T. YÔHAN 15 سے مشہور بائبلی آیات

شئیر

Chū-ö Chin vāin; pak yin yī-ö. Ngòh töngngöh nö in Chu, in ò Chū-ö inrē, anga-aṅ tö pōyen ṙòng; pò yīö öt kanô-òṅvö, yē yīö köhngen tö Chu.

Höngngöh yin in chu; in yīö Chū-ö inrē. Sā ngam pak nö öt kô nö kahngenre nö ṙôngu, yē e nö öt ngöh nö im vāin, ngatī yī-ö öt kô, yē yīö öt ngöh in Chu.

Yē yīö ngöh in Chu, ngöh minë ṙô Chu inrē nö in yīö, havë-a yī-ö tö nup töng lōnre; ngaich kô-òren yī-ö teūngen tö u.

Rö-ö yin yī-ö kamtöllen Chu; Chū-ö Chin kamtöllen yīö, ngaich hōten yīö kiröönngöre, öi ṙônguvö; ngaich höngngöh ngam ṙòng yīö; hòṅ nup havëkö yīö min i Mine-eny Chu, im Yöng, nö kētu nö in yīö min tö Ò.

Öt hĕng tak tömööḵlö hanāngenlōntö ngih, tö ngòh kamëḵngö nômöre töpòkūö holre.

Ngih pak in Chu tötṙônguvö, fāngi angū-ö tö Ò; ngih pak töṙônguvö ahatlöng tö Ò, pòn hōtu nö ṙuhölre ṙòng.

Ngih ön chöngö Chu, Hāngenlōn yin tö höö sā hanāngenlōn Chu tö yīö.

I ṙôken ṙòng yīö i yīö mahaköp in Chu inrē, ngam Yöng Chu nö eū-eu.

Chū-ö Chin tökô-en vāin; ngam Yöng Chu An vamī panô-òṅ.

Yĕn hĕng tak ngòh tötngöh nö in Chu, fāngi anga-aṅ nö sā pak, ngaich nyangngö; hamūlö ngaich, kavalhötvö nö i kūö tameūyö; ngaich ṙāpngö.

Ngāchô Chin tö yīö tö u, hòṅ ngam ṙanāmölōn Chu nö in yīö, hòṅ ngam ṙanāmölōn yīö inrē nö teungta.

Yē yīö haköp në chöngö Chu, höngngöh min yī-ö im hanāngenlōn Chu; sā Chu Chū-ö haköp në chöngö ngam Yöngre ngaich höngngöh im hanāngenlōn Ò tö Chu.

Kē-ĕkūö yīö Chin tö në chöngö, hòṅ yīö kö hāngenlōn tö höö.

Yē yīö öre aṅ ngih panam, hāngenlōn öre ngih panam tö aṅkūöre. Kūö yīö pöri öt aṅ ngih panam, pò Chu katöllen yīö ing panam; lökten ngih panam nö surīkhen yīö.