SAN MARCOS 14 سے مشہور بائبلی آیات

شئیر

—Caacʉ, nipetirijere mʉ áti maji. To bairi mʉ ca-booata rooro yʉ ca-tamuope to baiqueticõato. Yʉ maca yʉ ca-popiye tamuope yʉ ca-booquẽtie to ca-anibato quena mʉ ca-boorore bairo maca to baiato, ca-ĩiñupʉ.

Caniquẽnana cotecõaña mʉjaa. Diore cʉ̃ jeniya, Sataná cʉ̃ ca-boorije macare jã áti wadajãremi ĩirã. Mʉja yeripʉre yʉre mʉja ca-aáweogaquẽtie to ca-anibato quena mʉja rupaʉri macare mʉja ocabʉtiquẽe, na ca-ĩiñupʉ.

Cariape mʉjaare yʉ ĩi. Ati yepa nipetiro yʉ ye quetire ca-buio teñarã yʉre cõ cá-átaje quenare buiogarãma. Yʉre cõ cá-átajere majicõa aninucugarãma to canacã rʉmʉna, na ca-ĩiñupʉ Jesú.

Tʉgooñarique pai netobacʉ oco bairo na ca-ĩiñupʉ: —Yʉ bai yajibo, seeto majuu tʉgooñarique pai netori yapapuabacʉ. Atona mʉja yuu ruiwa caniquẽnana, na ca-ĩibajupʉ.

Ĩi yaparo Jesú cʉ̃ buerã mena ʉgaʉ, pan're nee, cʉ̃ Pacʉ Diore ca-jeni nʉcʉbʉgoyupʉ. Jeni nʉcʉbʉgo yaparo tiare pe mʉto, nare joo, oco bairo na ca-ĩiñupʉ: —Ʉgaya. Atie yʉ rupaʉ ãa, na ca-ĩiñupʉ.

Cabero etirica bapare nee, Diore ca-jeni nʉcʉbʉgoyupʉ tunu. Jeni nʉcʉbʉgo yaparo cʉ̃ buerãre na ca-tĩañupʉ. Nipetirã cʉ̃ buerã ti bapare ca-eti peticõañuparã. Nare tĩaʉna oco bairo na ca-ĩiñupʉ Jesú: —Atie yʉ rií ãa. Yʉ rií ree yajigʉ, camaja capaarã caroorije na cá-átiere wapayebojaʉ. To bairo yʉ ca-rií ree yaji wapayebojaro camaja caroorije na cá-átajere majiriobojagʉmi Dio cʉ̃re ca-jeni nʉcʉbʉgorãre. To bairo mʉjaare yʉ ca-ĩi cũuri wamere tʉgooñari etiya.

Topʉ na cá-aáto oco bairo na ca-ĩiñupʉ Jesú cʉ̃ buerãre: —Mʉja nipetirã ati ñami uwibana yʉre mʉja ruti weo peticoagarã. To bairo mʉja ca-baipere Dio ye queti ucarica pũuropʉ ca-ĩi ucaricarore bairona baigaro. Oco bairo ĩi ucarique ãa: “Oveja ʉpaʉre cʉ̃ jĩagarãma. Cʉ̃ na ca-jĩaro tʉjʉrã, oveja aá bategarãma,” ĩi ucarique ãa. To bairo na cá-aá baterore bairona mʉja quena yʉre mʉja ruti aáweogarã, uwibana.

¡Wamʉnʉcaña! ¡Jitá! Meere eja tʉgami yʉ mena ca-anibatacʉna caroorãre yʉre ca-wadajãricʉ.

To bairo cʉ̃ ca-ĩiro: —Cariapena mʉre yʉ ĩi. Yucʉ ñamina ca-bujuri paʉ jʉgoye ãbocʉ pʉgani cʉ̃ ca-wadaparo jʉgoye itiani, “Cʉ̃ mena macacʉ mee yʉ ãa,” yʉre mʉ ĩitogʉ, ca-ĩiñupʉ Jesú Pedrore.