Ephesa-te 5 سے مشہور بائبلی آیات

شئیر

Tua ahi manin itluat tate bangin Pasian a ettehte hi unla, Christ in eite hong it a, eite adingin Pasian tungah a namtui-a piakna ding le biakpiakna dingin amah le amah a kipiakkhiat bangin itna nuntakna tawh na nungta un.

Tua hi-a na nuntak zia uh, apil lote bang hi loin apilte bangin limtakin kidawm unla, nite hoih lo ahi manin hun hoih na neih peuhpeuh uh a hoih penin na zang un.

Zu kham kei un, uangtat luatna mun hong tun thei hi. Tua sangsikin, Kha tawh na kidim zaw un. Phatna-late, biakna late le khalam late in khat le khat na kihopih un. Na lung sung uhah phat kawmin Topa tungah la sa un, Topa Jesu Christ minin na khempeuh hangin Pa Pasian tungah lungdam na ko tawntung un.

Tua ahi ciangin hai kei unla, Topa deihna bang ahi hiam, cih theitel zaw un.

Christ in a pawlpi it a, ama adingin amah mah a kipumpiak khiat bang tektek in, pasalte aw, na zite uh it un.

Ahang in, hun khat lai-in note khuamial na hi uh a, ahi hangin tu-in Topa sungah khuavak na hi uh hi. Khuavak tate bangin na nungta un

Christ zahtakna tawh khat le khat na kiniamkhiat tuah un.

Zite aw, Topa tunga ki-ap bangin na pasalte uh tungah ki-ap un.

Bangbang ahi zongin, note a kua mapeuh amah leh amah a ki-it bangin na zite uh na it pelmawh un. Zi in zong a pasal a zahtak pelmawh ding hi.

"Hih thu hangin pasal in a nu le a pa nusia-in a zi tawh kigawm dinga, tua nihte sakhat a suak ding uh hi." b

Gah a gah lo khuamial gamtatna tawh na kisawhkha kei unla amau gamtatnate na pholak zaw un.