Популярні біблійні вірші з Mark 9

Поділитись

Jeju ilá keneŋ pana: I pana: See m’askəm ra wa pa bèe. Yeḛ gə́ rara ɓa gə́ ɔm mée dɔm’g jəb-jəb ndá né gə́ njedumee godo.

Léegəneeya bɔ ŋgonje lé ula təa no̰’g wəl pana: M’ɔm meḛ dɔi’g ya! Ree la səm gə mba mee-mbɔrè ləm ya kari.

Loo gə́ Jeju rəm aw kəi ndá njékwakiláje nja doŋgɔ doi d’un ta dəjee pana: See gelee ban ɓa jeḛ j’askəm tuba ndil gə́ yèr neelé el wa. Jeju tel ila dee keneŋ pana: Tamaji gə́ ra ɓa ndil gə́ yèr gə́ togə́bè lé a kunda ne loo mee dəw’g teḛ ya.

Kad lé to né gə́ maji ya, nɛ ɓó lé kad gə́ rii tel rii el ndá see ɗi ɓa seḭ a raje ne mba karee rii gogo ɓəi wa. Maji kar darɔ sí-seḭ nja to gə́ kad ɓó gə́ ɔmje ne meḛ sí na̰’d sad.

Nana ɓa gə́ wa ŋgon gə́ nai gɔ gə́ togə́bè gə́ rəa’g gə rim-ma ndá ma nja kara wam gə́ rəa’g kən tɔ. Tɔɓəi nana ɓa gə́ wam gə́ rəa’g ndá to ma ɓa wam gə́ rəa’g kən el nɛ to yeḛ gə́ njekulam lé ya ɓa wá gə́ rəa’g kən mba̰ tɔ.

Tɔgərɔ ya, nana ɓa gə́ ar sí mán mee ŋgo-dɔ-mán gə rim mbata seḭ toje ka̰ Kristi lé ndá njea neelé a lal nékoga-dɔ-jia pai godo.

Nɛ nana ɓa gə́ sula ŋgon gə́ nai gɔ mbuna ŋgan mareeje gə́ d’ɔm meḛ dee dɔm’g neelé aree oso dan kaiya’g ndá kun biri mbal tɔ gwɔsee’g kundá ne kilá dan baa-boo-kad’g ɓa a to maji unda karee aw kari ba.

Ɓó lé kəmi to né gə́ ndɔri ilai dan kaiya’g ndá kɔdee ɔree mbata kaw ɓeeko̰’g lə Ala gə kəmi gə́ kára lé maji unda kar dee d’wai gə kəmi joo bɔr d’ilai gehene’g