ⵎⵔⴾⵙ 10
10
ⵙⵍⵏ ⵏⵎⵤⵢ
1ⴼⵍ ⵗⵢⵙⴰ ⴹⴶ ⵓⵏ ⴾⴰ ⴾⵍ ⵏ ⵢⵂⴹⵢⴰ ⵂⵏ ⴶⵏⴰ ⵓⴰ ⵂⴹⵏ ⵏⴶⵔⵓ ⵓⵏ ⵢⵔⴹⵏ⵰ ⵜⵍⵙ ⴼⵍⵙ ⵜⵎⵜⵢ ⵜⴹⵓⵜ ⵜⵜⵙⵙⵗⵔⵓ ⵎⵙ ⵓⵏ ⵔⵜ ⵜⴶⵓ ⴼⵓ ⴹⴰ⵰ 2ⵂⵤⵏ⵿ⵜⵏ ⴼⵔⵙⵢⵜⵏ ⴶⵏⵙ ⵙⵙ⵿ⵜⵏ ⵎⵙⵏ ⵜⵏⴶⵎⵢⵜ ⵏⵏⵙ «ⵓⴾ ⵈⵍⵍ ⵢⵍⵙ ⴹ ⵤⵎⵤⵢ ⵜⵏ⵿ⵜⵜⵏⵜ ⵎⵗ ⵓⵔ ⵈⵍⵍ⵰» 3ⵏⵙⵏ ⵗⵢⵙⴰ «ⵎⵙ ⵎⵙ ⵍⵓⵌⵀ ⵓⴰ ⴹⵓⵏ⵿ⴹⵢⴰ ⵏⵀⵢ ⵎⵙⴰ ⴹⵗ ⵀⵜⵓ ⵜⴹⵢ⵰» 4ⵏⵏⵙ «ⵏⵀⵢ ⵎⵙⴰ ⴾⴼⴰ ⵜⵔⴶⵜ ⵏⴹ ⵜⵜⵓⴾⵜⵀ ⵛⵔⵓⵜ ⵏⵎⵤⵢ ⵢ ⵜⵏ⵿ⵜⵜ ⵜⵜⵓⵤⵎⵤⵢ⵰» 5ⵏⵙⵏ ⵗⵢⵙⴰ «ⵛⴹⵜ ⵏ ⵜⴶⵔⵎⵎ⵿ⵜ ⵏ ⵓⵍⵏⵓⵏ ⴼⵍ ⴹⵓⵏ⵿ⴹⵢⴰ ⵎⵙⴰ ⵍⵓⵌⵀ ⵓⴹⵢ⵰ 6ⴹⵔ ⴶⴰ ⵓⵏ ⴹⴰ ⵢⴰ
ⵙ ⵜⵤⵔⵜ ⵙ ⴹⵈⵍⴾ ⵎⵛⵏⴰ ⴹⵏⵜ
"ⵈⵍⴾⴹⵓ ⵢⵜⴹⵏ
ⵈⵍⴾⵏ⵿ⴹⵓ ⵎⵙⵏ ⵢⵢ ⴹⵜⵏ⵿ⵜⵢ⵰"
7ⴹⵢ ⴹⴰ ⴼⵍ ⴼⵍ ⵍⵙ
ⵀⵏⵜ ⴹⵏⵏⵜ
ⵔ⵿ⵜⵢ ⴹ ⵜⵏ⵿ⵜⵜⵏⵜ
8ⵆⵍⵏ ⴼⵍ ⵛⵏⵙⵏ ⵔⵜ ⵢⵏ⵿ⴹⴰ⵰
ⵎⴾⵏ ⴹⵗ ⵙ
ⴹ ⵀⵙ ⵎⵙⵏ ⵛⵏ ⵢⵜⴹⵏ
ⴾⵍⵔ ⴹ ⵆⵍⵏ ⵜⵗⵙⴰ ⵢⴹⴰ⵰
9ⴹⵗ ⴹⵢ ⵓⴰ ⵙⵔ⵿ⵜⵢ ⵎⵛⵏⴰ ⵜⵓⵔⵤⵎⵤⵢ ⵓⴹⵏ⵰»
10ⵙ ⴶⵤ ⵗⵢⵙⴰ ⵂⵏ ⵙⵙ⵿ⵜⵏⵏ⵿ⵜⵓ ⵏⵜⵍⵀⵏⵜ ⵏ⵿ⵜⵏⵢ ⴹⴰ ⴹ ⵀⵜⵓ ⵜⵏ⵰ 11ⵏⵙⵏ «ⵢ ⵤⵎⵤⵢⵏ ⵜⵏ⵿ⵜⵜⵏⵜ ⵤⵍⴼ ⵢⵜ ⵓⴹⵢ ⵤⵏⴰ ⴶⴰ ⴹⵢ⵰ 12ⵜⵏ⵿ⵜⵜ ⴹⵗ ⵜⴰ ⵜⵎⵤⵢⵜ ⴹⵍⵙⵏⵜ ⵤⵍⴼ⵿ⵜⵜ ⵢⵏ ⵏ⵿ⵜⴰ ⴹⴰ ⵤⵏⴰ ⵜⴶⴰ ⴹⵢ⵰»
ⵀⵔⵔⵏ ⴹ ⵜⵗⵎⵔ ⵜⵏ ⵎⵛⵏⴰ
13ⴹⵜⵓⵢⵏ ⵢⵜⴹⵏ ⵀⵔⵔⵏ ⵙ ⵗⵢⵙⴰ ⴼⵍ ⵜⵏⵙⵓⵔ ⴼⵙⵏⵜ ⵜⵔⵙⵏ ⵎⵛⵏ ⵛⵓⵍⵏ ⵏⵜⵍⵀ ⴼⵍ ⵢⵜⴹⵏ ⵓⵏ ⴹⵏ⵰ 14ⵏⵢ ⵗⵢⵙⴰ ⵓⵏ ⵗⵙ ⵛⴾⵓ ⵏⵙⵏ «ⵢⵓⵜ ⵀⵔⵔⵏ ⴹⴹⴾⵏ⵰ ⵜⵏⵏⵓⵔ⵿ⵜⵓⵗⵎ ⴼⵍⵢ ⴼⵍⵙ ⵜⵗⵎⵔ ⵜⵏ ⵎⵛⵏⴰ ⵛⵏ ⵢⵜⴹⵏ ⵓⵏ ⵛⵍⵜⵏⵙⵏ⵰ 15ⴶⵢⵗ ⵙⵍⴾⵏⵗⵓⵏ ⵙ ⵢ ⵓⵔ ⵏⴶⴰ ⵢ ⵜⵗⵎⵔ ⵜⵏ ⵎⵛⵏⴰ ⵍⵆⵀⵍⵜ ⵛⵍⵜ ⵏ ⵜⴰ ⴹⵙⴶⴰ ⵀⵔⵔ ⵓⴹⵢ ⵓⵔ ⴹⵙⵍⴾⵎ ⵜⵜⴶⵤ⵰» 16ⵜⵤⵔ ⴹ ⵜⵤⵍⵎⵜ ⵗⵢⵙⴰ ⵀⵔⵔⵏ ⵓⵏ ⴹⵏ ⵙⵓⵔ⵿ⵜⵏ ⴼⵙⵏⵜ ⵜⵜⵔⵙⵏ⵰
ⵍⵙ ⵏⵎⴶⵔⴶⵙ ⴹ ⵜⵗⵎⵔ ⵜⵏ ⵎⵛⵏⴰ
17ⵙ ⵤⵎⴰ ⵎⵜⴾⵓⵢ ⵗⵢⵙⴰ ⴹⵗ ⴹⴶ ⵓⵏ ⵔⵤⴹⵓ ⵙⵔⵙ ⵍⵙ ⵢⵏ ⵙⵔⵙ ⴹⵤⵍⵏ ⴶⵔⴼⵜ ⴹⵜⵙ ⵏⵙ «ⵛⵈ ⵍⵗⵏ ⵎⵙ ⴹⵓⵔ ⴶⵏⵜ ⵢⴹ ⴶⵔⵓⴰ ⵜⵎⴹⵔ⵿ⵜ ⵜⴰ ⵜⵗⵍⵍⵜ⵰» 18ⵏⵙ ⵗⵢⵙⴰ «ⵎⴼⵍ ⵙ ⴹⵜⴶⵏⵗ ⵛⵈ ⵍⵗⵏ⵰ ⵓⵔ ⵜⵍⴰ ⵢ ⵍⵗⵏ ⵔ ⵎⵛⵏⴰ⵰ 19ⵍⵓⵌⵀⵏⵜ ⵜⵙⵏⵆⵏ ⵂⵏ ⵙ "ⴹ ⵓⵔ ⵜⴶⵗ ⵎⵏ ⴹ ⵓⵔ ⵜⴶⵗ ⵤⵏⴰ ⴹ ⵓⵔ ⵜⴾⵔⴰ ⴹ ⵓⵔ ⵜⴶⵢⵗ ⵙ ⵀⵂⵓ ⴹ ⵓⵔ ⵜⴶⴰ ⵜⴾⵎⴰ ⵢⵓⴹⵏ ⵙⵗⵎⵔ ⵀⵏⴾ ⴹⵏⵏⴾ⵰"» 20ⵏⵙ ⵍⵙ ⵓⵏ «ⵍⴼⵆⵢ ⵔⵜⵏ ⵓⵏ ⴹⵢ ⴾⵍ ⵂⵔⵓⴰ ⴹⴰ ⵎⴹⵔⵢⴰ ⵙ ⵜⵏⵙⵀⴹⴹⴰ⵰» 21ⵜⵤⵔ ⴹⴾⵓ ⵗⵢⵙⴰ ⵙⵙⵓⴹ ⵜⵂⴰ ⵜⵔⴰ ⵏⵙ «ⵔⵜ ⵢⵏ⵿ⴹⴰ ⴹⴾⵏⵆⵎⵏ ⵎⵔⴹⴰ ⴶⵍⵓ ⵤⵏ⵿ⵤⵏ ⵜⵍⵏⴾ ⴾⵍ ⵜⴾⴼⵗ ⵏⵤⵏⵜ ⵢ ⵜⵍⵆⵓⵏ ⴹ ⵜⴶⵔⵓⵗ ⵔⵤⵗ ⴹⴾⵤⵏ⵿ⵙⵏ ⴹⵗ ⵍⵈⵔⵜ⵰ ⴹⴼⵔ ⴹⵢ ⵎⵔⵏ ⵜⴶⵍⴹⵓ ⵜⵍⴾⵎⵗⵢ⵰» 22ⵙⵍⴰ ⵍⵙⵏ ⵢ ⵀⵜⵓ ⵜⵏ ⵗⵙ ⵤⴾⵏ⵿ⵤⵔ⵰ ⵏ⵿ⴾⵔ ⴶⵍⴰ ⵗⵛⴹⵏ ⵎⵏⵜ ⴼⵍⵙ ⵔⵤⵗ ⴶⵏ ⵍⴰ⵰
23ⵙⵍⵍ ⵗⵢⵙⴰ ⵙⵓⴹⵏⵜ ⵜⵎⵜⵢ ⵜⴰ ⵜⵜⵗⵍⵢⵗⵍⵢⵜ ⴹⵏ ⵎⵔⵏ ⵏⴰ ⵢ ⵏⵜⵍⵀⵏⵜ «ⴾⵜ ⵤⵓⵢ ⴶⵢ ⴶⵤ ⵏ ⵜⵗⵎⵔ ⵜⵏ ⵎⵛⵏⴰ ⴼⵍ ⵓⵏ ⴶⵔⴶⵙⵏⵏ⵰» 24ⵀⵜⵓ ⵜⵏ ⵜⵆⵏ ⵗⴼⵓⵏ ⵏ ⵏⵜⵍⵀⵏⵜ ⵍⵙ ⵗⵢⵙⴰ ⵏⵙⵏ «ⵀⵔⵔⵏⵏ ⴾⵜ ⵤⵓⵢ ⴶⵢ ⴶⵤ ⵏ ⵜⵗⵎⵔ ⵜⵏ ⵎⵛⵏⴰ⵰ 25ⴶⵔ ⵜⵔⵗⵙⵢ ⵜⴰ ⴶⴰ ⴼⵍ ⵍⵎ ⵔⴹⵗ ⴹⵗ ⵜⵀⴹⵢ ⵏⵏⵤⵎⵢ ⵢ ⵜⴰ ⴶⴰ ⴼⵍ ⵎⴶⵔⴶⵙ ⴶⵤ ⵏ⵿ⵜⵗⵎⵔ ⵜⵏ ⵎⵛⵏⴰ⵰» 26ⵀⵜⵓ ⵜⴰ ⵜⵙⵎⴾⵍⵍ ⵓⵍⵏ ⵙ ⵏⵜⵍⵀ ⵜⵤⵔ ⴹ ⵜⵏⵎⵏⵏ «ⴹⵢ ⵤⴰ ⵎⴰ ⴼⵔⴶⵏ ⴹ ⵗⵍⵙ ⴹⵗ ⵜⵎ⵿ⵙⵢ⵰» 27ⵙⵓⴹ ⴹⵗⵙⵏ ⵗⵢⵙⴰ ⵏⴰ «ⵎⵈⵍ ⵎⵙ ⴹⵢ ⵗⵔ ⵢⵜⴹⵏ ⵎⵛⵏ ⵎⵛⵏⴰ ⵓⵔ ⵙⵔⵙ ⵜⵎⵙ ⴼⵍⵙ ⵔⵜ ⴾⵍ ⴼⵔⴾⵓ⵰»
ⵍⴾ ⵓⴰ ⵤⴶⵔⵓ ⵏⵍⴾⵎ ⵏ ⵗⵢⵙⴰ
28ⵜⵤⵔ ⵏⵙ ⵀⵜⵔⵙ «ⵏⴾⵏⵢ ⵤⴰ⵰ ⵓⴾ ⵓⵔⴶⵗ ⵏⵢⴰ ⵔⵜ ⴾⵍ ⵏⵍⴾⵎⴾ⵰» 29ⵏⵙⵏ ⵗⵢⵙⴰ «ⴶⵢⵗ ⵙⵍⴾⵏⵗⵓⵏ ⵙ ⵓⴹⵏ ⴾⵍ ⵓⴰ ⴼⵍⵏ ⴼⵍ ⴹⵍⵍⵏ ⴹⴹⵍⵍ ⵏⵍⵏ⵿ⵌⵍ ⵂⵏⵜ ⵎⴹⵗ ⵎⴹⵔⵢⵏⵜ ⵎⴹⵗ ⵛⵎⴹⵔⵢⵏⵜ ⵎⴹⵗ ⵏⵏⵜ ⵎⴹⵗ ⵀⵏⵜ ⵎⴹⵗ ⵀⵔⵔⵏⵜ ⵎⴹⵗ ⵛⵓⴶⵙⵏⵜ 30ⵓⴹⵢ ⵓⴹⵏ ⴹ ⴶⵔⵓ ⵂⵔⵓⴰ ⴹⴰ ⵎⵔⴹⴰ ⵜⵎⴹⵢ ⵏⵏⵜⴼⵙ ⵏ ⵏⵏ ⵎⴹⵗ ⵎⴹⵔⵢⵏ ⵎⴹⵗ ⵛⵎⴹⵔⵢⵏ ⵎⴹⵗ ⵏⵜⵏ ⵎⴹⵗ ⵀⵔⵔⵏ ⵎⴹⵗ ⵛⵓⴶⵙ⵰ ⵎⵔⵏ ⴹⵢ ⴾⵜⵏⵜ ⴹ ⵜⴶⵔⵓ ⴹⵓⵙ ⴹⵍⵗⵤⵀ ⴶⵔⵓ ⴹⵗ ⵜⵎⴹⵔ⵿ⵜ ⵜⵗⵍⵍⵜ ⴹⵗ ⵍⵈⵔⵜ⵰ 31ⵎⵔⵏ ⴶⵏ ⴹⵗ ⵓⵏ ⵂⵏⵏ ⵗⴼ ⵎⵔⴹⴰ ⵍⴾⵎ ⴹ ⴶⵤⵏ ⵍⵆⵎ ⵓⵏ ⵂⵏⵏ ⵍⵆⵎ ⴹⵗ ⵎⵔⴹⴰ ⵍⴾⵎ ⴶⵤⵏ ⵗⴼ⵰»
ⵜⵎⵍ ⵓⵏ ⴾⵔⴹ ⵏⵍⵗⵤⵀ ⵓⴰ ⵤⵏⵢ ⵍⵎⵙⵈ
32ⵂⴰ ⵗⵢⵙⴰ ⵜⵔⵢⵜ ⵏ⵿ⵜⴰ ⴹ ⵏⵜⵍⵀⵏⵜ ⵤⵔⵙⵏ ⵜⴶⵤⵢⵏ ⵙ ⵢⵔⵙⵍⵎ⵰ ⵙ ⵜⴶⵓ ⵓⵏ ⵛⵓⵛⵏ ⵏⵜⵍⵀⵏⵜ ⵜⵂⴰ ⴹⵗ ⵜⵙⴰ ⵢⵜⴹⵏ ⵓⵏ ⴹⵙⵍⴾⵎⵏⵏ⵰ ⵍⵙ ⵗⵢⵙⴰ ⴾⵙ ⵏ ⵏⵜⵍⵀⵏⵜ ⵓⵏ ⵎⵔⵓ ⴹⵛⵏ ⴹⵗ ⵢⵜⴹⵏ ⵢⴹⵙⵏⵎⵍ ⵔⵜ ⴼⵍⵙ ⵤⴶⵏ ⴹⵗ ⵍⵓⵆ ⵓⵔ ⵏⴶⴶ⵰ 33ⵏⵙⵏ «ⵙⵙⵎⵜ ⵏⴾⵏⵢ ⴹⴰ ⴶⵤⵢⵏⵏ ⵙ ⵢⵔⵙⵍⵎ ⴹⴰ⵰ ⴹⵏ ⴹⴰ ⴹ ⵤⴰ ⵜⵓⴶⴰ ⵏⴾ ⴶ ⴶⴹⵎ ⴹⵗ ⴼⵙⵏ ⵏⵎⵤⵔⵏ ⵏⵍⵎⵎⵏ ⴹⵎⵙⵏⵏ ⵏⵜⵓⵔⵜ⵰ ⵢⵜⴹⵏ ⵓⵏ ⴹⵈⴾⵎⵏ ⵜⵎⵜⵏ⵿ⵜ ⴶⵏⵢ ⴹⵗ ⴼⵙⵏ ⵏⵢⵜⴹⵏ ⵓⵔ ⵏⵎⵙ ⴾⵍⵍⵢⵂⴹ 34ⴹⵗⵢ ⵜⵌⵀⵏ ⵙⵜⴼⵏ ⴼⵍⵢ ⵢⵓⵏⵏⵢ ⵛⵓⵜ ⴶⵏ ⵎⵏⵏ ⵎⵛⵏ ⴹⵏ⵿ⴾⵔⴰ ⴹⵗ ⵜⵎⵜⵏ⵿ⵜ ⵤⵍ ⵓⵏ ⴾⵔⴹ⵰»
ⵙⵙⵗⵔⵢ ⴶⵏ ⴹⵗ ⵀⵜⵓ ⵏ ⵜⵤⵔ⵿ⵜ
35ⵏ⵿ⴾⵔⵏ ⵏⵜⵍⵀ ⵛⵏ ⵓⵏ ⵎⴹⵏⵙ ⵏ ⵤⵀⴹⵢ ⵎⵙⵏⵏ ⵢⵆⵀ ⴹ ⵢⵈⵢⴰ ⵂⵤⵏ⵿ⴹⵓ ⵗⵢⵙⴰ ⵏⵏⵙ «ⵛⵈ ⴹⵗⴾ ⵏⴶⵎⵢ ⵔⵜ ⵙ ⵏⵔⴰ ⴹⵏⵆⵜⴶⴰ⵰» 36ⵏⵙⵏ «ⵎⵙ ⵜⵔⵎ ⴹⵓⵏ⵿ⵜⴶⴰ⵰» 37ⵏⵏⵙ «ⵏⵔⴰ ⴹⵗⴾ ⴹ ⵆⵎ ⵢⵏ ⴹⵗⵏⴰ ⴹⵗ ⵗⵍⵏⴾ ⵆⵎ ⵓⴰ ⵂⴹⵏ ⴹⵗ ⵤⵍⴶⵜⵏⴾ ⵍⵓⵆ ⵓⴹ ⵤⴰ ⵜⴶⵤⴰ ⵜⵏⵢⵏⴾ⵰» 38ⵏⵙⵏ ⵗⵢⵙⴰ «ⵓⵔ ⵜⵙⵏⵎ ⵍⵎⵗⵏⴰ ⵏⵔⵜ ⵓⴰ ⵜⴶⵎⵢⵎ ⴹⵢ⵰ ⵓⴾ ⵜⴼⵔⴶⵎ ⴹⵔⵢ ⵜⴹⵔⵓⵎ ⵍⵗⵤⵀ ⵓⴰ ⵤⴶⴰ ⴹⵗ ⵍⵓⵆ ⵓⵔ ⵏⴶⴶ⵰» 39ⵏⵏⵙ «ⵓⵍⴰ ⵏⴼⵔⴶ ⴹⵔⴾ ⵜⵏⴹⵔⵓ⵰» ⵏⵙⵏ «ⵜⴹⵜ ⵎⵙ ⵙ ⵜⴼⵔⴶⵎ ⴹⵔⵢ ⵜⴹⵔⵓⵎ ⵍⵗⵤⵀ ⵓⴰ ⵜⴶⵎ ⴹⵗ ⵜⵎⵜⵏ⵿ⵜ ⵜⴰ ⵤⴶⴰ⵰ 40ⵎⵔⵏ ⴹⵗ ⵀⵜⵓ ⵜⴰ ⵜⵆⵍⵜ ⵓⴰ ⵤⵆⵎⵏ ⴹⵗ ⵗⵍⵏ ⵓⵍⴰ ⵤⵍⴶⵜⵏ ⵓⵔⴶⵗ ⵏⴾ ⵜⵂⴾⵏ⵰ ⴾⵍⵔ ⴹⴶⵏ ⵓⵏ ⵏ ⵓⵏ ⵙ ⵜⵓⵙⵎⵜⴶⵏ⵰»
41ⵙⵍⵏ ⵎⵔⵓ ⵏⵜⵍⵀ ⵓⵏ ⵂⴹⵜⵏⵏ ⵢⵓⵏ ⵛⴾⵏ ⵢⵆⵀ ⴹ ⵢⵈⵢⴰ⵰ 42ⵜⵤⵔ ⵗⵔⵏ⵿ⴹⵓ ⵗⵢⵙⴰ ⵏⵙⵏ ⴾⵜⵏⵙⵏ «ⵜⵙⵏⵎ ⵙ ⵢⵜⴹⵏ ⵓⵏ ⵜⵓⵜⴼⵏⵏ ⴹⵗ ⵜⵛⵜ ⵏⵎⵤⵔⵏ ⵏ ⵜⵎⵜⵓⵏ ⵙⴾⵏⵏ ⵜⵔⵏⴰ ⵢⵢⵜⴹⵏ ⵓⵏ ⵙ ⵤⵔⵏ ⵎⵔⵏ ⵢⵜⴹⵏ ⵓⵏ ⴹⵗⵙⵏ ⵜⴼⵏⵏ ⵍⵈⴾⵎ ⵙⴾⵏⵏ ⵢⵜⴹⵏ ⵓⵏ ⵙ ⵤⵔⵏ ⵜⵗⵎⵔ⵰ 43ⵎⵛⵏ ⴾⵓⵏⵢ ⴹ ⵓⵔ ⵜⴶⵎ ⴹⵢ ⴶⵔⵓⵏ⵰ ⴾⵍⵔ ⵙ ⵔⴰ ⵢⵏ ⴹⵗⵓⵏ ⴹ ⵍⵓ ⵍⵎⵆⵎ ⵓⴹⵢ ⵆⵍⵜ ⵤⵏ ⵎⵛⵗⵍⵏⵓⵏ⵰ 44ⵎⵔⵏ ⵓⴰ ⴹⵗⵓⵏ ⵔⵏ ⵜⵤⵔ⵿ⵜ ⵓⴹⵢ ⵆⵍⵜ ⵤⵏ ⴾⵍⵢ ⵏⵓⴹⵏ ⴾⵍ 45ⴼⵍⵙ ⵏⴾ ⴶ ⴶⴹⵎ ⵓⵔ ⴹⵙⵗ ⴹⵏⵜ ⵢⴹⵛⵗⵍⵏ ⵢⵜⴹⵏ⵰ ⴾⵍⵔ ⵙⴰ ⴹⴶ ⵢⴹ ⵛⵗⵍⴰ ⵢⵢⵜⴹⵏ ⴾⴼⴰ ⵎⵏⵏ ⴼⵍ ⴹ ⵙⴹⵔⴼⵗ ⵙ ⵜⵎⵜⵏ⵿ⵜⵏ ⵢⵜⴹⵏ ⴶⵜⵏⵏ ⴹⵗ ⵀⴾⴹⵏⵙⵏ⵰»
ⵤⵤⵢ ⵓⴰ ⴶⴰ ⵗⵢⵙⴰ ⵀⵔ⵿ⵜⵎⵢ
46ⴶⵍⴰ ⵗⵢⵙⴰ ⴹ ⵏⵜⵍⵀⵏⵜ ⵂⵔ ⴹⵏⵓⴹⵏ ⵗⵔⵎ ⵓⵏ ⵢⵔⴾⵓ⵰ ⵙ ⴶⵤ ⵗⵢⵙⴰ ⵛⵏ ⴶⵎⴹ ⵏⵗⵔⵎ ⵓⵏ ⵏ⵿ⵜⴰ ⴹ ⵏⵜⵍⵀⵏⵜ ⴹ ⵜⵎⵜⵢ ⵜⴶⵜ ⵍⵢ ⵎⴹⵔⵗⵍ ⵢⵏ ⴶⵏ ⵙⵎ ⵀⵔ⵿ⵜⵎⵢ ⴶ ⵜⵎⵢ ⵆⵎⵏ ⴼⵍ ⴼⵢ ⵏ ⵜⵔⵢⵜ ⵜⵏ⵿ⵙⵢ⵰ 47ⴹⴰ ⴹⴰ ⵗⵙ ⴹ ⵙⵍⴰ ⵙ ⵗⵢⵙⴰ ⵓⵏ ⵗⵔⵎ ⵏⵤⵔⵜ ⵓⵏ ⵏ⵿ⵜⴰ ⴹ ⴹⴾⵍ ⵎⵙⵍⵏⵜ ⴹ ⴶⵏⵓ «ⵢⴰ ⵗⵢⵙⴰ ⴶ ⵏⵀⵢ ⴹⵓⴹ ⵂⵏⵜⵜⵢ⵰» 48ⵔⵗⵎⵏⵙ ⵢⵜⴹⵏ ⴶⵜⵏⵏ ⵢⴹ ⴼⵙ⵿ⵜⵓ ⵎⵛⵏ ⵙⵂⴾⵜ ⵎⵙⵍⵏⵜ ⵓⵍⵏ ⴶⵏⵓ «ⵢⴰ ⵗⵢⵙⴰ ⴶ ⴹⵓⴹ ⵂⵏⵜⵜⵢ⵰» 49ⵤⴾⵜ ⵗⵢⵙⴰ ⵏⴰ «ⵗⵔⵓⵜⵜⴹ»⵰ ⵜⵓⵗⵔⴰ ⵎⴹⵔⵗⵍ ⵜⵓⵏⵙ «ⴹⵓⵜ ⵜⵀⴹⴹⴰ ⵗⵔⴾ⵰» 50ⴶⵔⵏ ⵎⴹⵔⵗⵍ ⵙⵍⵙⵓⵏⵜ ⵓⵏ ⴼⵍⴰ ⴶⴹ ⵏⵎⴹ ⵗⵢⵙⴰ⵰ 51ⵙⵙ⵿ⵜⵏ⵿ⵜⵓ ⵗⵢⵙⴰ ⵏⵙ «ⵎⵙ ⵜⵔⵗ ⴹⴾⴶⴰ⵰» ⵏⵙ ⵎⴹⵔⵗⵍ «ⵛⵈ ⵔⵗ ⴹⴹⵆⵍ ⵙⵓⴹⵏ⵰» 52ⵜⵤⵔ ⵏⵙ ⵗⵢⵙⴰ «ⴶⵍⵓ ⵤⵤⵢⴾⵢ ⵤⴶⵤⵏⴾ ⵙⵔⵢ⵰» ⵆⵍ⵿ⵜⴹ ⵙⵓⴹⵏⵜ ⴹⵗ ⵜⵎⵤⵢⵜ ⵜⵏ ⴹⴰ ⵀⵤ ⵜⵔⵢⵜ ⴶⵤ ⵜⵎⵜⵢ ⵜⴰ ⵜⵍⴾⵎⵜ ⵢ ⵗⵢⵙⴰ⵰
Поточний вибір:
ⵎⵔⴾⵙ 10: TTQtg
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2013, Wycliffe Bible Translators, Inc. All rights reserved.
