T. YÔHAN INLĀHEN NGAM LĪPÖRE
INLĀHEN NGAM LĪPÖRE
Hameukten Yēsū an ngam Tölöök inhānga kaheūich ök Töhet Yôhan nö töt chanūhuvṙen nö. Ṙô ngam Tēv ngam “vamīngören tarik ngaich i yöng in hi” sā ṙô ngam līpöre nö ngö ṙô, Kūichiyö ön ngih līpöre hòṅ yip vamë-ekūö e min nö ṙātö ellōn re tö Yēsū nö Mahayööken, ngam kūön ngam Tēv, ngaich lökten im ṙinātö ellōn re in ò acha-a min nö teūngen tö ngam nômö (20.31)
Unôichrit ngam vinë-nyö inlahen töm inkahkö Yēsū nö töt chanūhuvṙen nö Ṙô ngam Tēv, ngam raneh alaha ngam tölöök Inhānga nö hameuktu nup tö ṙōlkangen la-en pinngangkūö nup mahameukten Yēsū nö la-en tö Inyööken, ngam kūön ngam Tēv. Unôichrit u nun minë ṙô minkahten nö vinënyö manah nup tö meūkö nö lökten in minë la-en pinngangkūö. Ngaich ngam alaha ngam līpöre nö vamënyen yip tö haroh tumtaka ṙamātö ellōn re nö in Yēsū ngaich vīngöre nö tamömrit ò ngaich yik rīkre nö öt hō-en ò ngaich sā ò nö ṙatö ellōn re. In minë tö 13-17 mirūlö ranāpta alaha Yēsū nö in yik haköptöre ik hatööm kūö kinë-e ò, ngaich minë ṙô ò inlēnköre töm in ngëṅkö alaha cha nö ip sakāmö ngam inrātö ò. Minë lā manā-aṅ mirūlö nö vënyö kinë-eṅ Yēsū, kinṙòkken ò, inrātö ò, töm anahlö ò, ngaich ngam mineūkö ò tö yik haköptö ò nö unôichrit ngam Anahlö ò.
El prëkĕt an ngam Istori inlāhen ök kikānö tö kôti nö fāluṙen (8.1-11) pòn pōyen nup kūö kunti līpöre tö nup hötreh tö vī-i ëlô nö öt aṅhaṅv mat tö e ngaich rīkre nup mahanôl höt e nö kamngu chūök tī.
Ṙô tö ngam inlōnti an Yôhan im töt chanūhuṙen nômö nö lökten in kristū, Inlōnti ngam ihih tö ngamuh, ngaich yamih inrē nö incha yip tö akahakūö tö Yēsū nö anga-aṅ talöökö, kanò-en, nômö inrē. Ngam tinī-i Yôhan nö kūich nö minkahngu tī nö in në töng örheūheu mikahkūö hī ing panam nö hameukten minë töhet tökò-en tö sā ngam mak, rutti (Ròti), Ëāṅvö (Hanātö), yōmpököre tö nup pököre ò, ngaich ngam angkūr tö nup ṙòng u.
Nëṅ i mat e:
Raneh nyörit ngam Istori 1.1-18
Yôhān ök Vamôk tö yik raneh Mahaköp nö in Yesū 1.19-51
Töngālnyi la-en Yēsū, 2.1—12.50
Nuk Manā-aṅ Sakāmö nö i, hēk ṙanghö Yeruselem 13.1—19.42
Ngam Anahlö tö ngam Mineūkö ngam Mā 20.1-31
Ngam Manā-angrit ngam līpöre: meūkö inrē Ang Yēsū nö i Kelelī 21.1-25
موجودہ انتخاب:
T. YÔHAN INLĀHEN NGAM LĪPÖRE: CANIBSI
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.