1 Corinth-te 12 سے مشہور بائبلی آیات

شئیر

Tu-in mi khempeuh i hoihkim nading mikim tungah Kha kilatkhiatna kipia ciat hi.

Tu-in note Christ pumpi na hi uh a, a pumpi nate na hikim uh hi.

Khat in a thuak leh adang khempeuh in a thuakpih hi. A nate khat a kipahtawi leh adang khempeuh in a lungdampih uh hi.

Mi khat tungah Kha tungtawnin pilna thupuak kipia hi. Midang khat tungah tua Kha mah in theihna thupuak, midang khat tungah a kibang Kha in upna kipia a, tua Kha khat mah in cina damsakna letsongte, midang khat tungah nalamdang bawl theihna vangte, midang khat tungah thu magen theihna, midang khat tungah khate khentel theihna, midang khat tungah pau nam tuamtuam a pau theihna, midang khat lai tungah paute khiat theihna b kipia hi.

Hihte khempeuh a kibang Kha khat nasep hi-a, amah in a sehsa bangin amaute a pia ciat hi.

pumpi sungah tua bangin kituam khenna om loin, a nate khat le khat a kibanga a kithusim tuah ciat nading uh ahi hi.

Letsong a tuamtuam a om hangin Kha a kibang ahi hi. Nasepna a tuamtuam a om hangin Topa a kibang hi. Sepsakna nam tuamtuam a om hangin mi khempeuh sungah tua Pasian mah in a sem hi.

Tua hi-a Pasian pawlpi sungah a masapenin Pasian in sawltakpite, a nihna-in kamsangte, a thumna ah lai hilhte, tua ciangin nalamdang bawlte, cina damsak theihna letsong ngahte, midang a huh theite, ki-ukna letsong ngahte le pau nam tuamtuam a paute zong a seh hi.

Na khat bek tawh pumpi kibawl hi loin na tampi tawh kibawl ahi hi.

Tua sangsikin pumpi na a gina lo hileh a kilawmte a kisampente hizaw hi.

Pumpi a vekpi in mittang khat hi mawk leh khuazak theih nading koi-ah om ding ahi hiam? Pumpi a vekpi-in bil khat hi mawk leh a gimnam zak theih nading koi-ah om ding ahi hiam? Ahi hangin Pasian in amaute, ama deihna bang tektekin pumpi tungah a guang kim hi. Amaute khempeuh pumpi na khat bek hileh pumpi koi-ah om ding ahi hiam?