Лука 17 سے مشہور بائبلی آیات

شئیر

Анан айыккан адамга кайрылып: – Тур, бара бер, сени ишенимиң айыктырды, – деди.

Эгер ал бир күндө жети ирет сага жамандык кылып, кайра жети ирет күнөөсүн мойнуна алып, кечирим сураса, кечир.

Бирөөсү айыкканын көрүп, Кудайды кыйкыра даңктап, кайтып келди да, Ыйсанын бутуна жыгылып, алкышын жаадырды. Бул киши самариялык болчу.

Ошондуктан өзүңөргө этият болгула. Эгер боордошуң сага жамандык кылса, зекип кой. Эгер күнөөсүн мойнуна алып, кечирим сураса, кечир.

Ошондо Ыйса: – Айыккандар он киши эмес беле? Калган тогузу кайда?

Эгебиз аларга мындай жооп берди: – Эгер сары кычынын данындай ишенимиңер бар болсо, мына бул турган тыт дарагына: «Тамырың менен жулун да, деңизге олтургузул!» десеңер, тилиңерди алат эле.

Жанын сактоого аракеттенген адам, жанынан айрылат, ким жанын Кудай үчүн аябаса, аны сактап калат.

Ыйса шакирттерине дагы мындай деди: – Күнөөгө батырган азгырыктар сөзсүз келет, бирок ким аркылуу келсе, ошонун шору куруйт. Мына бул кичинекейлердин бирин азгырып, күнөөгө батыргандан көрө, ал үчүн мойнуна тегирмендин ташы байланып, деңизге ыргытылганы оң болмок.

Нухтун убагында заман кандай болсо, Адам Уулунун кайра келер алдында да ошондой болот. Топон суунун алдында да Нух кемеге кирген күнгө чейин адамдар жешти, ичишти, үйлөнүштү, күйөөгө чыгышты, күндөлүк турмуш менен алек болушту. Бирок топон суу келип, баарын басып калды.