Ephesa-te 4 سے مشہور بائبلی آیات

شئیر

Note migi in khat le khat na kikhuatuah unla Pasian in Christ sunga note mawhna hong maisak bang tektek in, na mawhna uh na kimaisak ciat un.

Kiniamkhiat le migitakin om un; lungduai-in itna tawh khat le khat na kithuak keeikai un.

Na kam panun kam hoih lo pusuak sak kei un, ahi zongin a zate in phat tuampih in amau tangsapna tawh kizui-a, amaute bawlpha in, a huh thei ding kammal bek pusuaksak zaw un.

Khaat-na, ngonghehna le hehna, kitotzakna le gensiatnate khempeuh etsatna nam khempeuh tawh na paikhia un.

"Na heh sungin na mawh kei in," c na heh dam loin ni na tumsak kei in, dawimangpa siksan na awn kei in.

Tuma lai-a na nuntakna uh tawh kisai-in khemhat lunggulhna in a siatsaksa na milui uh suahkhia ding, na lungsim puakzia uh kibawl thak ding, amaan thumaanna le sianthona taktak sungah Pasian tawh kibang dinga kipiangsak mithak na silh ding uh note hong kihilh hi.

Kilemna in hong khihkhawmna tungtawnin, tua Kha a na kipumkhatna uh na letkip nadingun na hih theih tawpun hih un.

Amah, mi pawlkhat sawltakpi, pawlkhat kamsang, pawlkhat lungdamna thugen, pawlkhatte thuhilh sia le laihilh sia sem dingin a pia pa hi-a, tuate in Christ pumpi a khansuah theih nadingun Pasian mite na sem dinga a bawlkholh nading ahi hi. Tua in eite khempeuh, tua upna le Pasian Tapa theihna ah khat suaka, Christ kicinna zahzah a i picin mateng ading ahi hi.

Tua ciangin mite in zuau siamna le khelpilna tawh a geel uh amau khemna ah, tuihual in a lapsuk a laptoh, thuhilhna huih citeng in amut kawikawi naungekte i hi nawn kei ding hi. Tua sangsik in, itna tawh thutak genin, Lutang ahi pa Christ sungah, na khempeuh ah ama sungah i khangto ding hi.