Популярні біблійні вірші з PIANCILNA 17

Поділитись

Abram kum sawm kua le kum kua a phak ciangin ama tungah TOPA kilang a, “Kei, Vanglian Pasian ka hi hi. Hoihtakin gamta inla, paubaang kei in.

Na min Abram hi nawn lo dinga, Abraham hi ding hi. Bang hang hiam cih leh minam honpiteʼ pa-in nang kong bawl khin hi.

“Nang le nangʼ khit cianga na suanlekhakte tungah Pasian hih nading tawntung thuciam nadingin kei le nangʼ khit cianga na suanlekhakteʼ tungah amauʼ khang tawntungin ka thuciamna ka kipsak ding hi.

“En in, nang tungah hih thuciamna kong bawl hi: Nang pen minam honpiteʼ pa na hi ding hi.

Pasian in, “Hi lo hi. Na zi Sarah in nang adingin tapa khat nei dinga, ama min Isaac na phuak ding hi. Ama khit cianga a suanlekhakte adingin tawntung thuciam nadingin ka thuciamna amah tawh ka kipsak ding hi.

Nangma tung le nangʼ khit cianga na suanlekhakte tungah tawl khat na omna Kanaan leitang khempeuh na neih tawntung dingun kong pia dinga, kei pen amauteʼ Pasian ka hi ding hi,” a ci hi.

Tua ciangin Abraham mai kun sukin nui a, a mahmah tungah, “Kum za a pha pasal khat in ta nei ding ahi hiam? Kum sawm kua a pha Sarah in ta nei ding ahi hiam?” kici hi.

Tua ciangin Pasian in Abrahamʼ kiangah, “Na zi Sarai ahihleh, ama min Sarai na ci nawn kei dinga, ama min Sarah hi ding hi.

Noteʼ vun dawn ki-at dinga, tua pen kei le noteʼ kikalah thuciamna lim khat hi ding hi.

Ahih hangin, kum kik tu hun ciangin Sarahʼ sung panin nang aʼ dinga hong suak ding Isaac tawh ka thuciamna ka kipsak ding hi,” a ci hi.

Noteʼ lak panin ni giat a pha pasal peuhmah a vun ki-at ding hi. Noteʼ khang tawntungin pasal peuhmah, noteʼ inn sunga suak hitaleh, noteʼ ta ahi lo, gamdang mi khatpeuh kiang panin na sum uh tawh na lei uh hitaleh na inn sunga suak hitaleh, na sum tawh a kilei pa hitaleh a vun ki-at tuak ding hi. Tua ahih ciangin tawntung thuciamna ahi keima thuciamna pen nomauʼ satak sungah om ding hi.