2 Corinth-te 4 سے مشہور بائبلی آیات

شئیر

Tua ahi ciangin a kimu theite mitsuan loin a kimu thei lote ka mitsuanzaw uh hi. Ahang in, a kimu theite tomkha kal sung bek om a, a kimu thei lo pen ahileh a om tawntung ahi hi.

Tua ahi manin ka lungkia kei uh hi. Ka pualam uh a kiamkiam hangin ka sunglam uh a ni a ni-in hong kithak suaksak hi. Ahang in, a cihtak lo le hun tomno sunga ka thuak uh lungkhamnate in tuate khempeuh a khup tawntung minthanna kote hong ngahsak hi.

Kote ka kimkot panun nakpi-in hong kinehcih hangin netkhapin ka om kei uh hi; amkhamin ka om uh hangin lung mangin ka om kei uh hi; bawlsiatin ka om uh hangin taihsatin ka om kei uh hi; hong kisattuk hangin hong kisusia kei hi.

Ahi hangin na khempeuh sanga lianzaw, a vangliatna kote tung pan hi lo Pasian tung pan a hina a kilat nadingin hih gou, leibeelte sungah ka nei uh hi.

Pasian lim a hipa Christ minthanna lungdamna-thu khuavak a muh theih loh nadingun a um lote lungsim mit hih khanghun pasian in a tawsak hi.

Ahang in, "Khuamial lak panin khuavak tang hen," b a cipa Pasian in Christ maitang a om Pasian minthanna, tua theihna khuavak hong piak nadingin kote lungsim sungah khuavak hong tangsak hi.