Популярні біблійні вірші з Juan 4

Поділитись

Yosë co nonën yaꞌhuëtërinhuëꞌ. Co quënanarihuarahuëꞌ, yaꞌhuërárin. Ispirito Santo chachin catahuarinquëmaꞌ noꞌtëquën yonquiatomaꞌ, ina chinotacasoꞌ, itërin Quisosori.

Ipora quëran huarëꞌ Yosë yachinotohuatamaꞌ, yaꞌipi cancanëma quëran huarëꞌ chinotocoꞌ. Ispirito Santo catahuarinquëmaꞌ niꞌton, noꞌtëquën yonquiatomaꞌ, Yosë chinotocoꞌ. Ina pochin nohuantërin chinotacasoꞌ.

Nisha iꞌsha carinquën quëtaranquën. Ina yaꞌhuëtohuachinquën, co huachi yamororëso pochin cancantaranhuëꞌ. Niꞌquëꞌ. Pancaiꞌ noꞌpa quëran pipihuachina, noyápiachin pipirárin. Co onporontaꞌ yanimarinhuëꞌ. Inapochachin nanpirin iꞌsha quëtohuatënquën, cancanënquë chachin yaꞌhuëtarinquën. Inaquë yaꞌhuápon huachi. Yosë nohuitaton, nanpimiataran, itërin.

—Yosë yanicanapirinquënhuëꞌ, co quëmasoꞌ nitotëranhuëꞌ. “Iꞌsha mananso cantaꞌ oꞌoi,” itëranquën nipirinhuëꞌ, co nohuitërancohuëꞌ. Nohuitëranco naporini, quëma nataintoncohuëꞌ. Carinquën nanpirin iꞌsha quëchitënquënhuëꞌ, itërin Quisosori.

—Yosë aꞌpaimarinco nohuantërinsoꞌ nicaꞌhuasoꞌ. Yaꞌipiya yanatërahuë. Ina yonquiato, co huachi cosharoꞌ yonquirahuëꞌ. Cosharo pochin achinirinco.

—Quëmasoꞌ co mantaꞌ yaꞌhuëtërinquënhuëꞌ iꞌsha macamasoꞌ. Iꞌshasoꞌ acopoꞌ yaꞌhuërin. ¿Onporahuatoncha nanpirin iꞌsha manëꞌponquënya?

—Aꞌna tahuëri Cristo huëꞌsarin, Yosëri aꞌpaimarinsoꞌ. Ina huëꞌpachin, yaꞌipiya aꞌchintarinpoaꞌ, tënin Samaria sanapi. —Ca mini inaco, nontaranquënsoꞌ, itërin.

—Huëcoꞌ paꞌahuaꞌ. Pasëquë quëmapi nohuitocoꞌ. Co nohuitaponcorahuëꞌ, “Nani aꞌnatërápo soꞌyahuanquën,” itërinco. Yaꞌipiya ninorin. ¿Inasoꞌ Cristo nimara ti? itërin.