Популярні біблійні вірші з Juan 9

Поділитись

Ja tok cꞌa incꞌo na waweꞌ chwachꞌulew rjawaxic chi nban ja rsamaj ja takyonpi wxin. Caniꞌ tre ja tok noc akꞌaꞌ macatcowini natsamaj chic.

Jaruꞌ pa tiempo xquinqꞌuejeꞌ waweꞌ chwachꞌulew anin inocnak in caniꞌ kꞌij rxin ja rwachꞌulew, neꞌ chique.

Ja cꞌa rdiscípulo quicꞌaxaj tre: —Rabí ¿nak tre cꞌalaꞌ tok ni moy wiꞌ tok xalaxi ja rachi leꞌ, nak cꞌo ril chewiꞌ, la ril arjaꞌ owi quil rtataꞌ ruteꞌ? xecheꞌ tre. Ja cꞌa Jesús xbij chique: —Ma queriꞌ ta, ma ril ta arjaꞌ chewiꞌ tok rbanon quelaꞌ nixtacꞌa quil rtataꞌ ruteꞌ chakajaꞌ. Quelaꞌ rbanon ja rachi leꞌ utzcꞌa chi cꞌo jun nimlaj samaj xin Dios nkꞌalajin na ja tok xtitzuri.

—Anin inpenak waweꞌ chwachꞌulew utzcꞌa chi bien nkꞌalajin na nak quibanic ja winak. Inpenak utzcꞌa ja moyaꞌ njaktaj quewach utzcꞌa chakajaꞌ ja winak ja nebini chi necaꞌyi ejeꞌeꞌ nekꞌalajin na chi xa e moyaꞌ, neꞌe.