Популярні біблійні вірші з لُوقَا 9

Поділитись

وْݣَالْ لْلنَّاسْ اللِّي حَاضْرِينْ كُلّْهُمْ: «إِلَا بْغَا شِي وَاحْدْ يْتْبَعْنِي، خَاصُّه يْسْمَحْ فْرَاسُه وْيْهَزّْ الصّْلِيبْ دْيَالُه كُلَّ نْهَارْ، وْيْتْبَعْنِي.

عْلَاحْقَّاشْ اللِّي بْغَا يْنَجِّي حْيَاتُه غَيْضَيّْعْهَا، وْاللِّي ضَيّْعْ حْيَاتُه عْلَى قْبْلِي غَيْنَجِّيهَا.

وْرَدّْ عْلِيهْ يَسُوعْ وْݣَالْ: «رَاهْ اللِّي حَطّْ يْدُّه عْلَى الْمْحْرَاتْ وْتّْلَفّْتْ وْرَاهْ، مَا كَيْصْلَاحْشْ لْمَمْلَكَةْ اللَّهْ».

آشْ مْنْ نْفَعْ عَنْدْ بْنَادْمْ إِلَا رْبَحْ الدّْنْيَا كُلّْهَا وْضَيّْعْ نْفْسُه وْلَا هْلَكْهَا؟

اللِّي حْشَمْ يْݣُولْ بْلِّي كَيْعْرَفْنِي وْكَيْعْرَفْ كْلَامِي، غَيْكُونْ حْشْمَانْ بِيهْ وَلْدْ الْإِنْسَانْ مْلِّي غَيْجِي فْالْعَزّْ دْيَالُه وْدْيَالْ الْآبْ وْالْمَلَايْكَة الْمْقَدّْسِينْ.

وْهُوَ يْجَاوْبُه يَسُوعْ: «التّْعَالْبْ عَنْدْهَا غِيرَانْهَا، وْطْيُورْ السّْمَا عَنْدْهَا عْشَاشْهَا، وَلَكِنْ وَلْدْ الْإِنْسَانْ رَاهْ مَا عَنْدُه حْتَّى فِينْ يْسْنَّدْ رَاسُه».

وْݣَالْ لِيهُمْ: «اللِّي كَيْرَحّْبْ بْهَادْ الْوَلْدْ فْالْإِسْمْ دْيَالِي، رَاهْ كَيْرَحّْبْ بِيَّ. وْاللِّي كَيْرَحّْبْ بِيَّ، رَاهْ كَيْرَحّْبْ بْهَادَاكْ اللِّي صِيفْطْنِي، حِيتْ الصّْغِيرْ فِيكُمْ كُلّْكُمْ، هُوَ الْمْخَيّْرْ فِيكُمْ».