SAN MARCOS 13 سے مشہور بائبلی آیات

شئیر

To bairi camaja nipetirã yʉre ca-api nʉcʉbʉgorãre tʉjʉteegarãma. Yʉre ca-api nʉcʉbʉgonucucõarã macare na netoogʉmi Dio.

’Di rʉmʉ majuu yʉ ca-tunu atípere mʉja majiquẽe mʉjaa. To bairi caroaro tʉgooña maja catíri yʉ ca-boorore bairo to canacã rʉmʉ áticõa aninucuña.

Ʉparã tʉpʉ mʉjaare na ca-jee áato tʉgooñarique paiquẽnana aánaja. Mʉjaare na ca-jeniñarijere na mʉja ca-ĩi yʉʉpere tʉgooñarique paiqueticõaña. Nare mʉja ca-ĩi yʉʉpere mʉja majiogʉmi Dio. To bairi mʉja majuuna mʉja ca-ĩipe aniquetigaro. Dio Espíritu Santo mʉjaare cʉ̃ ca-ĩi majiope macare mʉja ĩi yʉʉgarã.

Ʉmʉrecoo, yepa quena wajoagaro. Yʉ ca-ĩi buiorije maca wajoaquetigaro. Yʉ ca-ĩi buiorore bairona baicõagaro.

’Ati ʉmʉrecóo ca-petipere, “Ti rʉmʉ ca-ano, ti paʉ majuu ca-ano petigaro,” ĩi majiña maa. Dio tʉ macana quena ĩi majiquẽema. Yʉ quena Dio Macʉ anibacʉ quena yʉ majiquẽe. Mani Pacʉ ʉmʉrecóo macacʉ jeto majimi to bairo ca-baipere.

’Na ca-ame jĩarije quetire mʉja apigarã. Capee paʉri to bairo ca-bairijere mʉja queti apigarã. To bairo ca-bairijere apirã uwiqueticõaña. To bairona bai jʉgogaro ati ʉmʉrecóo ca-petiparo jʉgoye. Ca-petiparo rʉjagaro mai.

Cʉ̃ cá-aáto bero caroaro na ca-ani yuurore bairona baiya mʉja quena. Na quena, “To cõo majuu tunu atígʉmi mani ʉpaʉ,” ĩi majiquẽnama. Canaiori paʉ, ñami recomaca, ãbocʉ cʉ̃ ca-yupiri paʉ, o ca-bujuri paʉ bero tunu atíboʉmi. Mʉja quena nare bairona majiquetibana caroaro yʉre yuunucucõaña. Majiña mano yʉ cá-atí paʉpʉre ca-canirãre bairona mʉja aniborã to canacã rʉmʉ mʉja ca-tʉgooña maja catíquẽpata. Mʉjaare yʉ ca-ĩrijere yʉ yarã nipetirãre to bairona mʉjaare yʉ ĩi. Caroaro coteya to canacã rʉmʉ.

Jicã maja ape maja mena amequẽgarãma. To bairi jicã yepa macana, ape yepa macana mena ame jĩagarãma. Capee paʉri yepa nanaagaro. Ape paʉri ñigo riarique quena anigaro. Atie nipetirije popiye tamuorique bai jʉgogaro. To bairo to ca-baibato quena ati ʉmʉrecóo ca-petiparo rʉjagaro mai.

Ati ʉmʉrecóo ca-petiparo jʉgoye nipetiro macanare Dio camajare cʉ̃ ca-netoo catíorije quetire ca-buio bate teña peocõape ãa.

Capaarã ĩitori, “Dio cʉ̃ ca-rotiro mena yʉ áa. Dio cʉ̃ ca-jooricʉ majuu, Cristo yʉ ãa,” ca-ĩitorã anigarãma. To bairo na ca-ĩitorijere apiʉjagarãma camaja capaarã.

’To bairo ca-bairi paʉ yʉ ye quetire ca-apiteerã rooro mʉja átigarãma. Yʉre mʉja ca-apiʉjarije wapa ʉparã tʉpʉ jee aáti, na neñapo buenucuri wiiripʉre mʉja bapegarãma. To bairo na cá-áto ʉparãre yʉre mʉja ca-api nʉcʉbʉgorijere nare mʉja buiogarã. To bairi mʉja majuu caroaro tʉgooña ocabʉtiya, rooro mʉjaare na cá-átigarije to ca-anibato quena.

Capaarã, “Dio cʉ̃ ca-jooricʉ majuuna yʉ ãa,” ca-ĩito pairã anigarãma. Aperã, “Dio ye quetire ca-buiorã jã ãa,” ca-ĩitorã quena capaarã anigarãma. Capee áti iñoogarãma, Dio yarã cʉ̃ ca-cũricarã Diore na apiʉja janaato ĩirã, ¿jã macare na apiʉjabocʉtí? ĩirã.

To bairo ĩi yaparo oco bairona na ca-ĩinemoñupʉ Jesú: —To bairo popiye tamuorica yʉtea bero muipu ʉmʉrecóo macacʉ naitĩacoagʉmi. Ñami macacʉ quena bujuquetigʉmi. Ñocoa quena wẽegarãma. Ʉmʉrecoo macana quena nipetirã seeto wãregarãma.