Hechos 2 سے مشہور بائبلی آیات

شئیر

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Vanlha lhna mota apkellasekhai'o aktemakha apketlhekmosekamok nema allapaskamo, apkeltaiangkolha lhna lhta mota nhan apketlhelhma'ak, kakpota nhan aptaveikokho lhemek, kanhan apkelpasmekho apkelelmalhnongkoma m'a.

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Ka akpelapkeskamo lhnak apkellengai'a akiennaktema nkek amnoma aniemei'o neten. Malha alhkaiam akiennaktema lhna ntemak ma'a, nlanengvai'ak nak ma'a akieto apkakhangkelha konne m'a. Ka alpelapkeskamo lhnak alenteiapvei'o aleivoma malha talha apietsekso'ok lhamakho enenlhet'avok ma'a apkelanemmakpo. Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Lhamakho knem nak apkaqnekha mota akieto Eniapom Neten apnemakha m'a, kakpota nhan apkelpasmekho m'a apkakhaiangkelha nentoma aktaqmanma. Aptaveikokho nhan nentoma nkek akieplomo alpaihekha apvalho'ok ma'a kakpota nhan allakhaiangka apvalho'ok. Apkeliavenkaseiangka nhan apvesai'a Eniapom Neten ma'a, apketlhenammakpo lhnak na apkellelto apkeliamolhma m'a. Lhamakho knem na ntemak aplhamasekamok Apveske m'a enenlhet'avok knema ta alvongkeskama tep.

«Lhke aptak Eniapom Neten, hata akvakmo ta nnelha aknem lhmankek ham, aiangkenek hata Espíritu ehenkok takhaplhet'ok aplhamakho enenlhet'avok lhmankek ham, apketkak apkelennava'ak kakpota nhan ngkelvana'ak nkotlhenek hata ania'a apankok aniem'o Eniapom Neten. Apketko'ok ngkoitek hata alvetai'a apaqto'ok, kakpota nhan apkelvaneiam apkelvanmongkoma.

Apkennaskesammakpek nak na lhamakho qaselha apanko'ok apkellelto meliaskeiam Jesús ma'a aniem'o apkaqnekho mota. Apkeliamasmek nak na lhepop apanko'ok kakpota nhan lhamakho qaselha apankok, apkennaskesammakpek nak patakkom alaimommalhkelha la m'a.

Nkolhek hata nhan alvongkaso tep aplhamakho apkelelto apkellavekama Apveske», lhnak nanek aptema m'a.

Nkomaskok hata apommato aknem, kakpota nhan pelten eielhvaksek hata, malha ema ta etnehek ma'a, netamen nkovak hata aknem apankok Apveske akiavai'a aktaqmanma nkoie.