Dehet deng Aan in Nutus sas 2 سے مشہور بائبلی آیات

شئیر

Kon Petrus situs noan, “Mi mesa-mesam musti nang soleng mi in kula-sala ngas totoang, le muid se Ama Lamtua. Hidi na lam, mi musti nodan le haup in sarani, halin daid tada noan, mi bali muid Yesus Kristus Lalan in Nuli ka son. In sarani na kon daid tada noan, Ama Lamtua kose soleng mi in kula-kula ngas son. Hidim mi kon haup Ama Lamtua Allah Koo Niu ka.

Oen kom in nakbuan leo-leo nol atuil didang man in muid Yesus sas. Nol oen daek banan saol apa, mes nol mesa. Lelo-lelon nam oen makoe isi in hii-ming Lamtua Yesus anan in nutus sas in tui ka. Oen kom in kohe-kanas leo-leo. Nol oen kon, kom in kaa leo-leo nol Lamtua Yesus atulin nas.

Kon nam oen totoang haup Ama Lamtua Allah Koo Niu ka. Tiata oen mulai nahdeh nini dais didang bili-ngala, muding asa man Koo Niu ka in tek oen le aa ka.

Tom nol atuil Yahudi las leol tene, man oen noken noan, ‘Leol Pentakosta’, totoang atuil in muid Lamtua Yesus sas nakbua se uma mesa. Nahkitu lam, oen ming dukun maa deng apan-dapa kua, banansila el angin tuan na hoos sa. Un dukun na tene isi, tiata atuil in se la ngas, ming haup atuil tenga las falan lo. Hidi kon oen ngat tam ai kaloe naih bating-bating lako se oen mesa-mesa dapas. Kon nam oen totoang haup Ama Lamtua Allah Koo Niu ka. Tiata oen mulai nahdeh nini dais didang bili-ngala, muding asa man Koo Niu ka in tek oen le aa ka.

Lelo-lelon nam, oen kom in nakbua se Ama Lamtua Allah Um in Kohe-kanas Tene ka. Oen kon tutnaal apa, le kaa nakbua deng uma mesa laok uma mesa, nol dael kolo. Nol oen totoang kom in hulung apa mes nol mesa, oen kon kila' apa lo. Lelo-lelom oen totoang naka-nahalit Ama Lamtua Allah tutungus. Totoang atuil in nakbuan nol oen lo ngas kon, kom oen isi. Lelo-lelom Ama Lamtua Allah bel slamat atuli, hidim oen tamas le nakbua nol Lamtua Yesus atulin nas. Tiata oen mamo keko lako.

‘Ama Lamtua Allah tek noan, “Eta lelo-lelon nas mana le hidis sam, Auk le boho Auk Koo Niu ki lako se atuli las totoang. Se mi anan biklobe las, nol mi anan bihata las, le Auk taos daid Auk mee-baha. Mi anan muda kas, mam ngat net asa man Auk in le tulu-balang bel one ngas. Nol mi atuli-atuil blalan nas, mam natloa haup asa man Auk in le tulu-balang bel one ngas.

Atuli-atuil in muid Lamtua Yesus Lalan in Nuli ka ngas nakbua, nol nuil koo-dalen mesa, didiin asa tuun man oen nena kam, oen pake leo-leo. Hidim muik in hee oen hmuki-nalan nas nol pusaka las, le bating un duit ta bel atuil in parsai tenga las, muding mesa-mesam in parlu.

Mam Ama Lamtua Lelon na maa. Mo Lelon na maa lius lo bii kam, Auk tulu tada-taad herang se apan-dapa ku muna. Taad herang nas tuladang el, lelo la dadi mitang; nol bulan na kon daid mea, banansila el dala ka. Auk kon le daek dasi-dais in muun isi se apan-kloma kia. Dasi-dais nas banansila el, dala, ai, nol nus mitang buan-buan sakes lakos bus el apan-dapa kua. Mo mam lius oras na, asii man haman le nodan tulung se Ama Lamtua Allah lam, un man haup boa-blingin.” ’ Yoel in teka ka ela.

Mam Ama Lamtua Lelon na maa. Mo Lelon na maa lius lo bii kam, Auk tulu tada-taad herang se apan-dapa ku muna. Taad herang nas tuladang el, lelo la dadi mitang; nol bulan na kon daid mea, banansila el dala ka. Auk kon le daek dasi-dais in muun isi se apan-kloma kia. Dasi-dais nas banansila el, dala, ai, nol nus mitang buan-buan sakes lakos bus el apan-dapa kua. Mo mam lius oras na, asii man haman le nodan tulung se Ama Lamtua Allah lam, un man haup boa-blingin.” ’ Yoel in teka ka ela.