Популярні біблійні вірші з Vakatekivu 15

Поділитись

A sa vakabauti Jiova o Eparama, ka sai koya oqo na vuna sa marautaki koya kina o Jiova ka ciqomi koya.

Ni oti o ya, a qai vosa vei Eparama o Jiova ena dua na raivotu ka kaya, “I Eparama, mo kakua ni rere. Au na taqomaki iko mai na veika ca ka'u na vakalevutaka na kemu i sau.”

A sa kauti koya ki tautuba o Jiova, ka kaya vua, “Rai cake mada i lomalagi ka tovolea mo wilika na levu ni kalokalo; ena vakakina na kedra lewe levu na nomu kawa.”

A sa rogoca o Eparama ni sa vosa tale mai vua o Jiova, “Ena sega ni taukena na veika sa tu vei iko na bobula oqori; na luvemu dina ga ena yaco me taukena.”

Sa qai kaya vua o Jiova, “Era na tiko vulagi na nomu kawa ena vanua tani; ena yaco me ra bobula ka vakararawataki me 400 na yabaki.

A sauma o Eparama, “Kemuni na Turaga na noqu Kalou, a cava ena qai kena yaga vei au na veika o ni solia vei au me kequ i sau, ni sa sega na luvequ? O koya ga me na qai taukena sai Iliesa na kai Tamasiko.

Ni oti o ya, a qai vakayacora o Jiova ena vanua o ya na nona veiyalayalati kei Eparama, ka kaya, “Au sa yalataka ni'u na solia na vanua taucoko oqo vei ira na nomu kawa, me tekivu mai na uciwai ena i yalayala kei Ijipita me yacova na uciwai levu o Uferetisi

Ena yacova mada na i kava ni tabatamata ni bera ni ra qai lesu tale mai eke na nomu kawa, baleta ni'u na sega ni vakatalai ira tani na kai Amoraiti me yacova na gauna sa rui ca vakalevu kina na nodra i valavala, ka sa dodonu kina me ra totogitaki.”