San Marcos 5 سے مشہور بائبلی آیات

شئیر

Ga̱a ne̱ cataj Jesús rihaan noꞌ a: ―Nahuún so̱ꞌ cheꞌé se amán rá so̱ꞌ niꞌya̱j so̱ꞌ manj, nocoj. Veꞌé caꞌa̱nj so̱ꞌ, ne̱ dínj ga̱a̱ nimán so̱ꞌ á. Ga̱a̱ nu̱cuáá so̱ꞌ, cheꞌé se a̱j xꞌnéj nu̱ꞌ chiꞌii̱ yoꞌ xráá so̱ꞌ na̱nj á ―taj Jesús a.

Dan me se scaꞌnúj nij soꞌ va̱j ꞌo̱ chana̱ ranꞌ ndoꞌo, ne̱ quisíj chuvi̱j ya̱ yoꞌ xraꞌ ton man noꞌ a. Ne̱ a̱j quiranꞌ ndoꞌo noꞌ sayuun, quiꞌyaj queꞌe̱e̱ nij doctor naquiꞌyaj conoꞌó man yuvii̱, ne̱ a̱j cutunꞌ noꞌ cunuda̱nj saꞌanj vaa rihaan noꞌ, tza̱j ne̱ taj se quiꞌyáꞌ a̱ doj nahu̱un sa̱ꞌ noꞌ a̱ maꞌ. Tana̱nj doj a̱ ranꞌ noꞌ na̱nj ado̱nj.

Dan me se síj canó raꞌa noꞌ saga̱nꞌ Jesús, ga̱a ne̱ nu̱ꞌ canicunꞌ ton man noꞌ cuaj a. Ne̱ queneꞌen noꞌ se vaa nahuun sa̱ꞌ noꞌ, quiꞌyaj Jesús a.

Ga̱a ne̱ taꞌaa Jesús raꞌa chala̱ cunii, ne̱ cataj soꞌ rihaan noꞌ a: ―Talita, cumi ―taj soꞌ rihaan noꞌ xnaꞌánj aꞌmii maꞌa̱n soꞌ a. Ne̱ nana̱ yoꞌ me raj cata̱a a: Na̱xaga̱a̱ so̱ꞌ, chala̱ cunii, taj nana̱ caꞌmii Jesús rihaan noꞌ a.

Ataa navi̱j caꞌmii Jesús, ne̱ caꞌnaꞌ ꞌo̱ síí cavii tucuá Jairo, ne̱ cataj soꞌ rihaan Jairo a: ―A̱j caviꞌ taꞌnij cha̱na̱ so̱ꞌ, ne̱ taj cheꞌé cara̱a̱ chrúú so̱ꞌ rihaan maestró a̱ maꞌ ―taj síí caꞌnaꞌ yoꞌ a. Dan me se cuno Jesús nana̱ caꞌmii síí caꞌnaꞌ, ga̱a ne̱ cataj soꞌ rihaan Jairo a: ―Se̱ cuchuꞌvíꞌ so̱ꞌ maꞌ. Ma̱an se cuchuma̱n ya̱ rá so̱ꞌ ni̱ꞌyaj so̱ꞌ manj á ―taj Jesús a.

Da̱nj caꞌmii soꞌ cheꞌé se a̱j cataj Jesús rihaan soꞌ a: ―Rihaan so̱ꞌ na̱na̱ chre̱e nu̱u̱ nimán síí nihánj aꞌnéꞌ ꞌu̱nj suun se vaa cu̱riha̱nj so̱ꞌ nimán síí nihánj á ―taj Jesús a. Ga̱a ne̱ xnáꞌanj Jesús man nana̱ chre̱e a: ―Da̱j cuꞌna̱j so̱ꞌ ga̱ ―taj Jesús a. Ga̱a ne̱ cataj nana̱ chre̱e rihaan Jesús a: ―Xꞌneꞌ noco̱o cuꞌna̱j núj, cheꞌé se queꞌe̱e̱ ndoꞌo núj á ―taj nana̱ chre̱e a.