ܙܟ݂ܪܝܐ 9
9
ܡܲܠܟܵܐ ܕܐܘܿܪܸܫܠܸܡ ܐܵܬܝܵܢܵܐ ܘܫܘܼܠܛܵܢܹܗ
1ܡܲܫܩܠܵܐ ܕܚܲܒܪܵܐ ܕܡܵܪܝܵܐ ܕܲܠܩܘܼܒ݂ܠܔ ܐܲܪܥܵܐ ܕܚܸܕܪܵܟ، ܘܕܲܪܡܣܘܿܩ ܕܘܼܟܬܵܐ ܕܢܝܵܚܬܹܗ، ܣܵܒܵܒ ܩܵܕ݇ܡ ܥܲܝܢܵܐ ܕܡܵܪܝܵܐ ܓܸܠܝܹܐ ܝܢܵܐ ܒܢܲܝ̈ܢܵܫܵܐ ܘܟܠܲܝܗܝ ܫܲܒ݂ܛܹ̈ܐ ܕܝܼܣܪܵܝܹܠܔ. 2ܘܐܘܼܦ ܚܡܵܬ ܕܝܼܠܵܗ̇ ܬܚܘܼܡܵܐ ܐܸܠܘܼܗ̇، ܨܘܿܪ ܘܨܲܝܕܘܿܢ ܟܲܕ ܚܲܟܝܼܡܹ̈ܐ ܝܢܵܐ ܪܵܒܵܐ. 3ܘܒܢܹܐ ܠܵܗ̇ ܨܘܿܪ ܩܲܠܥܵܐ ܩܵܬܘܼܗ̇، ܘܡܚܹܐ ܠܵܗ̇ ܩܘܼܚܵܐ ܣܹܐܡܵܐ ܐܲܝܟ݂ ܥܲܦܪܵܐ، ܘܕܲܗܒ݂ܵܐ ܐܲܝܟ݂ ܛܝܼܢܵܐ ܕܥܵܠܘܿܠܵܢܹ̈ܐ. 4ܗܵܐ، ܡܵܪܝܵܐ ܒܸܬ ܟܲܡܸܪܵܗ̇، ܘܒܸܬ ܕܵܪܹܐ ܓܵܘ ܝܵܡܵܐ ܥܘܼܬܪܘܼܗ̇، ܘܗ̇ܝ ܒܢܘܼܪܵܐ ܒܸܬ ܦܵܝܫܵܐ ܐ݇ܟ݂ܝܼܠܬܵܐ. 5ܒܸܬ ܚܵܙܝܵܐ ܐܲܫܩܵܠܘܿܢ ܘܒܸܬ ܙܵܕܥܵܐ، ܘܥܵܐܙܵܐ، ܘܒܸܬ ܡܵܪܥܵܐ ܪܵܒܵܐ، ܘܥܸܩܪܘܿܢ، ܣܵܒܵܒ ܦܝܼܫ ܠܹܗ ܢܟ݂ܝܼܦܵܐ ܣܲܒ݂ܪܘܼܗ̇، ܘܛܠܝܼܩ ܠܹܗ ܡܲܠܟܵܐ ܡ̣ܢ ܥܵܐܙܵܐ، ܘܐܲܫܩܵܠܘܿܢ ܠܹܐ ܗܵܘܝܵܐ ܥܡܝܼܪܬܵܐ. 6ܘܒܸܬ ܝܵܬܹܒ݂ ܓܸܢܣܵܐ ܚܒ݂ܝܼܛܵܐ ܓܵܘ ܐܲܫܕܘܿܕ، ܘܒܸܬ ܩܵܛܥܹܢ ܪܵܡܘܼܬܵܐ ܕܦܠܸܫܬܵܝܹ̈ܐ. 7ܘܒܸܬ ܩܵܛܥܹܢ ܒܸܣܪܵܐ ܕܸܡܵܢܵܐ ܡ̣ܢ ܦܘܼܡܹܗ، ܘܛܲܢܦܘܼܝܵܬܹ̈ܐ ܡ̣ܢ ܒܹܝܠܔ ܟܹܟܘܼ̈ܗܝ، ܘܒܸܬ ܦܵܐܹܫ ܫܒ݂ܝܼܩܵܐ ܐܘܼܦ ܗ̇ܘ ܚܲܕ ܣܵܗܡܵܐ ܠܐܲܠܵܗܲܢ، ܘܒܸܬ ܗܵܘܹܐ ܐܲܝܟ݂ ܓܘܼܪܵܐ ܓܵܘ ܝܼܗܘܼܕܵܐ، ܘܥܸܩܪܘܿܢ ܒܸܬ ܗܵܘܝܵܐ ܐܲܝܟ݂ ܝܵܒ݂ܘܿܣ. 8ܘܒܸܬ ܫܵܪܹܝܢ ܥܲܠܔ ܒܲܝܬܝܼ ܠܸܟܠܵܝܵܐ ܩܵܕ݇ܡ ܚܲܝܠܵܘܵܬܹ̈ܐ، ܡ̣ܢ ܥܵܒ݂ܪܵܢܵܐ ܘܡ̣ܢ ܕܵܝܪܵܢܵܐ، ܘܠܹܐ ܐܵܬܹܐ ܥܲܠܲܝܗܝ ܡܸܢܕܪܸܫ ܡܲܠܝܸܨܵܢܵܐ، ܣܵܒܵܒ ܐܵܕܝܼܵܐ ܚܙܹܐ ܠܝܼ ܒܥܲܝܢܝܼ̈.
9ܦܨܘܿܚܝ ܪܵܒܵܐ، ܒܪܵܬ ܨܸܗܝܘܿܢ، ܩܲܘܸܚܝ، ܒܪܵܬ ܐܘܿܪܸܫܠܸܡ، ܗܵܐ، ܡܲܠܟܵܟ݂ܝ ܒܹܐܬܵܝܵܐ ܝܠܹܗ ܠܟܸܣ ܠܵܟ݂ܝ، ܙܲܕܝܼܩܵܐ ܘܡܵܪܹܐ ܦܘܼܪܩܵܢܵܐ ܝܠܹܗ ܗ̇ܘ، ܡܲܟܝܼܟ݂ܵܐ ܘܪܟܝܼܒ݂ܵܐ ܥܲܠܔ ܚܡܵܪܵܐ، ܘܥܲܠܔ ܓ̰ܲܥܫܵܐ ܒܲܪ ܚܡܵܪܬܵܐ. 10ܘܒܸܬ ܩܵܛܥܹܢ ܡܲܪܟܲܒ݂ܬܵܐ ܡ̣ܢ ܐܲܦܪܹܝܡ، ܘܣܘܼܣܹܐ ܡ̣ܢ ܐܘܿܪܸܫܠܸܡ، ܘܒܸܬ ܦܵܝܫܵܐ ܩܛܝܼܥܬܵܐ ܩܸܫܬܵܐ ܕܦܠܵܫܵܐ، ܘܒܸܬ ܗܲܡܙܸܡ ܫܠܵܡܵܐ ܠܐܸܡܘܵܬܹ̈ܐ، ܘܫܘܼܠܛܵܢܹܗ ܡ̣ܢ ܝܵܡܵܐ ܗܲܠܔ ܝܵܡܵܐ، ܘܡ̣ܢ ܢܲܗܪܵܐ ܕܦܪܵܬ ܗܲܠܔ ܡܲܪ̈ܙܵܢܹܐ ܕܐܲܪܥܵܐ. 11ܐܘܼܦ ܐܲܢ݇ܬܝ، ܒܕܸܡܵܐ ܕܘܲܥܕܝܼ ܥܲܡܵܟ݂ܝ ܫܪܹܐ ܠܝܼ ܐܲܣܝܼܪ̈ܵܟ݂ܝ ܡ̣ܢ ܓܘܼܒܵܐ ܕܠܲܝܬ ܓܵܘܘܼܗ̇ ܡ̈ܝܼܵܐ. 12ܕܘܼܪܘܼܢ ܠܩܲܠܥܵܐ، ܐܲܣܝܼܪܹ̈ܐ ܕܝܼܢܵܐ ܒܣܲܒ݂ܪܵܐ، ܐܘܼܦ ܐܸܕܝܘܿܡ ܡܲܕܘܼܥܹܐ ܝܘܸܢ ܚܲܕ ܒܬܪܹܝ ܒܸܬ ܡܲܕܸܪܸܢ ܐܸܠܵܟ݂ܝ. 13ܣܵܒܵܒ ܡܬܝܼܚ ܠܝܼ ܝܼܗܘܼܕܵܐ ܩܸܫܬܝܼ، ܡܠܹܐ ܠܝܼ ܩܸܫܬܝܼ ܒܐܲܦܪܹܝܡ، ܘܡܘܼܪܥܸܫ ܠܝܼ ܒܢܘܿܢܵܟ݂ܝ̈، ܨܸܗܝܘܿܢ، ܥܲܠܔ ܒܢܘܿܢܵܟ݂ܝ̈، ܝܵܘܵܢ، ܘܩܲܡ ܥܵܒ݂ܕܹܢܵܟ݂ܝ ܨܸܗܝܘܿܢ ܐܲܝܟ݂ ܣܲܝܦܵܐ ܕܓܲܢ݇ܒܵܪܵܐ. 14ܘܡܵܪܝܵܐ ܥܸܠܸܠܔ ܡܸܢܲܝܗܝ ܒܸܬ ܦܵܐܹܫ ܓܸܠܝܵܐ، ܘܒܸܬ ܦܵܠܹܛ ܓܹܐܪܹܗ ܐܲܝܟ݂ ܒܸܪܩܵܐ، ܘܡܵܪܝܵܐ ܐܲܠܵܗܵܐ ܒܫܝܼܦܘܿܪܵܐ ܒܸܬ ܡܲܩܘܸܚ، ܘܒܸܬ ܐܵܙܹܠܔ ܒܥܲܠܥܵܠܹ̈ܐ ܕܬܲܝܡܢܵܐ. 15ܡܵܪܝܵܐ ܚܲܝܠܬܵܢܵܐ ܒܸܬ ܗܵܘܹܐ ܣܸܬܵܪܵܐ ܥܲܠܲܝܗܝ، ܘܒܸܬ ܐܵܟ݂ܠܝܼ ܠܕܸܫܡܸܢܹ̈ܐ، ܘܒܸܬ ܕܵܝܫܝܼ ܟܹܐܦܹ̈ܐ ܕܩܸܠܥܵܐ، ܘܒܸܬ ܫܵܬܝܼ ܘܩܲܘܸܚܝܼ ܐܲܝܟ݂ ܒܚܲܡܪܵܐ، ܘܒܸܬ ܦܵܝܫܝܼ ܡܸܠܝܹܐ ܐܲܝܟ݂ ܒܵܕܝܵܐ، ܐܲܝܟ݂ ܩܘܼܪ̈ܢܝܼܵܬܹܐ ܕܡܲܕܒܚܵܐ. 16ܘܒܸܬ ܦܲܪܸܩ ܡܵܪܝܵܐ ܐܲܠܵܗܲܝܗܝ ܠܥܲܡܹܗ ܒܗ̇ܘ ܝܵܘܡܵܐ ܐܲܝܟ݂ ܥܸܪ̈ܒܹܐ، ܣܵܒܵܒ ܐܲܝܟ݂ ܟܹܐܦܹ̈ܐ ܛܝܼܡܵܢܹ̈ܐ ܕܬܵܓ݂ܵܐ ܒܸܬ ܗܵܘܝܼ ܡܘܼܪܡܹܐ ܥܲܠܔ ܐܲܪܥܹܗ. 17ܗܵܐ، ܟܡܵܐ ܝܼܠܵܗ̇ ܛܵܒ݂ܬܹܗ، ܘܟܡܵܐ ܫܘܼܦܪܹܗ! ܕܲܚܠܵܐ ܠܥܠܲܝܡܹ̈ܐ ܒܸܬ ܡܲܦܪܝܼܵܐ ܘܚܲܡܪܵܐ ܚܵܕ݇ܬܵܐ ܠܒܬܘܼܠܵܬܹ̈ܐ.
موجودہ انتخاب:
ܙܟ݂ܪܝܐ 9: ABTAB
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Aramaic Bible Translation Assyrian Bible © 2025 Aramaic Bible Translation