Популярні біблійні вірші з Kushangumuka 1

Поділитись

Asinoni Njambi wendekele ngwendi, “Ololo oni tutangeni munu wakulifwa netu na mu cifwa cetu. Ngeci vakakale na moko yakushwana visi, na tuzila, na tusitu voshe, na vimuna vakama na ava vavandondo na ava vakulikoka.” Ngecivene, Njambi watangele munu mu cifwa cendi vavenya. Co mu cifwa ca Njambi wavatangele munalume na munakazi.

Wavavezikisile nakwendeka ngwendi, “Kiteni, ngeci vatekulwila veni vakatume ano asi oshe, co mukakala na moko yakushwana visi va mu mema a kalunga, na tuzila, na tusitu voshe.”

Akulivanga Njambi watangele lilu na kaye.

Kaye kakele kangoco kamupulungwa. Lisusulungu lyafwikile vyuma vyoshe vyakele mu nzinga, oloni Munzinzime wa Njambi wakele nakutengenya akamwa ya mema.

Asinoni Njambi wendekele ngwendi, “Kukale ceke.” Co ceke casholokele.

Asinoni Njambi wakengele a vyuma vyoshe vije vyatangele, wamwene ngeci vinavwaa manene. Cingwezi lyatokele, co mutondo lyakile, lije lyapwile litangwa lyamucitanu na limo.

Njambi wamwene ngeci ceke cinavwaa. Asinoni waangunwine ceke ku lisusulungu.

Njambi wendekele ngwendi, “Kengeni, njinamyana vimena vyoshe vyakwima vimbuto vya vinona na miyati yoshe ya vushuka ngeci mulye.

Asinoni Njambi watumbwile ceke ngwendi “Mutanya,” co lisusulungu walitumbwile ngwendi “Vutsiki.” Cingwezi lyatokele, co mutondo lyakile, lije lyapwile litangwa lyakulivanga.

Asinoni Njambi wendekele ngwendi, kukale mukambwila waangunune mema ngeci akale mu mitambela ivali yakulyangunuka. Co evi vyalingiwile.

Oloni ku tusitu voshe va mu shwata na tuzila voshe njinavana mwila na maputa a ku miti kupwa vyakulya vyavo.” Co calingiwile.

Asinoni Njambi wendekele ngwendi, “Kukale vyeke mwilu ngeci vyangunune mutanya ku vutsiki, vipwe vizivukiso vyakumwesa matangwa, na myaka, na visimbu vya myaka

Asinoni Njambi wendekele ngwendi, “A nunda amene miyati yoshe ya vimena, vije vyakwima vimbuto vya vinona, nevi vyakwima vushuka.” Co eci calingiwile.

Ngecivene, Njambi watangele mukambwila nakwangununa mema akwisi yawo na mema aakamwa yawo.

Ngecivene, a nunda amenene mwila na miyati yoshe yakwima vimbuto vya vinona, nevi vyakwima vushuka. Co Njambi wamwene ngeci cinavwaa.

Ngecivene, Njambi watangele vyeke vivali vyakama, litangwa kushwana ku mutanya na ngonde kushwana ku vutsiki. Co ikeye lalo watangele vingongonosi.

Asinoni Njambi wendekele ngwendi, “Mema a mwisi ya lilu alikungulwile mu mutambela umolika ngeci kusholoke livu lyakuma.” Co calingiwile. Njambi watumbwile livu lyakuma ngwendi, “Nunda,” co aje mema alikungulwilile amo waatumbwile ngwendi, “Mema a kalunga.” Njambi wamwene ngeci cinavwaa.

Co Njambi wavezikisile vyoshe vyakuyoya mu mema ngwendi, “Semunwineni, mutume ngeci mushulise mu mema a kalunga.” Co walekele tuzila ngeci vakevo lalo vatume.

Asinoni Njambi wendekele ngwendi, “A nunda akale tusitu vakuyoya ngwe ku miyati yavo yoshe, vimuna na ava va mu shwata vakama na ava vavandondo na ava vakulikoka.” Co calingiwile.

Asinoni Njambi wendekele ngwendi, “Mu mema mukale vikashama vakuliseza-seza, co tuzila vapulule a mukambwila.” Co calingiwile.

Ngecivene, Njambi watangele tusitu voshe va asi ngwe ku miyati yavo na vimuna ngwe ku miyati yavyo, na vyoshe vyakulikoka asi, ngwe ku miyati yavyo. Co Njambi wamwene ngeci cinavwaa.