au i aia.”
موجودہ انتخاب:
Mātaio 3: CIMRNT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Cook Island Maori Revised New Testament © Bible Society of the South Pacific, 2021.
