Madiu 16 سے مشہور بائبلی آیات

شئیر

Tu Yesu ana tomuliya agaidiya gigahe gigayo, “Gava kaliva nuwanuwana tavagiku ginamafuna, medema gilubodana be tauna yana nuwanuwa gidavenuwauluyena, ada Iya agaikuya gidavetomuliya-yo gidahawahegena be vita tulina tulina gidanuhagana.

Kadu Iya ganagahe. O'eni Fita, a egana ana kaivila ma kuga. O unave'ogola ada tovetumagana ami yo'o higa yaku manuwa mena kuga give'ogola-ma againe ganakivemididimi. Aba'alika ana tofaiwala koyodiyao nuwanuwadi yaku manuwa hinaluyaweyawelimi tu keke adifaiweya, hinaga-wayoga.

Kadu yaku manuwa ana kihi higa yaku yo'ogaga yadi luku o una'itave'avina. Gava dewa babiya unahawatana, medema kadu lobameya hinahawatana. Ada gava dewa babiya unahawahegena, medema kadu lobameya hinahawahegena.” Hidedemi Yesu gigahe.

Ada gava kaliva keke nuwanuwana Iya agaikuya ginahawahegeni tu taunaga fa'ina ginanuwanuwa tova moya'aina, medema yawaina ginanuhegena. Atu gava kaliva ginahawahegena be aku vetumagana fa'ina yawaina ginanuhegena, medema yawai-vagahina ginanuhagana.

Ka'i kaliva babi ana lokoloko matatabuna ginavai-'owona tu tauna alu'aluwana yana miya hagihagina ginanuhegena digo, keke tamo gavadi yamumuna ginanuhagani. Ka'i alu'aluwana yana miya yamumuna ginanuhegena digo, keke tamo laufata anafaiweya ginaseni-yo yawaina kadu ginanuhagani.

Yesu gigayo, “Tu omi'iyao Iya vaita hakwa'adi ma gavaimi wagahe?” Saimoni-Fita gigahena gigayo, “O'eni Yaubada yana Tovegida higa Keliso. O Yaubada Tomiya-vagata Natuna.”

Yesu gigayo, “Saimoni Yona natuna, o'eni kaliva ya wavemwamwala. Inubaku uyakahina-ma keke tamo kaliva o againiya gidahawavemogataleni. Au Kamaku lobameya gimimiyami-ma gihawavemogatalena.