T. YÔHAN 14 سے مشہور بائبلی آیات

شئیر

Ṙā-akūö yīö Chin tö ngam kumchikṙen. Kētö ngam kumchikṙenre Chin in yīö. Öt sā tī ngih panam Chin kē-ĕkūö yīö. Uh yin röiyö ellōn; Ui rēhĕn pa-ekūö lōn.

Ngaich Yēsū nö ngö ṙô tö ò, Chū-ö Chin Talöökö, Kanô-en, Nômö inrē. Öt hĕng tak yamihtöre nö im Yöng, höng lökten in chu.

Uh yin röingö ellōn. Ṙātö ellōn re yin im Tēv; in chu inrē.

Ngam Mahangëken pöri ngam Töhet Fanöinylö, ngam tahīntö ngam Yöng min nö i Mine-eny Chu, Anga-aṅ min mahaköpten yīö tö taṙòkhöre, ane inrē fēḵlen yīö tö taṙòkhöre, ane inrë fēḵlen yīö tö nup ṙô Chu tö yīö.

Ngòh tö-īnu tö në chöngö Chu, ngaich haköpö u, anga-aṅ an tö hāngenlōn tö Chu. Anga-aṅ ngam töhāngelōn tö Chu, hanghuṙen min tö ngam Yöng Chu; ngaich hāngenlōn Chū-ö min tö ò, ngaich hameuktöre Öich in ò.

Ngaich ve-ekūö ngam Yöng Chū-ö min; ngaich kētö tahëng Mahangëken min Anga-aṅ, hòṅ Ò nö örheūheu nö holtöṙah yīö; Ngam [Töhet] Fanöinylö kanô-en, ngam töt kô nö kahëḵ ngih panam; pò e nö öt meūkan, öt rēhĕn nö akahan. Akahakūö pöri yī-ö tö Ò, pò Ò nö höngngöh nö hol yīö, ellōn yīö inrē.

Nup töng havëkö yīö i Mine-eny Chu, kēkö u Chū-ö min; hòṅ ngam Yöng nö ha-öinyö nö im Kūön. Yē yīö havëkuvö i Mine-eny Chu kēkö u Chū-ö min la-evṙen chū-ö min tö u.

Yē yīö hāngenlōntö Chu, haköp në chöngö Chu min yī-ö.

Pōyen nup chūökö i patī ngam Yöng Chu. Yĕn öt ngatī öre, ngaich ve-eny nang yīö Chū-ö; tön kiröönngöre Chin halēnkö chūök yīö.

Ngaich yē Chu kiröönngöre, halēnkö chūök yīö; yih Chū-ö min hēk, ngaich kē-ĕ yīö in re.

Ngaich ngö Ṙô Tômas tö Ò, Öt akahalōn in töp chahuhu Meh; Sitih kanô-òṅ öi akahalōn tö ngam talöökö?