ܙܟ݂ܪܝܐ 11
11
ܚܪܵܒ݂ܵܐ ܕܒܹܐܬܵܝܵܐ ܝܠܹܗ
1ܦܬܘܿܚ ܬܲܪ̈ܥܵܢܘܼܟ݂، ܠܸܒ݂ܢܵܢ،
ܕܐܵܟܹܠܔ ܢܘܼܪܵܐ ܠܐܲܪ̈ܙܘܼܟ݂.
2ܘܲܠܘܸܠܔ ܫܲܪܘܲܝܢܵܐ، ܣܵܒܵܒ ܢܦܝܼܠܔ ܠܹܗ ܐܲܪܙܵܐ،
ܣܵܒܵܒ ܥܲܫܝܼܢܹ̈ܐ ܚܪܝܼܒ݂ ܠܗܘܿܢ؛
ܘܲܠܘܸܠܘܼܢ ܒܲܠܘܼܛܹ̈ܐ ܕܒܲܝܫܵܢ،
ܣܵܒܵܒ ܢܦܝܼܠܔ ܠܵܗ̇ ܡܲܝܫܵܐ ܥܲܫܝܼܢܬܵܐ.
3ܩܵܠܵܐ ܕܘܲܠܘܲܠܬܵܐ ܕܪ̈ܵܥܝܹܐ،
ܣܵܒܵܒ ܚܪܝܼܒ݂ ܠܹܗ ܐܝܼܩܵܪܲܝܗܝ؛
ܩܵܠܵܐ ܕܓܲܪܓܲܡܬܵܐ ܕܓܘܼܪ̈ܝܹܐ ܕܐܲܪ̈ܝܵܘܵܬܹܐ،
ܣܵܒܵܒ ܚܪܝܼܒ݂ ܠܹܗ ܪܵܡܘܼܬܵܐ ܕܝܘܿܪܕܢܵܢ.
ܬܪܹܝ ܪ̈ܵܥܝܹܐ
4ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܐܲܠܵܗܝܼ، ”ܡܲܪܥܝܼ ܥܸܪ̈ܒܹܐ ܕܩܸܛܠܵܐ، 5ܕܙܵܒ݂ܢܵܢܲܝ̈ܗܝ ܟܹܐ ܩܵܛܠܝܼ ܠܗܘܿܢ ܘܠܹܐ ܦܵܝܫܝܼ ܚܲܝܵܒܹ̈ܐ، ܘܙܲܒܢܵܢܲܝ̈ܗܝ ܟܹܐ ܐܵܡܪܝܼ، ’ܒܪܝܼܟ݂ܵܐ ܝܠܹܗ ܡܵܪܝܵܐ ܕܗܘܹܐ ܠܝܼ ܥܲܬܝܼܪܵܐ،‘ ܘܪ̈ܵܥܝܲܝܗܝ ܠܹܐ ܪܲܚܡܝܼ ܥܲܠܲܝܗܝ. 6ܣܵܒܵܒ ܠܹܐ ܪܲܚܡܸܢ ܡܸܢܕܪܸܫ ܥܲܠܔ ܥܵܡܪ̈ܵܢܹܐ ܕܐܲܪܥܵܐ،“ ܒܹܐܡܵܪܵܐ ܝܠܹܗ ܡܵܪܝܵܐ، ”ܘܗܵܐ، ܐܵܢܵܐ ܣܲܦܘܼܝܹܐ ܝܘܸܢ ܠܐ݇ܢܵܫܹ̈ܐ، ܟܠܔ ܚܲܕ ܒܐܝܼܕܵܐ ܕܚܲܒ݂ܪܹܗ، ܘܒܐܝܼܕܵܐ ܕܡܲܠܟܹܗ، ܘܒܸܬ ܛܲܚܛܸܚܝܼ ܠܐܲܪܥܵܐ، ܘܠܹܐ ܦܲܨܹܝܢܗܘܿܢ ܡ̣ܢ ܐܝܼܕܲܝܗܝ.“
7ܘܡܘܼܪܥܹܐ ܠܝܼ ܥܸܪ̈ܒܹܐ ܕܩܸܛܠܵܐ ܩܵܐ ܬܲܓܵܪܹ̈ܐ ܕܥܸܪ̈ܒܹܐ. ܘܫܩܝܼܠܔ ܠܝܼ ܩܵܬܝܼ ܬܪܹܝ ܚܘܼܛܪܹ̈ܐ، ܠܚܲܕ ܩܪܹܐ ܠܝܼ، ܫܵܦܵܩܲܬ، ܘܠܗ̇ܘ ܐ݇ܚܹܪ݇ܢܵܐ ܩܪܹܐ ܠܝܼ، ܐܸܣܘܼܪܵܐ، ܘܡܘܼܪܥܹܐ ܠܝܼ ܠܥܸܪ̈ܒܹܐ. 8ܘܩܛܝܼܥ ܠܝܼ ܬܠܵܬܵܐ ܪ̈ܵܥܝܹܐ ܒܚܲܕ ܝܲܪܚܵܐ، ܘܥܝܼܩ ܠܵܗ̇ ܓܵܢܝܼ ܒܝܼܲܝܗܝ، ܘܐܘܼܦ ܓܵܢܲܝܗܝ ܓܘܼܢܓܸܨ ܠܵܗ̇ ܡܸܢܝܼ. 9ܘܐ݇ܡܝܼܪܝܼ، ”ܠܹܐ ܡܲܪܥܹܝܢܵܘܟ݂ܘܿܢ، ܗ̇ܝ ܕܡܵܝܬܵܐ ܫܒ݂ܘܿܩ ܡܵܝܬܵܐ، ܘܗ̇ܝ ܕܦܵܝܫܵܐ ܛܘܼܠܸܩܬܵܐ ܫܒ݂ܘܿܩ ܦܵܝܫܵܐ ܛܘܼܠܸܩܬܵܐ، ܘܣܵܗܡܹ̈ܐ ܫܒ݂ܝܼܩܹ̈ܐ ܐܵܟ݂ܠܝܼ ܚܕܵܐ ܒܸܣܪܵܐ ܕܚܲܒܲܪܬܘܼܗ̇.“ 10ܘܫܩܝܼܠܔ ܠܝܼ ܠܚܘܼܛܪܝܼ، ܠܫܵܦܵܩܲܬ، ܘܩܲܡ ܩܵܛܥܹܢܹܗ، ܠܒܲܛܘܼܠܹܐ ܘܲܥܕܝܼ ܕܥܒ݂ܝܼܕ ܠܝܼ ܥܲܡ ܟܠܲܝܗܝ ܥܲܡܡܹ̈ܐ. 11ܘܦܝܼܫ ܠܹܗ ܒܘܼܛܠܵܐ ܒܗ̇ܘ ܝܵܘܡܵܐ، ܘܝ݇ܕܝܼܥ ܠܗܘܿܢ ܬܲܓܵܪܹ̈ܐ ܕܥܸܪ̈ܒܹܐ، ܕܟܹܐ ܦܲܟܪܝܼ ܗ݇ܘܵܘ ܒܝܼܝܼ، ܕܚܲܒܪܵܐ ܕܡܵܪܝܵܐ ܝܗ݇ܘܵܐ. 12ܘܐ݇ܡܝܼܪܝܼ ܐܸܠܲܝܗܝ، ”ܐܸܢ ܨܦܵܝܝܼ ܝܠܵܗ̇ ܒܥܲܝܢܵܘ̈ܟ݂ܘܿܢ، ܗܲܒ݂݇ܠܘܼܢ ܗܵܩܝܼ، ܘܐܸܢ ܠܵܐ، ܫܠܹܝܡܘܼܢ.“ ܘܬܩܝܼܠܔ ܠܗܘܿܢ ܩܵܐ ܗܵܩܝܼ ܬܠܵܬܝܼ ܙܘܼܙܹ̈ܐ ܕܣܹܐܡܵܐ. 13ܘܐ݇ܡܝܼܪܹܗ ܡܵܪܝܵܐ ܐܸܠܝܼ، ”ܪܲܦܝܼ ܠܗܘܿܢ ܠܦܲܚܵܪܵܐ، ܛܝܼܡܵܐ ܡܝܘܼܩܪܵܐ ܕܦܝܼܫ ܠܹܗ ܩܛܝܼܥܵܐ ܥܲܠܝܼ ܡ̣ܢ ܠܟܸܣ ܠܲܝܗܝ.“ ܘܫܩܝܼܠܔ ܠܝܼ ܬܠܵܬܝܼ ܙܘܼܙܹ̈ܐ ܕܣܹܐܡܵܐ، ܘܩܲܡ ܪܲܦܹܝܢܗܘܿܢ ܠܦܲܚܵܪܵܐ ܒܒܲܝܬܵܐ ܕܡܵܪܝܵܐ. 14ܘܩܛܝܼܥ ܠܝܼ ܠܚܘܼܛܪܝܼ ܐ݇ܚܹܪ݇ܢܵܐ، ܠܐܸܣܘܼܪܵܐ، ܠܒܲܛܘܼܠܹܐ ܐܲܚܘܿܢܘܼܬܵܐ ܒܹܝܠܔ ܝܼܗܘܼܕܵܐ ܘܒܹܝܠܔ ܝܼܣܪܵܝܹܠܔ.
15ܘܐ݇ܡܝܼܪܹܗ ܡܵܪܝܵܐ ܐܸܠܝܼ، ”ܡܸܢܕܪܸܫ ܫܩܘܿܠܔ ܠܘܼܟ݂ ܡܵܐܢܹ̈ܐ ܕܪܵܥܝܵܐ ܣܲܟ݂ܠܵܐ. 16ܣܵܒܵܒ ܗܵܐ، ܐܵܢܵܐ ܡܲܩܘܼܡܹܐ ܝܘܸܢ ܪܵܥܝܵܐ ܒܐܲܪܥܵܐ، ܠܐܵܢܝܼ ܕܦܝܵܫܵܐ ܝܢܵܐ ܛܘܼܠܩܹܐ ܠܹܐ ܣܲܚܒܸܪ، ܠܚܠܝܼܛܹ̈ܐ ܠܹܐ ܛܵܥܹܐ، ܘܠܬܒ݂ܝܼܪܹ̈ܐ ܠܹܐ ܒܲܣܸܡ، ܐܘܼܦ ܠܟܸܠܝܹ̈ܐ ܒܚܘܼܠܡܵܢܵܐ ܠܹܐ ܬܲܪܣܹܐ، ܐܝܼܢܵܐ ܒܸܣܪܵܐ ܕܛܪ̈ܝܼܨܹܐ ܒܸܬ ܐܵܟܹܠܔ، ܘܣܸܡܵܬܲܝ̈ܗܝ ܒܸܬ ܫܵܪܹܩ.
17ܐܘܿܝ ܠܪܵܥܝܵܐ ܣܪܝܼܩܵܐ،
ܫܵܒ݂ܩܵܢܵܐ ܕܥܸܪ̈ܒܹܐ،
ܣܲܝܦܵܐ ܡܵܚܹܐ ܥܲܠܔ ܕܪܲܥܢܹܗ
ܘܥܲܠܔ ܥܲܝܢܹܗ ܕܝܲܡܝܼܢܵܐ،
ܕܪܲܥܢܹܗ ܒܪܵܙܵܐ ܒܸܬ ܒܵܪܹܙ،
ܘܥܲܝܢܹܗ ܕܝܲܡܝܼܢܵܐ ܚܒ݂ܵܝܵܐ ܒܸܬ ܚܵܒ݂ܝܵܐ.“
موجودہ انتخاب:
ܙܟ݂ܪܝܐ 11: ABTAB
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Aramaic Bible Translation Assyrian Bible © 2025 Aramaic Bible Translation