Популярні біблійні вірші з Jṉ. 1

Поділитись

Túrasha ashí aents ni enentái̱n itiawarma núnaka nekas enentáiji̱a̱i̱ Nin enentáimtuinia ásarmatai Yuska Ni uchirí̱ ajastinian tsaṉkatkarmiayi.

Ashí naṉkamnamia nú yaunchuksha Yusa Uchirí̱ṉkia tuke pujuyayi. Nisha Yusan tí paant awajeakui Chícham tíminiaiti. Chichamsha Yusja̱i̱ pujuyayi. Chichamsha Yúsauyayi.

Nu tsáapnin kiritniun tsáapin awajeawai. Tura kiritin tsáapninian nupetkatniun tujintkiaiti.

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Ashí najankamu ainia nuka Niji̱a̱i̱ najankamuiti. Niji̱a̱i̱ najankachmaka peṉké atsawai. Iwiaakmaka Niin amai. Nu iwiaakmaka aentsu tsáapintri̱nti. Nu tsáapninkia Yusna nuna ashí shuaran paant nekamtikiamniaiti.

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Chichamsha ju̱ nuṉkanam pujumiayi. Tura nuṉkasha ni najanamu ai̱ṉ aentska Nin nekaacharmiayi. Ní najanamunmaṉ támiayi túmaitiat níniuksha itiaacharmiayi.

Nu tsáapninkia nekas tsáapniniaiti. Ju̱ nuṉkanam taa ashí shuara enentái̱n tsáapnirtiniaiti.

Yusa akupeamuri̱n Muisais yaunchu jintintraiti, antsu waitnenkartutai̱ncha tura ashí nekas ana nusha Jesukrístuja̱i̱ tarutrámniuitji.