Piiligu 33
33
Yakubu ni Isawu tuusi taaba
1Yakubu daa n nyaasi, ka nye Isawu ni o niriba kobsinaasi n chena, a zu, o barigi o biisi la ti Liya, Rachel a ni ba bipogiba bayi la. 2O ti bipogiba bayi la ni ba biisi pa yiya, Liya ni o biisi pa, ka Rachel ni Yisifu pa nyaaŋa. 3Ba n ti paagira o beeri, Yakubu gaa yii wa ti gba u tiŋŋa buyapoin.
4Isawu chee n ti ŋaami u tabi o puwa, a naag o kpuŋkpama vili o nuŋgori, ka mugisi u, ka ba zaa kumina. 5Niŋi n na, Isawu nye pogiba ni biisi la, ka boosi u, “Ya saani dima n ŋa?” Yakubu yeli u, “Biseesi Naawunni n zo e nachiima nimbaa, ka ti u n na la.”
6Bipogiba la ni ba biisi ti gba tiŋŋa. 7Seesi n lee n pa, Liya ni o biisi ti gba tiŋŋa. A baasigu, Yisifu ni Rachel gba ti gba tiŋŋa. 8Isawu boosi u, “Ka buŋkobseesi ni tuusi la mini, bo n na a mi wusi?” Yakubu yeli u, “M yidaana, e piini n na, m nye seema ti mabiilim di n gbaa taaba.”
9Isawu yeli u, “M sunzo, m sali n mari buŋgbaliŋu, mari e bini.” 10Yakubu suusi u, “Jaande, ka a yi peligi e sufu maa ni za e saana, dee piini so ni ma n ti ti i ŋa. Seema ni si n za e saani a, a niŋini maa ni za Naawunni saani. 11Jaande, dee binseesi ni ma n ti ti i ŋa. Naawunni zo ma ni nimbaa, ka ti ma bunso zaa ni kpabira.” A kpali Yakubu n suusi Isawu zu, o deeg a.
12Isawu yeli u, “Niŋi siriya ti gaari, m ni pa i yiya.” 13Ama Yakubu yeli u, “M yidaana, e baŋiya maa biisaa na ka kpeeŋu, ka a daga maa m dasi penyaana ni naginyaana seesi n na mari bibaala la niŋi. Ka ti si n kari a kpeeŋtiri dindaluŋko lala, buŋkobiri maa zaa ni kpi. 14A zu, m yidaana, paara e nachiima yiya, ka m mari buŋkobiri la ni biisi maa chaŋina boinboin, a ti paag i yi Idom paaligu.”
15Isawu yeli u, “M ni ti e ni m niribaa seesi ya chena.” Yakubu yeli u, “Da niŋi lala. O bi tiri n ti, m si n kpabira ni m nye seema e sufu n peligi m niŋi.” 16A dindaari zaa n na, Isawu daa n pori n gaa Idom. 17Yakubu gaa Sukoti me dii, ka maali o buŋkobiri beebu ziisi. A zu n na ba boona nisaaniŋi Sukoti la.
18Yakubu n yi Mesopoteemiya paaligu la, o paa Sekem n niŋi Keenan dima tiŋŋa, a ni alaanfiya, ka sabi o gbana suga, a zi nisaaniŋi, a leeli tiŋŋa maa. 19Yakubu dani tiŋgbaŋŋu maa yi Hamo, so n niŋi Sekem ba, biisi saani. Gbitisi koowa n na o da u.
20Nisaaniŋi n na Yakubu me Naawunni sariga daaŋu, ka digili u El-Elohe Izireel.
Поточний вибір:
Piiligu 33: hag
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2015, Ghana Institute of Linguistics, Literacy and Bible Translation (GILBTT)