Lukas 10 سے مشہور بائبلی آیات

شئیر

Nangan ne! Uikjale kas laih tuan na, kit musu. Nol un kon muik in kuasa! Mo Auk bel mi kuasa son le tao tehen un in kuasa ka. Nol eta noan mi kida tom ul in muik lasong, tamlom hkulang kon mi sa-saa lo. Muik tahan in tao daat saol mia lo.

Mo Lamtua Yesus siut noan, “Marta, Marta. Ku kukamu nol lii-tiud isi le nangan bili-ngala. Banan, mo muik dasi mes man banan dui. Daad le hii Auk in Teka-teka ngias sa, Maria huil tom banan dui nga son na. Atuli nuhu-dau nal in Teka-teka nas deng un lo.”

Atuling na situn noan, “Un dul elia: ‘Ku musti namnau Ama Lamtua Allah, ku Tuang nga, dui deng totoang. Undeng na, ku musti nangan net Un tutungus, daek mumuun le muid Un in koma ka, nol nangan taan se Una.’ Muik in dula kon noan, ‘Ku musti namnau ku pali-kakam mas, el ku in namnau ku apam ma esa ka.’ ”

Un nutus oen noan, “Muik atuli mamo man banansila el ael in latu son na. Liis klapa lamtua ka tadu atuil in dake ngas le maa nul tuun. Tiata mi musti kohe-kanas le nodan Ama Lamtua Allah, tunang taplaeng Un atulin in dake ngas, halin tao nakbua atuli-atuil in le muid Au ngas. Undeng atuil in le muid Au ngas, mamo. Mo atuil in dake ngas suma bubuit sii.

Yesus in kleta ka pes ela. Hidim Un ketan atuling in taan hukung nga noan, “Muid ku lam, ol man baktetebes ‘pail-kaak’ taung atuling man tom in nuhu-dau ka la?” Kon nam atuling na siut noan, “Taon elola ko atuling in dalen kasiang nol una ka.” Yesus tekan noan, “Toma kaka! Lako tia, le daek muid ela.”

Mi bok lakom nol ni tia! Auk nutus mi le lakom se atuil hut mamo kas. Mo nangan ta, mi tuladang el lae-blai ana man dalen banan, lako se ngot huin man daat isi ngas hlala.