Markus 9 سے مشہور بائبلی آیات

شئیر

Nehono Yesus, “Pangulimu, ane mamala-'A? Moma naria to moma mamala rababei hi tauna to neparahaya!”

Dungku nongaremi tuama ngana ee, iulina, “Laiparahayaku-Ko! Tulungi'akuwo to moma naroho peparahayaku ei!”

Napu ee mai, Yesus hante ana-ana guru-Na nehua rara hou. Hangka momarapa naria todea i humpii Yesus, ana-ana guru-Na nepekune hi Hia, “Napa pade moma'i namala laipopalai kami anudaa to nampehuai ngana ee wei?” Nehono Yesus, “Anudaa to hangaa ei mai mamala'i rapopalai hante mohambaya aga.”

Poi nabelo ami, naupawee ane poi mawali matawoo, hante napapi mampakapoiki? Aji, kana maria oa poi rara wotomi pade batena moto oa komi matuwu mohingkabelo hadua bo hadua.”

“Hema-hema to mantarima hadua ngana kodi to ewa ei habana tauna ee neparahaya hi Aku, hia mui nantarima-'A. Pade hema-hema to nantarima-'A, moma wuwu Aku to laitarimana, naupawee hia mui nantarima Alatala to nantudu-'A tumai.”

Ku'ulika komi, kakonona hema-hema to mampawaika komi hancangkiri ue inu habana komi to pantuku-Ku, natantu amimi tauna ee mantarima tomo lako hi Alatala.”

“Hema-hema to mopahalatara hadua lako ngana kodi ei hampena momami meparahaya hi Aku, aginalaupi tambolo tauna ee rapantoeni watu pogilia to nabohe pade ratene'i i rara tahi.

Iwee mui ane matamu to mampakanawuko i rara doha, dungkimi. Aginalaupako mehua rara poparentaa Alatala hante hamika matamu. Nemo romika matamu maria naupawee rateneko i rara naraka.