ⴶⵜⵏ 11
11
ⵙⵍⵏ ⵓⵏ ⴶⴰ ⵀⵜⵔⵙ ⴹⵜ ⵏⵍⴾⵎⵏ ⵏ⵿ⵗⵢⵙⴰ ⵓⵏ ⵢⵔⵙⵍⵎ
1ⵙⵍⵏ ⵏⵎⵤⵍ ⴹⵎⴹⵔⵢⵏ ⴹⵗ ⵤⴶⵤⵏ ⵓⵏ ⵂⵏⵏ ⴾⵍ ⵓⵏ ⵢⵂⴹⵢⴰ ⵙ ⵍⵏ⵿ⵜⵓ ⵢⵜⴹⵏ ⵓⵔ ⵏⵎⵙ ⴾⵍⵍⵢⵂⴹ ⵤⴶⵤⵏⵏ ⵏ⵿ⵜⵏⵢ ⴹⴰ ⵙⵓⵍ ⵏⵎⵛⵏⴰ⵰ 2ⵍⵓⵆ ⵓⴹ ⴶⵤⵢ ⵀⵜⵔⵙ ⵙ ⵢⵔⵙⵍⵎ ⵛⵓⵍⵏ ⴼⵍⵙ ⵏⵍⴾⵎⵏ ⵏ⵿ⵗⵢⵙⴰ ⵓⵏ ⴾⵍⵍⵢⵂⴹ ⵓⵏ ⵜⴼⵏⵏ ⵍⵗⴹⵜⵏⵙⵏ ⵜⵏ ⵎⵏ⵿ⴾⴹ⵰ 3ⵏⵏⵙ «ⵎⵏⵎⴾ ⵙ ⵜⵜⴶⵤⴰ ⵂⵏ ⵏⵢⵜⴹⵏ ⵓⵔ ⵏⵎⵏ⵿ⴾⴹ ⵓⵍⴰ ⵜⴹⵔⵓ ⴹⵔⵙⵏ ⵎⵏ⵿ⵙⵓⵏ⵰»
4ⵜⵤⵔ ⵙⵗⵍⵙⵏ ⵀⵜⵔⵙ ⵓⴰ ⴶⵏ ⴾⵍ ⵓⵏ ⵏⵜⵢ ⵏⵙⵏ 5«ⵜⵜⵔⴰ ⴹⵗ ⵗⵔⵎ ⵏⵢⴼⴰ ⵙ ⴹⵜⵀⵤ ⵜⵔⵏⴰ ⵏⵏ⵿ⴼⵙ ⵓⴰ ⵤⴹⴶⵏ ⵏⴼⵍⵍⵢ ⵔⵜ ⵢⵏ⵰ ⵔⵜ ⵓⴰ ⵜⵓⵙⵔⵙⴹⵓ ⴹⵗ ⵌⵏⵓⵏ ⵍⴰ ⴹⴼⵔ ⵤⵓⵔⵏ ⵜⵓⵜⴼⵏ ⵙⴾⵤⵜ ⵜⵙⵍⴾⴹⵏⵜ ⵂⵔ ⴹⵜⵢ ⴹⵎⵍ⵰ 6ⵙⵓⴹⴰ ⴹⵗⵙ ⵤⴶⵤⴹⵆⵓ ⵏⵢⵗ ⴹⵗⵙ ⵂⵔⵢ ⴹⵜⵓⵆⵙ⵿ⵜ ⴹⵎⵔⴹⵎⵔⵏ ⴹⴶⴹⴹ⵰ 7ⵜⵤⵔ ⵙⵍⵗ ⵢⵎⵙⵍⵢ ⵓⴰ ⴹⵏⵏ "ⵀⵜⵔⵙ ⵏ⵿ⴾⵔ ⵜⴶⵤⵎⴰ ⵜⵜⵛⴰ⵰" 8ⵎⵛⵏ ⵏⵗⵙ "ⴾⵍⴰ ⴾⵍⴰ ⵎⵍⵢ ⴹ ⵎⵏⵏ ⵓⵔ ⴾⵍⴰ ⵜⴶⵤ ⵔⵜ ⵈⵔⵎⵏ ⵓⵍⴰ ⵢⵏ ⵎⴹⵙⵏ⵰" 9ⵍⵙⴰ ⵜⵙⵍⵢ ⵢⵎⵙⵍⵏ ⵙ ⵏⴰ ⴹⵗ ⵌⵏⵓⵏ "ⵓⴰ ⵙⵈⵍⵍ ⵎⵛⵏⴰ ⵓⵔⴶⵗ ⴾⵢ ⵜⵤⴶⵏ ⵢ ⵈⵔⵎⵏ⵰" 10ⵂⵔ ⴶⴰ ⵎⵙⵍⵏ ⵢⵓⵏ ⴾⵔⴹⵜ ⵜⵏⵓⵏ ⵎⵔⵏ ⵜⵓⵔⴾⵀⵏ ⵓⵏ ⴾⵜⵏⵜ ⵙ ⵌⵏⵓⵏ⵰
11ⵜⵎⵤⵢⵜ ⵜⵏ ⴹⴰ ⴹⵀⴹⴹⵏ ⴾⵔⴹ ⵎⴹⵏ ⵙⵂⵏ ⵓⴰ ⴹⵗ ⵙⴶⵏⴰ ⵙⵔⵢ ⴹⵎⵤⵍⵏⵏ ⴹⵗ ⵗⵔⵎ ⵏⵆⵢⵙⵔⵢⴰ⵰ 12ⵜⵤⵔ ⵏⵢ ⵏ⵿ⴼⵙ ⵓⴰ ⵤⴹⴶⵏ ⴹⵔⵙⵏ ⴹⵓⴰ ⴹⵢ ⴹⴰ⵰ ⴹ ⵓⵔ ⵤⵍⵢⵗ ⵢⵜⴹⵏ⵰ ⴹⵓⴰ ⴹⵗ ⴹⵎⴹⵔⵢⵏⵏⴰ ⵙⴹⵙ ⵓⵏ ⵂⵔ ⵏⴶⵤ ⵂⵏ ⵏⵍⵙ ⵓⴰ ⴹⴹⵙⴶⵎⵢⵏ⵰ 13ⵙⵗⵍⵏⴰ ⵎⴾ ⵓⵙ ⴹⵙⵏⴼⵍⵍ ⵏ⵿ⴶⵍⵙ ⴹⵗ ⵂⵏⵜ ⵀⴹⴹ ⴹⵜⵙ ⵏⵙ "ⵤⵎⵤⵍ ⵓⴹⵏ ⵙⵗⵔⵎ ⵏⵢⴼⴰ ⵢⴹⴾⴹⴹⵓ ⴹⵙⵎⵗⵏ ⵓⵙ ⵜⵓⵏⵓ ⵀⵜⵔⵙ⵰ 14ⴹⴾⴶⵓ ⵎⴶⵔⴹ ⵙⵔⴾ ⴹⵤⵓⵢⵏ ⴼⵙⵏ ⴾⵢ ⴹⵗⵢⵓⵏⴾ ⴾⵜⵏⵜ⵰" 15ⵂⵔⵓⴹⴰ ⵓⵔ ⵂⴶⴰ ⵛⵓⵍⴰ ⵙ ⴼⵍⵙⵏ ⴹⴶⴰ ⵏ⵿ⴼⵙ ⵓⴰ ⵤⴹⴶⵏ ⵤⵀⵢ ⵓⴰ ⴼⵍⵏⴰ ⴹⴶⴰ ⵏⴾⵏⵢ ⴹⵗ ⵜⵤⵔⵜ⵰ 16ⵜⵤⵔ ⴾⵜⵗⴹⵓ ⵜⵏⴰ ⵜⴰ ⴶⴰ ⵎⵍⵢ "ⵢⵈⵢⴰ ⵎⵏ ⴹⵗ ⵙⵍⵎⵗ ⵢⵜⴹⵏ ⵎⵛⵏ ⴾⵓⵏⵢ ⵏ⵿ⴼⵙ ⵓⴰ ⵤⴹⴶⵏ ⴹⵗ ⵤⴰ ⵜⵜⵓⵙⵍⵎⵗⵎ⵰" 17ⴹⵗ ⴹⵢ ⴹⴹ ⵤⵎⵙ ⴶⵙⵏ ⵎⵛⵏⴰ ⵜⵂⴾⵜ ⵤⵏ ⵜⴰ ⴹⵏⵗⴶⴰ ⵙ ⵏⵤⴶⵤⵏ ⵙⵎⵍⵢ ⵗⵢⵙⴰ ⵍⵎⵙⵈ ⵎⴰ ⵎⵙⴰ ⵏⴾ ⵙ ⴶⴹⵍⴰ ⵢ ⵎⵛⵏⴰ ⴶⵢ ⵏⵓⴰ ⵔⴰ⵰» 18ⵙ ⵜⵙⵍⴰ ⵍⵌⵎⵗⵜ ⵢ ⵙⵍⵏ ⵓⵏ ⵜⴼⵙ⵿ⵜⴰ ⵜⵤⵔ ⴹ ⵜⵎⵍ ⵎⵛⵏⴰ ⵜⴶⵏⵓ «ⴹⵗ ⴹⵢ ⵢⵜⴹⵏ ⵓⵏ ⵓⵔ ⵏⵎⵙ ⴾⵍⵍⵢⵂⴹ ⴹⴰ ⵙⴼⵔⴾⵏ ⵎⵛⵏⴰ ⴹ ⵜⵀⵏ ⴶⵔⵓⵏ ⵜⵎⴹⵔ⵿ⵜ ⵜⴰ ⵜⵗⵍⵍⵜ⵰»
ⵜⵎⵍ ⵏⵍⵏ⵿ⵌⵍ ⵢ ⴾⵍⵍⵢⵂⴹ ⴹⵗ ⵏ⵿ⵜⵢⵈⵢⴰ ⵜⵏ ⵙⵔⵢⴰ
19ⵏⵍⴾⵎⵏ ⵏ⵿ⵗⵢⵙⴰ ⵓⵏ ⵤⵓⵤⵓⵤ ⵍⵗⵤⵀ ⵓⴰ ⴹⵤⵔⵢⵏ ⵜⵓⵏ⵿ⵗⴰ ⵏⵙ⵿ⵜⴼⵏⵙ ⴶⵍⵏ ⵓⵢⴹ ⵂⵔ ⵙⵏ ⴾⵍ ⵓⵏ ⴼⵏⵙⵢⴰ ⵓⵢⴹ ⵙⵏ ⴾⵍ ⵎⵙⵏ ⴶⵔⵓⵜⵍⵏ ⵙ ⵜⵓⵏⵓ ⵆⵀⵔⵙ ⵓⵢⴹ ⵙⵏ ⵗⵔⵎ ⵓⵏ ⵏ⵿ⵜⵢⵈⵢⴰ⵰ ⵎⵍⵏ ⵓⵍ ⵏⵎⵛⵏⴰ ⴶⵙ ⵢ ⴾⵍⵍⵢⵂⴹ ⵗⵙ⵰ 20ⴹⵔ ⴶⴰ ⵓⵏ ⴹⴰ ⵢⴰ ⵓⵢⴹ ⴹⵗⵙⵏ ⵏⴾⵍ ⵓⵏ ⵆⵀⵔⵙ ⴹ ⵓⵏ ⵆⵔⵓⵏ ⵙ ⴹⵏⵙⵏ ⵗⵔⵎ ⵓⵏ ⵏ⵿ⵜⵢⵈⵢⴰ ⵛⵓⵍⵏ ⵢⵢⵜⴹⵏ ⵓⵏ ⵓⵔ ⵏⵎⵙ ⴾⵍⵍⵢⵂⴹ ⵓⵏ ⵛⵓⵍⵏⵏ ⵜⵍⵢⵏⵏ⵿ⵜ ⵎⵍⵏⵙⵏ ⵙⵍⵏ ⵏⵍⵏ⵿ⵌⵍ ⵏⵎⵍⵢ ⵗⵢⵙⴰ⵰ 21ⵜⴹⵂⵍ⵿ⵜⵏ ⵜⵔⵏⴰ ⵏⵎⵛⵏⴰ ⴹⵗ ⵓⴰ ⵜⴶⵏ ⵜⵤⵔ ⵤⴶⵤⵏⵏ ⵢⵜⴹⵏ ⴶⵜⵏⵏ ⵙ ⵗⵢⵙⴰ ⵍⵎⵙⵈ ⵜⵀⵏ ⵍⴾⵎⵏ ⵢⵎⵍⵢ ⵎⵙⵏ ⵎⵏⴾⵍⵏⵙⵏ⵰
22ⵙⵍⵏ ⵏⵓⵏ ⵓⴹⵏⵏ ⵍⴾⵏⵙⵜ ⵜⴰ ⵜⵂⵜ ⵢⵔⵙⵍⵎ ⵜⵤⵔ ⵜⵤⵎⵤⵍ ⵀⵔⵏⵀⵙ ⵙⵗⵔⵎ ⵏⵏ⵿ⵜⵢⵈⵢⴰ⵰ 23ⵙ ⴹⵏⵙⴰ ⵏⵢ ⵔⵈⵎⵜ ⵏⵎⵛⵏⴰ ⵜⴰ ⴹⵜⵤⵀⵜ ⴹⵏ ⴹⵓⵜ⵰ ⵜⵤⵔ ⴶⵙⵏ ⴾⵜⵏⵙⵏ ⵏⵙⵈⴰ ⵎⵙⵏ ⴹ ⵍⴾⵎⵏ ⵢⵎⵍⵢ⵰ 24ⵏ⵿ⵜⴰ ⵎⵏⵜ ⵀⵔⵏⵀⵙ ⵍⵙ ⵍⵗⵏ ⵎⵙ ⵜⴾⵔⵏ ⵏ⵿ⴼⵙ ⵓⴰ ⵤⴹⴶⵏ ⵙⵂⵜ ⴹⵗ ⵤⴶⵤⵏⵜ⵰ ⵤⴶⵤⵏⵏ ⵢⵜⴹⵏ ⵓⵢⴹ ⴶⵜⵏⵏ ⵙⵎⵍⵢ ⵗⵢⵙⴰ⵰ 25ⵎⵔⵏ ⴾⴰ ⵀⵔⵏⵀⵙ ⵗⵔⵎ ⵏ⵿ⵜⵔⵙⴰ ⵙⴶⴹ ⵢ ⵜⵍⵜ⵰ 26ⵙ ⵜⴶⵔⵓ ⴹⵓⴹⵓ ⴹⵔⵙ ⵙⵏ⵿ⵜⵢⵈⵢⴰ⵰ ⴶⵏ ⴹⵗⵙ ⵓⵜⵢ ⵗⵔⴹⵏ ⵙⵗⵏ ⴹⵏⵍⴾⵎⵏ ⵏ⵿ⵗⵢⵙⴰ ⵓⵏ ⵂⵏⵏ ⵍⴾⵏⵙⵜ ⵜⵏ ⵙⵙⵗⵔⵏ ⵢⵜⴹⵏ ⴶⵜⵏⵏ⵰ ⵗⵔⵎ ⵓⵏ ⴹⴰ ⵏⵏ⵿ⵜⵢⵈⵢⵏ⵿ⴹⵗ ⵙⵏ⵿ⵜⵏ ⵢⵜⴹⵏ ⵜⵗⵔⵢ ⵏⵍⴾⵎⵏ ⵏ⵿ⵗⵢⵙⴰ ⵙⵙⵎ ⵓⵏ «ⵍⵎⵙⵈⵜⵏ»⵰
27ⴹⵏⵏ ⴹⴰ ⴹⵗ ⴶⵎⴹⵏ ⵏⵀⵜⵏ ⵓⵢⴹ ⵢⵔⵙⵍⵎ ⵔⵙⵏ ⵙⵗⵔⵎ ⵓⵏ ⵏ⵿ⵜⵢⵈⵢⴰ⵰ 28ⵀⴹⴹ ⵢⵏ ⴹⵗⵙⵏ ⴶⵏ ⵙⵎ ⴶⵀⵙ ⵎⵍ ⴹⵜ ⵍⵓⵆ ⵙ ⵜⵔⵏⴰ ⵏⵏ⵿ⴼⵙ ⵓⴰ ⵤⴹⴶⵏ ⵙ ⵍⴾⵎ ⴹ ⴶⵓ ⵍⵤ ⵍⵀⵙⵏ ⴹⵗ ⴹⵏⵜ ⴾⵜⵏⵜ⵰ ⵍⵤⵏ ⴹⴰ ⴹⵗ ⵙⴹⵓ ⵙⵎⴾ ⵓⵙ ⵜⵎⵍ ⴹⵗ ⵤⵎⵏ ⵏⵎⵏⴾⵍ ⴾⵍⵓⴹⵢⵙ ⵆⵢⵙⵔⴰ⵰ 29ⵜⵤⵔ ⵏⵎⵔⴹⵏ ⵏⵍⴾⵎⵏ ⵏ⵿ⵗⵢⵙⴰ ⵓⵏ ⵏ⵿ⵜⵢⵈⵢⴰ ⴼⵍ ⵜⵏⵜ ⵜⵎⵙⵜ ⴹ ⵔⴶ ⴾⵢⵏ ⴹⵗⵙⵏ ⵓⴰ ⴼⵔⴶ ⵙⵙⵓⵢⵏ ⵜⴹⵂⵍ⵿ⵜ ⵜⴰ ⵢ ⵎⴹⵔⵢⵏⵙⵏ ⴹⵗ ⵤⴶⵤⵏ ⵓⵏ ⵂⵏⵏ ⴾⵍ ⵏⵢⵂⴹⵢⴰ⵰ 30ⴶⵏ ⵓⵏ ⴹⴰ ⴶⵏ ⵛⵔⴶⵜⵏⵙⵏ ⴹⵗ ⴼⵙ ⵏⵀⵔⵏⵀⵙ ⴹⵜⵍⵜ ⵢⵜⵏⵜⵓⵢⵏ ⵢ ⵎⵤⵔⵏ ⵏⵍⴾⵏⵙⵜ ⵜⴰ ⵜⵂⵜ ⵢⵂⴹⵢⴰ⵰
Поточний вибір:
ⴶⵜⵏ 11: TTQtg
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2013, Wycliffe Bible Translators, Inc. All rights reserved.
