ɛMacu 24 سے مشہور بائبلی آیات

شئیر

iBebhe de sɛ ne hantey yɛ, iphɛ ne te ishwim ninyi da ne te ntsentseng. ɛNyi gha ne ɛ kɛ ne rop iku i bhɛ phyii taal, ɛbhɛ sɛ ne iphɔrɔt.

Sɛ ne sanga iBol iYɛnɛng ne iGbɔm ɛTaanggbey da ɛzay ya gbik, tɛ igbagha ɛzay yo phok nyɛɛn, ɛzay ya ne ji kyi taal le.

Ɛ sɛ ne phok ɛn ngka ne itsom ne i ta cɛcɛk, ne ɛ phok ɛn ngka ne izee ne i ta kyakyak. Sɔng ne ɛ sap ɛn nang, iphɛ so ngbingbing nikɔn nɛnaa tes, itaal ɛzay da sɛ ne kyi tɔ.

iGbagha so sɛ hal le ne gbagha, igbɔm ne hal le ne igbɔm. iYɔm sɛ ne lel nilɔ na kang-ka-kang, ivel da ne rungket nilɔ na kang-ka-kang. Nikɔn nɛnaa wo sɛ ne soye nggbang ne tsa yɛ.

iRywa ne ɛzay ya sɛ phebhe gbik, sɔng ibol nge de sɛ ne ma phee nang.

Ninyi na gbom sɛ yɛɛset ndɔ ne irywɛɛk nge wo, nibhɛ yɔngɔ, ‘Mee nzo me ɛKiriti gha,’ nibhɛ ne luk ninyi na gbom.

“Sɛ ne wumus nyini i naas ninyi nɛ ninaa ne baasek nyini nggbang, nibhɛ ne phobho nyini. iGbagha wo gbik sɛ ne mbaray nyini ɛlɔ me wo. Nten nɛdee nggyɛ wo itin ne ibol ninyi de gbom sɛ ne te ntsenteng, nibhɛ ne naas isap nigwaa nibhɛ, nibhɛ ne ta mbaray nigwaa nibhɛ. Ninabawa ne irywɛɛk sɛ ne yɛɛset gbom nibhɛ ne luk ninyi na gbom.

ɛYɛso gha ne kyii nɛ ɛ yaak nibhɛ, “Wɛɛ ɛn nyini iyɛnɛng, sɔng ɛ sim ɛn ɛnyi luk nyini nang.

iPhɛ ɛlɛy, iphɛ ne so nggbinggbing ɛ ryɔng ɛn nyini daa ɛli ne ɛNgɔn ɛNyi gha sɛ yɛɛs nten de ne hame ɛ yɛɛn ɛn.

“iPhɛ ɛlɛy, ne ɛ shɛɛ ɛn ɛkanang, daa ɛli ne sɔng ɛ yɛɛ ɛn ɛtuk kɛgha ne ɛDaray mon na sɛ yɛɛs sang.

“Sɔng ɛnyi i yɛɛ ɛtuk kɛ ne nten nɛ nang, sɔng nimalɛka ɛdaa ne irywa nang, sɔng ɛNgɔn na ma yung yɛɛ nang, ɛkyɛɛ gha zɔng ɛbhɛ yɛɛ ɛtuk kɛ.

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

Te ɛli ne iphɛ kaa te nten ɛNuhu de, ɛlɛy ne iphɛ sɛ ne te, sɛ́ sɛ ɛngɔn ɛNyi gha yaaso wo. Ndɔ nituk ka ne inɛn ne taal ɛzay da kaa tang yɛɛs so, ninyi na kaa ne i re nibhɛ sɔ, nibhɛ ne i tuul nikuk, nibhɛ ne ma naas ninɔn nibhɛ nɛ ninyi, maa phɛɛs ne hɔn ɛtuk ka ne ɛNuhu gha kɛ lel lɛ ndɔ ne ɛgyirigyi inɛn da. Nibhɛ ne yɔng wu te i seng en, ɛgbaang inɛn no kɛ ku yɛɛs ɛbhɛ ne kpuusi nibhɛ. ɛLɛy ne iphɛ sɛ ne so nten ne yɛɛs ɛNgɔn ɛNyi de.