ወንጌል ዘዮሐንስ 13 سے مشہور بائبلی آیات

شئیر

ወእሁበክሙ ሐዲሰ ትእዛዘ ከመ ትትፋቀሩ በበይናቲክሙ በከመ አነ አፍቀርኩክሙ ከማሁ አንትሙኒ ተፋቀሩ በበይናቲክሙ። ወበዝንቱ የአምረክሙ ኵሉ ከመ አርዳእየ አንትሙ እምከመ ተፋቀርክሙ በበይናቲክሙ።

ወሶበ እንዘ አነ እንከ ሊቅክሙ ወእግዚእክሙ ኀፀብኩክሙ እገሪክሙ ከማሁኬ አንትሙኒ ይደልወክሙ ትኅፅቡ እግረ ቢጽክሙ። እስመ አርኣያየ ወሀብኩክሙ ከመ ትግበሩ አንትሙኒ በከመ ገብርኩ ለክሙ አነ።

ወአውሥአ እግዚእ ኢየሱስ ወይቤሎ ዘእገብር አነ አንተ ኢተአምር ይእዜ ወባሕቱ ድኅረሰ ተአምሮ።

አማን አማን እብለክሙ አልቦ ገብር ዘየዐቢ እምእግዚኡ ወአልቦ ሐዋርያ ዘየዐቢ እምዘፈነዎ።

ወእመሰ ዘንተ ተአምሩ ብፁዓን አንትሙ እመ ገበርክምዎ ለዝ።

ወተንሥአ እምኀበ ይዴረሩ ወአንበረ አልባሲሁ ወነሥአ መክፌ ዘለንጽ ወቀነተ ሐቌሁ። ወወደየ ማየ ውስተ ንብቲራ ወአኀዘ ይኅፅብ እገሪሆሙ ለአርዳኢሁ ወመዝመዘ በውእቱ መክፌ ዘቀነተ።