ⵎⵔⴾⵙ 14
14
ⵙⵍⵏ ⵏ ⵜⵎⵜⵏ⵿ⵜ ⵏ ⵗⵢⵙⴰ
ⵜⵓⵏ⵿ⵗⵍ ⵏⵍⵓⵔⴹⵢ ⴼⵍ ⵗⵢⵙⴰ
1ⵛⵏ ⴹⵏ ⴹⵏⵀⴰ ⴹⵗ ⵎⴹ ⵓⵏ ⴾⵢ ⴹⵎⴹ ⵓⴰ ⴹⵗ ⵜⵎⵜⵛⵏⵜ ⵜⴶⵍⵓⵏ ⵛⵏ ⵓⵔ ⵂⴰ ⵈⵎⵔⴰ⵰ ⵎⵤⵔⵏ ⵏ ⵍⵎⵎⵏ ⴹ ⵎⵙⵏⵏ ⵏⵜⵓⵔⵜ ⵂⵔⵓⴰ ⴹⴰ ⴶⵎⵢⵏ ⵜⵎⵔⴾⵙ⵿ⵜ ⵜⵙ ⵤⵀⵤⵏ ⵗⵢⵙⴰ ⴶⵏ ⵎⵏⵜ 2ⴼⵍⵙ ⴶⵏⵏ «ⴹ ⵓⵔ ⵏⴶⵓ ⴹⵢ ⴹⵗ ⴹⵏ ⵏⵎⴹ ⴼⵍ ⴹⵓⵔⵓⵢ ⵏⵌⵔⵓⵢ ⵙ ⵜⵎⵜⵢ⵰»
3ⵓⵏ ⵙ ⵜⴶⵓ ⵗⵢⵙⴰ ⵏ⵿ⵜⴰ ⵂⴰ ⵜⵗⵔⵎ⵿ⵜ ⵜⵏ ⵀⵜⵏⵢ ⵎⴶⵔⵜ ⵢ ⵙⵎⵗⵏ ⵓⵙ ⴾⵍⴰ ⵜⴶⵔⵓ ⴾⵜⵔⵓ⵰ ⵜⵎⵏ⵿ⵙⵓ ⴹⵏ ⴹⴰ ⵙ ⴹⵜⵙⴰ ⵜⵏ⵿ⵜⵜ ⵜⵓⵢⵜ ⵀⵜⵍⵢ ⴶⵏ ⴹⵗ ⵜⵂⵏ⵿ⵜ ⵎⵍⵜ ⵂⴰ ⵍⵓⵔⴹⵢ ⴾⵏⵏ ⵛⵤⴹⴰ ⴹⵤⵓⵢ ⵙ ⵜⵓⵏⵓ ⵏⵔ⵰ ⵜⵙⴹⵓ ⵗⵙ ⵜⵔⵤⴰ ⵎⵢ ⵏ ⵀⵜⵍⵢ ⵓⴰ ⵜⵓⵢ ⴹⴰ ⴹ ⵜⵏⵆⵍ ⵍⵓⵔⴹⵢ ⵓⵏ ⴼⵍ ⵗⴼ ⵏ ⵗⵢⵙⴰ⵰ 4ⵔⵜ ⵓⵏ ⴶⴰ ⵍⵂⵎ ⴹⵗ ⵔⵜ ⴹⵗ ⵢⵜⴹⵏ ⵓⵏ ⵍⵏⵏ ⴹⵏ ⴹ ⵜⵏⵎⵏⵏ ⴶⵔⵙⵏ «ⵎⴰ ⵏ⵿ⴼⴰ ⵂⵍⴾ ⵏⵍⵓⵔⴹⵢ ⴰ⵰ 5ⵓⵔⴶⵗ ⴼⵔⴶ ⴹⵏⵏ⵿ⵤⵓ ⵍⵆⵎⵜ ⵏ⵿ⴾⵔⴹⵜ ⵜⵎⴹ ⵏⵤⵍ ⵏⵛⵗⵍ ⵜⵓⴾⴼⵓ ⵓⵏ ⵢ ⵜⵍⵆⵓⵏ⵰» ⴹ ⵙⵗⵍⵏ ⵜⵏ⵿ⵜⵜ ⵜⵏ ⵜⴶⵏⴰ⵰
6ⵎⵛⵏ ⵏⵙⵏ ⵗⵢⵙⴰ «ⴾⴼⵜⵜ ⵎⵙⵍⴶ⵰ ⵎⴼⵍ ⴹⵙ⵿ⵜⵗⵛⴹⵎ ⵎⵏ⵰ ⵎⵤⵍ ⵍⵗⵏ ⴹⵜⴶⴰ ⴹⴰ 7ⴼⵍⵙ ⵛⵍⵆⵓⵏ ⴼⵓ ⴹⴰ ⵍⵏⵜ ⵗⵔⵓⵏ ⴹ ⵜⵔⵎ ⴹⵢ ⵜⴼⵔⴶⵎ ⴹⵙⵏⵜⵍⵍⵎ⵰ ⵏⴾ ⵎⵔⵏ ⵓⵔⴶ ⴼⵓ ⵍⵗ ⵗⵔⵓⵏ⵰ 8ⵜⵏ⵿ⵜⵜ ⵜⴰ ⵓⴰ ⵜⴼⵔⴶ ⵜⴶⵢ⵰ ⵜⵏ⵿ⵗⵍ ⴼⵍⵢ ⵍⵓⵔⴹⵢ ⵢⴹ ⵜⵙⵎⵜⴶ ⵜⵗⵙⵏⵏ ⵢⵤⴾⴰ ⵂⵔⵓⴰ ⴹⵜ ⵍⵓⵆ⵰ 9ⴶⵢⵗ ⵙⵍⴾⵏⵗⵓⵏ ⵙ ⴹⴶ ⴹⵗ ⵜⵎⵍ ⵍⵏ⵿ⵌⵍ ⴹⵗ ⴹⵏⵜ ⴾⵜⵏⵜ ⴹⵗⵙ ⵜⵎⵍ ⵓⴰ ⵜⴶⴰ ⵜⵏ⵿ⵜⵜ ⵜⴰ ⵜⵜⵓⴾⵜⴹⵓ⵰»
ⵙⵜⵔⵎⵙ ⵏ ⵢⵂⵤⴰ ⵗⵢⵙⴰ
10ⴹⵏ ⴹⴰ ⴹ ⵏ⵿ⴾⵔ ⵢⵂⵤⴰ ⵙⵈⵔⵢⵜⵢ ⵓⵏ ⵢⵏ ⴹⵗ ⵏⵜⵍⵀ ⵏ ⵗⵢⵙⴰ ⵓⵏ ⵎⵔⵓ ⴹⵛⵏ ⴾⴰ ⵎⵤⵔⵏ ⵏ ⵍⵎⵎⵏ ⴼⵍ ⴹⵙⵏⵎⵍ ⵜⵎⵓⵜ ⵜⵙ ⵤⴶⵓ ⵗⵢⵙⴰ ⴹⵗ ⴼⵙⵏⵙⵏ⵰ 11ⵙⴹⵓⵜⵏ ⵓⵏ ⵜⵤⵔ ⴶⵏⵙ ⵔⴾⵓⵍ ⵏⴹ ⵜⴾⴼⵏ ⵤⵔⴼ⵰ ⴹ ⴶⵎⵢ ⵢⵂⵤⴰ ⵜⵎⵓⵜ ⵜⵙ ⵤⴶⵓ ⵗⵢⵙⴰ ⴹⵗ ⴼⵙⵏ⵰
ⵙⵎⵜⴶ ⵏⵎⴹ ⵓⵏ ⴾⵢ
12ⵤⵍ ⵓⴰ ⵤⵔⵏ ⵏⵎⴹ ⵓⴰ ⴹⵗ ⵜⵎⵜⵛⵏⵜ ⵜⴶⵍⵓⵏ ⵛⵏ ⵓⵔ ⵂⴰ ⵈⵎⵔⴰ ⵤⵍ ⵙⵏ⵿ⵜⴰ ⴹⵗ ⵜⵓⴶⵤⵎⵏ ⵌⵗⵍ ⵓⵏ ⵎⴹ ⵓⵏ ⴾⵢ ⵏⵏ ⵏⵜⵍⵀ ⵢ ⵗⵢⵙⴰ «ⵎⵏⴹ ⵜⵔⵗ ⴹⴾⵏⵙⵎⵜⴶ ⵎⵏ⵿ⵙⵓⵏ ⵏⵎⴹ ⵓⵏ ⴾⵢ⵰» 13ⵜⵤⵔ ⵙⴾⴰ ⵗⵢⵙⴰ ⵛⵏ ⴹⵗ ⵏⵜⵍⵀⵏⵜ ⵢⵔⵙⵍⵎ ⵏⵙⵏ «ⴶⵤⵜ ⵗⵔⵎ ⴹ ⵜⵎⵏⵢⵎ ⴹⵍⵙ ⵓⵢⵏ ⵜⴾⵏ ⴹⴾⵔⵏ ⵎⵏ⵰ ⵍⴾⵎⵜⵙ⵰ 14ⵂⵏ ⵓⴰ ⴶⵤ ⵏⵜ ⵢ ⵎⵛⵙ "ⵏⴾ ⵛⵈ 'ⵎⵏⵢ ⴹⴶ ⴹⵗ ⵂⵏⴾ ⵓⴰ ⴹⵗ ⵤⴰ ⵏⵎⵏ⵿ⵙⵓ ⵏⴾ ⴹ ⵏⵜⵍⵀⵏ ⴹⵗ ⵎⴹ ⵓⵏ ⴾⵢ⵰'" 15ⴾⵓⵏⵙⴾⵏⵓ ⴹⵗ ⵙⵔⵏⵜ ⵂⵏ ⵓⵏ ⴼⵍⴰ ⵍⵓⵏ ⵂⵏ⵿ⵜⵓ ⵎⵜⴶ ⴾⵍ ⴾⵏⴰ⵰ ⴹⵢ ⴹⴰ ⴹⵏⵤⵜⵙⵎⵜⴶⵎ ⵎⵏ⵿ⵙⵓⵏ ⵓⵏ ⴾⵢ⵰» 16ⴶⵍⵏ ⵏⵜⵍⵀ ⴾⵏ ⵗⵔⵎ⵰ ⵙ ⴹⵏⵓⴹⵏ ⵏⵢⵏ ⵓⴰ ⴹⴰ ⴹⵙⵏⵎⵍ ⵗⵢⵙⴰ⵰ ⵜⵤⵔ ⵙⵎⵜⴶⵏ ⵎⵏ⵿ⵙⵓⵏ ⵓⵏ ⴾⵢ⵰
ⵜⵎⵍ ⵏ⵿ⵜⴾⴹⵍ⵿ⵜ
17ⵙ ⵜⴹⴰ ⵜⴼⴾ ⵙⴹⵓ ⵗⵢⵙⴰ ⴹⵓ ⴹ ⵏⵜⵍⵀⵏⵜ ⵓⵏ ⵎⵔⵓ ⴹⵛⵏ⵰ 18ⵙⵗⵎⵔ ⵗⵢⵙⴰ ⵏ⵿ⵜⴰ ⴹⵏⵜⵍⵀⵏⵜ ⴹⵏ ⴹⴰ ⵜⵎⵏ⵿ⵙⵓⵏ ⵙ ⴹⵙⵏⵏⴰ «ⴶⵢⵗ ⵙⵍⴾⵏⵗⵓⵏ ⵙ ⵢⵏ ⴹⵗⵓⵏ ⴹⵔⵢ ⴹⵔⵓⵏ ⴹⴰ ⴹⴰ ⴹⵤⴶⵏ ⴹⵗ ⴼⵙⵏ⵰» 19ⵗⵛⴹ ⵓⵏ ⵎⵏⵙⵏ ⴾⵢⵏ ⴹⵗⵙⵏ ⵏⴰ ⵢ ⵗⵢⵙⴰ «ⵏ⵿ⴶⵎ ⵓⵔⴶ ⵏⴾ⵰» 20ⵏⵙⵏ «ⵢⵏ ⴹⵗⵓⵏ ⴾⵓⵏⵢ ⵏⵜⵍⵀⵏ ⵓⵏ ⵎⵔⵓ ⴹⵛⵏ ⴹⵔⵢ ⴹⵔⵓⵏ ⵎⵔⴹⴰ ⴹⵗ ⵗⵤⵓ ⵢⵏ⵿ⴹⴰ ⵤⴶⵏ ⴹⵢ⵰» 21ⵍⴾⵏ ⵙ ⵏⴾ ⴶ ⴶⴹⵎ ⴹⵀⴰ ⵙⵎⴾ ⵎⵏⵜ ⵓⴰ ⵎⵍⵏ ⵍⴾⵜⵀⵏ ⴹⵗ ⵀⵜⵏⵏ ⵎⵛⵏ ⵢⴰ ⴾⵜ ⵍⵗⵤⵀ ⵜⵏⵢ ⵓⴹⵏ ⵓⴰ ⴹⴶⵏ ⴹⵗ ⴼⵙⵏ⵰ ⵓⴹⵏ ⵓⴹⵢ ⴹⵙⴼⵓ ⴼⴹⴰ ⴹⵓⵔⴶⵤ ⴹⵏⵜ⵰
ⵙⵀⴹⴹ ⵏ⵿ⵙⴾⵜⵏ ⵏ⵿ⵜⵙⵆ ⵜⴰ ⵜⵢⵏⵢⵜ
22ⵜⵜⵏ ⴹⴰ ⴹⴰ ⵙ ⴹⴾⵍ ⵗⵢⵙⴰ ⵜⴶⵍⴰ ⴶⴰ ⴶⴹⵏ ⵢ ⵎⵛⵏⴰ ⵔⵤⴰ ⵜⴶⵍⴰ ⵜⵏ ⵤⵏ⵿ⵜⵜ ⵢ ⵏⵜⵍⵀⵏⵜ ⵏⵙⵏ «ⵜⵛⵓⵜ ⴹⴰ ⵜⵗⵙⵏⵏ ⴹⵢ⵰» 23ⴹⴼⵔ ⵓⵏ ⴹⴾⵍ ⵜⴾⵀⵔ⵿ⵜ ⴶⴰ ⴶⴹⵏ ⵢ ⵎⵛⵏⴰ ⵎⵔⵏ ⴾⴼⵙⵏ⵿ⵜⵜ ⵏⵎⴶⵍⵤⵏ ⵓⴰ ⵜⵜⵂⵏ ⴾⵜⵏⵙⵏ⵰ 24ⵎⵔⵏ ⵏⵙⵏ «ⴹⵢ ⵤⵏⵏⵏ ⵙⵜⴹⵏ ⵔⴾⵓⵍ ⵏ ⵜⵙⵆ ⴶⵔ ⵎⵛⵏⴰ ⴹ ⵜⵎⵜⵢⵏⵜ⵰ ⵤⵏⵢ ⵓⴰ ⴹ ⵏ⵿ⵗⵍ ⴼⵍ ⵜⵏ⵿ⴼⴰ ⵏⵢⵜⴹⵏ ⴶⵜⵏⵏ⵰ 25ⴶⵢⵗ ⵙⵍⴾⵏⵗⵓⵏ ⵙ ⵓⵔ ⵤⵍⵙⵗ ⵜⵙⵢ ⵏⵙⵎⴹ ⵏⵍⵗⵏⵀ ⴾⵜ ⵓⵔ ⴹⵓⴹ ⵤⵍ ⵓⴰ ⴹⵗ ⵤⵛⵓⴰ ⵓⴰ ⵢⵏⵢⵏ ⴹⵗ ⵜⵗⵎⵔ ⵜⵏ ⵎⵛⵏⴰ⵰» 26ⴹⴼⵔ ⵓⵏ ⵙⴶⴹ ⵗⵢⵙⴰ ⴹ ⵏⵜⵍⵀⵏⵜ ⴹⵗ ⵜⵎⵍⵏ ⴹⴶⵎⴹⵏⵏ ⵤⵀⵔ⵰ ⵙ ⵜⵏⵜⵗⵔⴹⵏ ⴾⵏ ⴹⵗⵗ ⵓⵏ ⵛⴾⵏ ⵏ ⵤⵢⵜⵏ⵰
ⵎⵍ ⵏ ⵗⵢⵙⴰ ⵛⴶⵜ ⵜⴰ ⵜⵤⴶⵓ ⵀⵜⵔⵙ
27ⵏⴰ ⵗⵢⵙⴰ ⵢ ⵏⵜⵍⵀⵏⵜ «ⴾⵜⵏⵓⵏ ⴹ ⵓⵍⵓⵍ ⵤⴶⵤⵏⵓⵏ ⴹ ⵏⵏ ⵍⴾⵜⵀⵏ "ⴹ ⵓⵜⵗ ⵎⴹⵏ ⵀⵜⵓ ⵜⵤⵔ ⵓⵤⵓⵤⵏⵜ ⵢⴼⴹⵏⵜ⵰"
28ⵎⵛⵏ ⴹⴼⵔ ⵜⵓⵙⵏ⵿ⴾⵔⵏ ⴹⵗ ⵜⵎⵜⵏ⵿ⵜ ⴹⵓⵏⵏⵤⵔⵗ ⵙⴾⵍ ⵓⵏ ⴶⵍⵍⵢⴰ ⵆⵍⵗⵓⵏ ⴹⵗⵙ⵰»
29ⵜⵤⵔ ⵏⵙ ⵀⵜⵔⵙ «ⴾⴹ ⵓⵍⵓⵍ ⵤⴶⵤⵏⵙⵏ ⴾⵜⵏⵙⵏ ⴹⴰ ⵓⵏⵏ ⵓⵔ ⵤⵓⵍⵓⵍ⵰» 30ⵏⵙ ⵗⵢⵙⴰ «ⴶⵢⵗ ⵙⵍⴾⵏⵗⴾ ⵙ ⵂⴹⴰ ⴹⴰ ⵙ ⵤⴶⵓ ⴾⵌⵢ ⵢⵗⵔⴰ ⵙⵏⵜⵜ ⵜⵗⵔ ⵜⴶⴹⵗⵢ ⵂⵔ ⴾⵔⴹⵜ ⵜⴾⵍⵜⵏ⵰» 31ⵎⵛⵏ ⵤⵤⵓⵜ ⵀⵜⵔⵙ ⴹⵗ ⵀⵜⵏⵜ ⵏⴰ «ⴾⴹ ⵆⵍ ⵙ ⵜⵓⵏ⵿ⵗⴰ ⴾⵔⵤ ⵤⴰ ⵏⴶⵓ ⵏⴾ ⴹⵔⴾ ⴹⴰ ⵓⵔ ⴾⵢⵤⴶⴹⴰ⵰ ⵏⵏ ⵏⵜⵍⵀ ⴾⵜⵏⵙⵏ ⵓⵏ ⴹⴰ⵰»
ⴶⵜⵙⵎⵏⵢ
32ⴹⴼⵔ ⵓⵏ ⴹⵓ ⴹⵔⵙⵏ ⵗⵢⵙⴰ ⵙⴼⵔⴶ ⵏⵛⴾⵏ ⵏ⵿ⵤⵢⵜⵏ ⴶⵏ ⵙⵎ ⴶⵜⵙⵎⵏⵢ⵰ ⵙ ⴹⵏⵓⴹⵏ ⵏⵙⵏ «ⵆⵎⵓⵜ ⴹⴰ ⴹⴰ ⴾⵜ ⴹⵢ ⴹ ⵜⴶⴰ ⵛⵓⵜⵔⵓⵏ⵰» 33ⵤⵏ⵿ⴾⵤ ⴼⵍⵙⵏ ⴹⵓ ⴹ ⵀⵜⵔⵙ ⴹ ⵢⵆⵀ ⴹ ⵢⵈⵢⴰ⵰ ⵜⵎⵤⵢⵜ ⵜⵏ⵿ⴹⴰ ⴹⵗ ⵙⵏ⵿ⵜⵏ ⵎⵏⵜ ⵗⵛⴹ ⵛⵓⵛ⵰ 34ⵏⵙⵏ «ⵓⴰ ⴶⵏ ⵎⵏⵏ ⴹⵗ ⵗⵛⴹ ⵀⴾⴰ ⴹⵀⴰ⵰ ⴹ ⵓⵔ ⵜⴼⵍⵎ ⴹⴰ ⵎⵔⵏ ⴾⵓⵏⵓⵔⵀⵤ ⵜⵙ⵰» 35ⵤⵏ⵿ⴾⵤ ⴼⵍⵙⵏ ⵏ⵿ⴹⵔⵏ ⵙⵌⴹ ⴹ ⵜⵜⵔ ⴶⵎⵢ ⴹⵗ ⵎⵛⵏⴰ ⴾⴹ ⵎⴾⵏ ⵜⵙⴶⴶ ⵓⴰ ⵜⴹⵤⵢⵏ ⴹⵗ ⵍⵓⵆ ⵓⵏ⵰ 36ⵏⴰ ⴹⵗ ⵜⵓⵜⵔⵢⵏⵜ «ⵢⴰ ⵀⵏⵏ ⵔⵜ ⴾⵍ ⵜⴼⵔⴶⵗ ⴶⵏⵜ⵰ ⵙⴶⴶⵢ ⵜⴰ ⴹⵗ ⵜⴾⵀⵔ⵿ⵜ ⵏⵍⵗⵤⵀ ⴹⵔ ⴶⴰ ⵓⵏ ⴹⴰ ⵢⴰ ⵜⴶⵜ ⵜⵔⴰ ⵜⵏⴾ ⵓⵔⴶⵗ ⵜⵏⵏ⵰»
37ⴹⴼⵔ ⵓⵏ ⵆⵍⴹⵓ ⵗⵢⵙⴰ ⵏⵜⵍⵀⵏⵜ ⵓⵏ ⴾⵔⴹ ⵏ ⴶⵤⵜⵏ⵿ⴹⵓ ⵏ⵿ⵙⵏ⵰ ⵙⵏ⵿ⴾⵔ⵿ⵜⵏ ⵏⴰ ⵢ ⵀⵜⵔⵙ «ⵙⵎⵗⵏ ⴾⵢ ⴹⵙ ⵜⵙ ⵜⴶⵗ⵰ ⵏ⵿ⴹⵔⴾ ⴹ ⵜⴶⴰ ⵓⵍⴰ ⵗⵙ ⵍⵓⵆ ⵢⵏ⵿ⴹⴰ ⵜⴾⵢⴰ⵰ 38ⴾⵢⵜ ⵜⵏ⵿ⵙⵢⵎ ⵎⵛⵏⴰ ⴾⵓⵏⴶⵤⵏ ⴹⵗ ⵌⵔⵀⵜⵏ ⵏⵀⵍⵙ⵰ ⵜⴹⵜ ⵙ ⵏⵢⵜ ⵏⴶⴹⵎ ⵜⵙⴹⵔⵏ ⴶⵢ ⵏⵓⴰ ⵍⵗⵏ ⵎⵛⵏ ⴶⴹⵍⵙ ⵔⴾⵎ ⵏ⵿ⵜⵗⵙⵏⵜ ⴶⵢ ⵏⵓⵏ⵰»
39ⵍⵙ ⵤⵏ⵿ⴾⵤ ⴼⵍⵙⵏ ⴶⴰ ⵜⵓⵜⵔⵢ ⵜⴰ ⴹⵗ ⴶⴰ ⵂⴶⵏ⵰ 40ⴹⴼⵔ ⴹⵢ ⵍⵙⵏ ⵜⵓⵗⵍⵢ ⵏ ⵏⵜⵍⵀⵏⵜ ⵓⵏ ⴾⵔⴹ ⵙⵏⵏ ⵏ⵿ⵙⵏ ⴼⵍⵙ ⵓⴰ ⴹⵙⵏⴶⴰ ⵜⵙ ⴹⵗ ⴶⵤ ⵀⵙ ⴼⵔⴶⵏ ⵔⴰ ⵏⵛⵜⵓⵏⵙⵏ⵰ ⵓⵔ ⵙⵏⵏ ⴹⵙⵏⵏ⵰ 41ⵙ ⴹⵙⵏ⵿ⴹⴶⴰ ⵜⵓⵗⵍⵢ ⵜⵏ ⴾⵔⴹⵜ ⵏⵙⵏ «ⵂⵔⵓⴰ ⴹⴰ ⵜⵏ⵿ⵙⵎ ⵜⵙⵏ⵿ⴼⵎ⵰ ⵀⵜⵓ ⵤⴰ ⵜⵗⵔⴹ⵰ ⵙⵏⵜ ⵙ ⵍⵓⵆ ⵓⴹⵓ ⵓⴰ ⴹⵗ ⵤⴰ ⵜⵓⴶⴰ ⵏⴾ ⴶ ⴶⴹⵎ ⴹⵗ ⴼⵙⵏ ⵏ ⵏⵙⵀⴾⴹⵏ⵰ 42ⵏ⵿ⴾⵔⵜⵏ ⵏ⵿ⴹⵓⵜ⵰ ⵏⵢⵜ⵰ ⵓⴰ ⴹⵤⴶⵏ ⴹⵗ ⴼⵙⵏ ⵓⴹⵓ⵰»
ⵜⴾⴹⵍ⵿ⵜ ⵜⴰ ⴶⴰ ⵢⵂⵤⴰ ⵗⵢⵙⴰ ⴹⵜⵔⵎⵙ ⵏ ⵗⵢⵙⴰ
43ⵂⵔⵓⴹⴰ ⵛⵓⵍ ⵗⵢⵙⴰ ⵙ ⴹⵙⴰ ⵢⵂⵤⴰ ⵓⵏ ⵢⵏ ⴹⵗ ⵏⵜⵍⵀⵏⵜ ⵓⵏ ⵎⵔⵓ ⴹⵛⵏ ⴹⵓ ⴹⵜⵎⵜⵢ ⴹⵙⴶⵍⵏ ⵎⵤⵔⵏ ⵏ ⵍⵎⵎⵏ ⴹ ⵎⵙⵏⵏ ⵏⵜⵓⵔⵜ ⴹⵎⵤⵔⵏ ⵏ ⴾⵍⵍⵢⵂⴹ⵰ ⵜⵎⵜⵢ ⵜⵏ ⵜⵓⵢ ⵛⴾⵀⵓⵏ ⴹ ⵜⵀⵔⴶⵏ⵰ 44ⵎⴾⴹⵍ ⵓⴰ ⴶⵏ ⵢⵂⵤⴰ ⵎⵍ ⵢ ⵜⵎⵜⵢ ⵜⵏ ⵎⴾ ⵓⵙ ⵤⵤⴹⵢⵏ ⵗⵢⵙⴰ ⵙ ⵜⵏⴰ ⵜⴰ ⴹⵙⵏⴶⴰ «ⵍⵙ ⵓⵙ ⴹⵜⵏⵢⵎ ⵙ ⵜⵤⵍⵎⵗ ⵏ⵿ⵜⴰ ⵗⵢⵙⴰ⵰ ⵀⵤⵜⵓ ⵜⴶⵍⵎ ⴹⵔⵙ ⵜⴶⵎ ⴹⵔⵙ ⵏⵢⵜ⵰» 45ⵙⴹⵓ ⵢⵂⵤⴰ ⵗⵙ ⵂⵤⵏ ⵗⵢⵙⴰ ⵏⵙ «ⵛⵈ⵰» ⵜⵤⵔ ⵤⵍⵎⵜⵓ⵰ 46ⵜⴶⴹⵏ ⵜⵎⵜⵢ ⵙ ⵗⵢⵙⴰ ⵜⵀⵤⵜⵓ⵰ 47ⵂⴹⵓ ⵢⵏ ⴹⵗ ⵏⵜⵍⵀ ⵏ⵿ⵗⵢⵙⴰ ⵍⵀⵢ ⵜⴾⵀⵏⵜ ⵓⵜ ⵙⵔⵙ ⴾⵍⵢ ⵏⵍⵎⵎ ⵓⴰ ⵤⵓⵔⵏ ⴼⵔⵙⴹⵓ ⵜⵎⵤⴾⵏⵜ⵰ 48ⵜⵤⵔ ⵏⴰ ⵗⵢⵙⴰ ⵢ ⵜⵎⵜⵢ ⵜⵏ «ⵓⴾ ⵏⴾ ⵌⵌⵀ ⵢⵏ ⵏⵀⵢⴹⴶ ⵎⵙⴰ ⵙ ⴹⴹⵜⵜⴾⵎ ⵜⵓⵢⵎ ⵛⴾⵀⵓⵏ ⴹ ⵜⵀⵔⴶⵏ ⵢⴹⵜⵀⵤⵎ⵰ 49ⵓⵔⴶⵗ ⵤⵍ ⴾⵍ ⵍⵗ ⴶⵔⵓⵏ ⵙⵙⵗⵔⴰ ⴹⵗ ⵂⵏ ⵓⴰ ⵤⵓⵔⵏ ⵏⵍⵗⵀⴹⴰ ⵎⴼⵍ ⵓⵔ ⴹⵜⵀⵤⵎ⵰ ⵙⵏⵜ ⵤⴰ ⵙ ⵓⴰ ⴶⵏ ⴹⴰ ⴶⴰ ⴼⵍ ⴹ ⵏ⵿ⴹⵓ ⵓⴰ ⵙⵔⵢ ⵏⵏ ⵍⴾⵜⵀⵏ⵰»
50ⴹⵏ ⴹⴰ ⵜⴼⵍⵏ ⵏⵜⵍⵀⵏⵜ ⴾⵜⵏⵙⵏ ⴹⴶⴶⵏ ⴼⵍⵙ⵰ 51ⵍⴾⵎ ⵎⵓⴹ ⵢⵏ ⵢ ⵜⵎⵜⵢ ⵏ ⵍⵙⴰ ⴼⵔ ⵂⵙⵢⵏ ⴹⵓ ⵓⵔ ⵆⵏ ⵔⵜ⵰ ⴶⴹⵏⵏ ⵙⵔⵙ ⵎⴹⵏ ⵢⴹ ⵜⵀⵤⵏ 52ⵢⵙⵏ⵿ⴹⵓ ⴼⵔ ⵓⴰ ⵍⵙⴰ ⵤⵍ ⵓⵔ ⵍⵙⴰ ⵔⵜ⵰
ⵜⵀⴹⵢ ⵏ ⵗⵢⵙⴰ ⴹⵜ ⵙⴶⵓⵔ ⵓⴰ ⵤⵓⵔⵏ
53ⵎⵓⵢ ⵗⵢⵙⴰ ⵙⵍⵎⵎ ⵓⴰ ⵤⵓⵔⵏ ⵗⵔ ⴹⵓⵏ ⵎⵤⵔⵏ ⵏⵍⵎⵎⵏ ⴹⵎⵤⵔⵏ ⵏ ⴾⵍⵍⵢⵂⴹ ⴹ ⵎⵙⵏⵏ ⵏⵜⵓⵔⵜ⵰ 54ⴶⴰ ⵀⵜⵔⵙ ⵢ ⵗⵢⵙⴰ ⵍⴾⵎ ⵤⴶⵔⵏ ⵂⵔ ⴶⵤ ⵎⵙ ⵏⵗⵍⴰ ⵏⵗⵢⵓⵏ ⵏⵍⵎⵎ ⵓⴰ ⵤⵓⵔⵏ⵰ ⵆⵎ ⴹ ⵙⴾⵙ ⵗⵔ ⵎⵛⵗⵍⵏ ⵏⵍⵎⵎ ⵓⴰ ⵤⵓⵔⵏ ⵆⵎⵏⵏ ⵙ ⵜⵎ⵿ⵙⵢ ⵜⵔⵗⵜ ⴹⵏ⵰
55ⵙ ⵜⴶⵓ ⵓⵏ ⵎⵤⵔⵏ ⵏ ⵍⵎⵎⵏ ⴹⵙⴶⵓⵔ ⵓⴰ ⵤⵓⵔⵏ ⴾⵜⵏⵜ ⴶⵎⵢⵏ ⵢ ⵤⴶⵢⵏ ⴼⵍ ⵗⵢⵙⴰ ⴼⵍ ⴹ ⴶⵔⵓⵏ ⵜⵔⵢⵜ ⵏⴶⵢ ⵏⵎⵏⵜ ⵎⵛⵏ ⵓⵔ ⵜⴶⵔⵓⵏ 56ⴼⵍⵙ ⵢⵜⴹⵏ ⴶⵜⵏⵏ ⴹⵏ⵿ⴾⵔⵏⵏ ⴶⵏ ⴼⵍ ⵗⵢⵙⴰ ⵛⴶⵢⵓⵏ ⵎⵙⵏⵏ ⵀⵂⵓ ⵎⵛⵏ ⵓⵔ ⵜⵏⵜⵂⴰ ⵛⵢ ⵜⵏⵎⵏⴾⵜ ⴹ ⵜⵂⴹⵜ⵰ 57ⵏ⵿ⴾⵔⵏ⵿ⴹⵓ ⵓⵢⴹ ⴹⵗⵙⵏ ⵙⵓⵔⵏ⵿ⵜⵓ ⵀⵂⵓ ⵏⵏ 58«ⵏⵙⵍⵙ ⵙ ⵏⴰ "ⵂⵏ ⵓⴰ ⵤⵓⵔⵏ ⵏⵍⵗⵀⴹⴰ ⵙⵢⵜⴹⵏ ⵜⴾⵔⵙⵏⵏ ⵜⵌⵀⵔⵌⵗ ⵙⵀⴹⴹⴰ ⴹⵗ ⴾⵔⴹ ⴹⵏ ⵢⵏ ⵓⵔ ⴾⵔⵙⵏ ⵢⵜⴹⵏ⵰"» 59ⵎⵛⵏ ⵀⵜⵓ ⵜⴰ ⴹⴰ ⵎⵤⵔⵢⵏ ⴹⵗⵙ⵰
60ⵜⵤⵔ ⵏ⵿ⴾⵔ ⵍⵎⵎ ⵓⴰ ⵤⵓⵔⵏ ⵀⴹⴹ ⴹⵗ ⵎⵙ ⵏⵍⵌⵎⵗⵜ ⵙⵙ⵿ⵜⵏ ⵗⵢⵙⴰ ⵏⵙ «ⵓⴾ ⵔⵜ ⵓⵔ ⵜⴶⵏⴰ ⴹⵗ ⵜⵗⵜⵙ ⵛⵏ ⴹⴾⵜⵓⴶⵏⵏ ⴹⴰ⵰» 61ⵎⵛⵏ ⴶⵍⴰ ⵗⵢⵙⴰ ⴼⵙ⵿ⵜⴰ ⵓⵔ ⴹⵙⵏⴰ ⵓⵍⴰ⵰ ⵍⵙ ⵍⵎⵎ ⵓⴰ ⵤⵓⵔⵏ ⵏⵙ «ⵓⴾ ⴾⵢ ⵎⵙⵏ ⵍⵎⵙⵈ ⵀⵔⵔ ⵏ ⵓⵙ ⵏⵜⴶⵓ ⵜⵎⵍⵏ⵰» 62ⵏⵙ ⵗⵢⵙⴰ «ⵓⵍⴰ ⵎⵙⵆⵓ⵰ ⵎⵔⵏ ⴹⵜⵏⵢⵎ ⵏⴾ ⴶ ⴶⴹⵎ ⵆⵎⴰ ⴹⵓ ⵗⵍ ⵏⵎⵍⵢ ⵏ ⵜⵔⵏⴰ ⵜⵏⵢⵎⵢ ⴹⵗ ⵤⵢⴹⵓ ⵂⵗ ⴶⵔⴾⵏ ⴶⵎⴹⴹⵓ ⵌⵏⵓⵏ⵰» 63ⵙ ⵙⵍⴰ ⵍⵎⵎ ⵓⴰ ⵤⵓⵔⵏ ⵢⵓⵏ ⵤⵤⵔⵜ ⵜⴾⴹⴾⵜⵏⵜ ⴼⵍ ⵓⴰ ⴶⵏ ⵎⵏⵜ ⴹⵗ ⵗⵛⴹ ⵏⴰ «ⵓⴾ ⵎⴰ ⵏⴾⴰ ⵢ ⵜⴶⵢⵓⵏ ⵛⵢⴹ⵰ 64ⵜⵙⵍⵎ ⵢⵎⴹⵔⵓ ⵓⴰ ⴶⴰ ⴹⴰ ⵢ ⵎⵛⵏⴰ⵰ ⵎⴰ ⵜⵏⵎ⵰» ⵏⵏ ⴾⵜⵏⵙⵏ ⵛⵔⵗⵏⵜ ⵜⵎⵜⵏ⵿ⵜ⵰ 65ⴼⵍⵙ ⵙⵜⴼⵏ ⵓⵢⴹ ⴹⵗⵙⵏ ⵗⵎⵙⵏⵙ ⴹ ⵜⴶⵜⵏ ⴶⵏⵏⵙ «ⴾⵢ ⵢⴰ ⵏⵀⵢ ⵎⵍ ⵓⴰ ⴾⵢⵓⵜⵏ⵰» ⴹⴼⵔ ⵓⵏ ⵜⵓⴾⴼⴰ ⵢ ⵎⴶⵤⵏ ⵏⵂⵏ ⵓⴰ ⵤⵓⵔⵏ ⵏⵍⵗⵀⴹⴰ ⴹⵙ⵿ⵜⴶⵏ ⵛⵆⵙ⵰
ⴾⵙ ⵏ ⵀⵜⵔⵙ ⵜⵤⴹⵢⵜ ⵢ ⵗⵢⵙⴰ
66ⵂⵔⵓⴰ ⴹⴰ ⵆⵎ ⵀⵜⵔⵙ ⴹⵗ ⵎⵙ ⵏⵗⵍⵏ ⴹⴰ ⵙ ⴹⵜⵙⴰ ⵢⵜ ⴹⵗ ⵜⵎⵛⵗⵍⵏ ⵏⵍⵎⵎ ⵓⴰ ⵤⵓⵔⵏ 67ⵜⵏⵢⵜⵓ ⵙⴾⵙ ⵙ ⵜⵎ⵿ⵙⵢ ⵜⵤⴶⵤⴹⵢ ⵜⵏⵙ «ⴾⵢ ⴹⴰ ⵢⵏ ⴹⵗ ⵢⵜⴹⵏ ⵓⵏ ⴹⵓⵏⵏ ⴹ ⵗⵢⵙⴰ ⵓⵏ ⵗⵔⵎ ⵏⵤⵔⵜ⵰» 68ⵎⵛⵏ ⴶⴹ ⵀⵜⵔⵙ ⵙ ⵜⵤⴹⵢ ⵏⴰ «ⵓⵔⵎⴹ ⵙⵏⵗ ⵓⴰ ⴹⵗⵢ ⵜⵛⵓⵍⴰ ⵤⴰ ⵓⵔ ⵜⴶⵔⵗ⵰» ⵜⵤⵔ ⴶⵎⴹ ⵗⵍⴰ ⴾⴰ ⵎⵏⵜ⵰ ⵗⵔⴰ ⴾⵌⵢ ⵗⵔⴰ ⴹⴰ ⵜⵎⵤⵢⵜ ⵜⵏ ⴹⴰ⵰
69ⵜⵏⵢⵜⵓ ⵜⵎⵛⵗⵍ⵿ⵜ ⵜⵍⵙ ⵜⵏⴰ ⵢⵢⵜⴹⵏ ⵀⴹⴹⵏⵏ ⴹⵏ «ⵍⵙ ⵓⴰ ⵢⵏ ⴹⵗⵙⵏ ⵎⵙ⵰» 70ⵍⵙ ⵀⵜⵔⵙ ⴶⴹ ⵗⵢⵙⴰ⵰
ⵔⵜ ⵏⵎⵤⵢ ⴹⴼⵔ ⵓⵏ ⵏⵏ ⵢⵜⴹⵏ ⵀⴹⴹⵏⵏ ⴹⵏ ⵏ⵿ⵜⵏⵢ ⴹⴰ ⵢ ⵀⵜⵔⵙ «ⵍⴾⵏ ⵙ ⴾⵢ ⴹⴰ ⵢⵏ ⴹⵗⵙⵏ ⵜⵎⵙⴰ ⴼⵍⵙ ⴾⵢ ⴹⴰ ⵏ ⴾⵍ ⵏ ⴶⵍⵍⵢⴰ⵰» 71ⴹ ⵂⴹ ⵀⵜⵔⵙ ⴶⵏⵓ «ⵎⵛⵏⴰ ⵢⴰ ⵜⵍⵗⵏⵗⵢ ⴾⴹ ⵀⵂⵓ ⴶ⵰ ⵂⴹⵗⵓⵏ ⵙ ⵓⵔ ⵤⴹⵢⵗ ⵍⵙ ⵓⵙ ⵜⴶⵏⵎ ⴹⵢ⵰» 72ⴹⴰ ⴹⴰ ⵗⵙ ⴹ ⵏⴰ ⵀⵜⵔⵙ ⵓⵏ ⵏ⵿ⵜⴰ ⴹ ⴶⴰ ⴾⵌⵢ ⵢⵗⵔⴰ ⵜⵗⵔⵢ ⵜⵏ ⵙⵏⵜⵜ ⴾⵜⴹⵓ ⵀⵜⵔⵙ ⵀⵜⵓ ⵜⴰ ⴹⵙⴶⴰ ⵗⵢⵙⴰ ⵙ ⴹⵙⵏⴰ «ⵙ ⵤⴶⵓ ⴾⵌⵢ ⵢⵗⵔⴰ ⵙⵏⵜⵜ ⵜⵗⵔ ⵜⴶⵗⵢ ⴾⵔⴹ ⴾⵙⵏ ⵢ ⵜⵤⴹⵢⵜ⵰» ⵜⵤⵔ ⵗⵛⴹⵏ ⵎⵏ ⵏⵀⵜⵔⵙ ⵓⵍⵏ ⴶⵤ ⵛⵏ ⵜⵍⴰ⵰
Поточний вибір:
ⵎⵔⴾⵙ 14: TTQtg
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2013, Wycliffe Bible Translators, Inc. All rights reserved.
