Zenez 10
10
Desandans bann Garson Noe
1Apre deliz, bann garson Noe, Senm, Kanm ek Zafet ti ganny bokou zanfan. La lalis zot desandans:
2Bann garson Zafet: Gomer, Magog, Madai, Yavann, Toubal, Mesek ek Tira. 3Bann garson Gomer: Askenaz, Rifat ek Togarma. 4Bann garson Yavann: Elisa, Tarsis, Kitim ek Rodanim. 5Bann zabitan lo lakot ti zot desandan. Sa ti bann garson Zafet. Sakenn ti ganny dapre son langaz, son nasyon e dapre son klan.
6Bann garson Kanm: Kous ek Misraim, Pout ek Kanaan. 7Bann garson Kous: Seba, Havila, Sabta, Rama ek Sabteka. Bann garson Rama: Saba ek Dedann. 8Kous ti osi papa Nimrod ki ti premye ero lo later. 9Nimrod ti en gran saser devan SENYER. Se pour sa rezon ki zot ti dir: Parey Nimrod, en gran saser devan SENYER. 10Bann premye lavil dan son rwayonm ti Babel, Erek ek Akad, dan pei Sinear. 11Nimrod ti kit sa pei pour al ver Asiri. I ti konstri lavil Niniv, Reobot, Kela 12e Resen, ki ant Niniv ek gran lavil Kela.
13Misraim ti zanset bann zabitan Loud, Enanm, Leab, Naftou, 14Patros, Kaslou ek Kaftor, kot bann Filisten ti sorti.
15Kanaan ti papa Sidon, son lene garson, ek Het, 16zanset bann Zebizit, Amorit, Gigarsit, 17Hivit, Arkit, Sinit, 18Arvadit, Semarit ek Hamatit. Apre, bann tribi Kananeen ti disperse en pe partou, 19e zot teritwar ti pran depi Sidon dan direksyon Gerar, ziska Gaza, e dan direksyon Sodonm, Gomor, Adma ek Seboim, ziska Lesa. 20Sa ti bann desandan Kanm par fanmir, dapre pei e dapre zot nasyon.
21Senm, lene frer Zafet, ti osi ganny plizyer garson, ki trouv parmi bann zanset Heber e tou son desandan. 22Bann garson Senm: Elanm, Asour, Arpaksad, Loud ek Aranm. 23Bann garson Aranm: Outs, Oul, Geter ek Mas. 24Arpaksad ti papa Sela; Sela ti papa Heber. 25Heber ti ganny de garson: Premye ti apel Peleg, savedir Divizyon, akoz dan son lepok, later ti ganny divize. Son frer ti apel Yoktann. 26Yoktann ti papa Almodad, Selef, Hasarmavet, Yera, 27Hadoranm Ouzal, Dikla, 28Obal, Abimael, Saba, 29Ofir, Havila, Yobab: Zot tou, zot bann garson Yoktann. 30Zot teritwar kot zot ti reste ti pran depi Mesa, lo kote Sefar ziska rezyon montanny dan Les. 31Sa ti bann desandan Senm par klan, dapre langaz, dapre pei e dapre nasyon.
32Sa ti fanmir bann garson Noe dapre zot desandans, par nasyon. Apartir zot ki'n sorti tou bann nasyon ki'n disperse partou lo later apre deliz.
موجودہ انتخاب:
Zenez 10: BSK
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Labib An Kreol Seselwa © Seychelles Bible Society, 2013.