Markus 10 سے مشہور بائبلی آیات

شئیر

Apa Ana Manuhia narata, moma bona ralayani, naupawee mampalayani pade mampopewai tuwu-Na mawali petolohi hi tauna to nadea.”

Yesus nampenotora pade iulika-Nara, “To moma naowo hi manuhia, naowo hi Alatala.”

Lauparia Yesus nangulika'i, “Koimoko! Peparahayamu nampakahalamako.” Tempo ee mui namalami nenaa, pade raumi nantuku Yesus rara pomakoa-Na.

Etumo, napa to laipahangu Alatala moma mamala rapopogaa manuhia.”

Yesus nampenoto'i hante towe-Na pade iulika-Na'i, “Hangaapi to poma nagana hi iko. Koimoko, pobalumi humawee gagumu pade popewaimi doina hi to nakahiahi bona murata mei gagu i huruga. Napu ee karatamoko mantuku-'A.”

Nepekunemi Yesus hi hia, “Napa to laipodotamu Kubabei hi iko?” To naburo ee mai nehono, “Rabi, to laipodotaku bona mamala'a menaa!”

Moma iwee ane komi. Hema lako hi komi mingki malangko pangkana, hia ee mai kana mampalayani komi ewa hadua batua.

Mpuu-mpuu Ku'ulika komi, hema-hema to moma nampaturuhi Alatala ewa ngana kodi, moma'i mawali todea Alatala.”

Naupawee nadea tauna to tempo ei laibila, mawali tauna to moma rabila, pade tauna to tempo ei moma laibila, mawali tauna to rabila.”

Naupawee kakonona, hinungkai dunia laipajadi Alatala, laipajadi-Nara balailo pade bangkele. ‘Etu pade balailo kana mampalahi tuamana bo tinana, pade mopahangu hante bangkelena, hampena roduara ee mawali hangu wotoradamo.’ Aji, i tingoo Alatala, to poncamoko momaramo rongu woto, naupawee nawali hangu wotoradamo.