San Marcos 4 سے مشہور بائبلی آیات

شئیر

Ga̱a ne̱ canicunꞌ caya̱ Jesús, ne̱ nucua̱j caꞌmii soꞌ rihaan nana̱, ne̱ cataj soꞌ rihaan na laguaná a: ―Ga̱a̱ dínj rihaan so̱ꞌ, ne̱ se̱ quinaán so̱ꞌ maꞌ ―taj soꞌ a. Ga̱a ne̱ nu̱ꞌ canicunꞌ nana̱, ne̱ cunuu dínj rihaan na laguaná yoꞌ, quiꞌyaj Jesús na̱nj ado̱nj. Ga̱a ne̱ cataj Jesús rihaan nij soꞌ a: ―Me cheꞌé chuꞌviꞌ ndoꞌo nimán soj ga̱. Ataa cuchuma̱n sa̱ꞌ rá soj ni̱ꞌyaj soj manj naꞌ ―taj soꞌ a.

Ga̱a ne̱ cuchuꞌviꞌ ndoꞌo nij soꞌ, ne̱ xnáꞌanj nij soꞌ man tuviꞌ nij soꞌ a: ―Da̱j si̱j me síí nihánj ga̱. Nda̱a nana̱ do̱ꞌ, nda̱a na do̱ꞌ, uno aꞌmii soꞌ asunj ―taj nij soꞌ a.

Ne̱ Jesús me se na̱j soꞌ rej sihu̱u̱ rihoo, ne̱ ꞌni̱j raa̱ soꞌ yatzéj ꞌni̱j raa̱, otoj soꞌ a. Ga̱a ne̱ narii nij síí tucuꞌyón snana̱ Jesús nej rihaan Jesús, ne̱ cataj nij soꞌ a: ―Nihánj me se da̱j doj cavi̱ꞌ níꞌ, maestro, ne̱ me cheꞌé ne rihuun rá so̱ꞌ ga̱ ―taj nij soꞌ a.

Ne̱ cataj uún soꞌ rihaan nij soꞌ a: ―Nuchru̱j ra̱a̱ soj nana̱ caꞌmij nihánj na̱nj á. Sese rquee̱ uxrá soj nari̱ꞌ soj nana̱ nihánj, ne̱ ra̱cuíj ndoꞌo Yaꞌanj man soj nari̱ꞌ soj nana̱ cu̱u na̱nj ado̱nj.

Ga̱a ne̱ cataj Jesús a: ―Dan me se ase vaa achij naa̱ trigó cuchruj ꞌo̱ snóꞌo roꞌ, da̱nj vaa uun chij Yaꞌanj, ne̱ snóꞌo yoꞌ roꞌ, cunô soꞌ ꞌnúú rihaan yoꞌóó, ne̱ otoj soꞌ rej nii̱, ne̱ naxaga̱a̱ soꞌ, ne̱ da̱nj ꞌyaj soꞌ da̱j a̱ güii, ne̱ dan me se xraꞌ naa̱ leꞌe̱j, ne̱ achij yoꞌ, ne̱ ne neꞌen uxrá snóꞌo asa̱ꞌ aꞌvee ꞌyaj yoꞌ da̱nj a̱ maꞌ.

Sese ta̱j yuꞌuj xréé soj, ne̱ cuno̱ soj nana̱ nihánj á ―taj Jesús a.