Популярні біблійні вірші з ลามูลา 25

Поділитись

ตูฮัด ตีกัฮ จะ_ “อาดา ซือมียา ดูวา บักซา_ เดะ โปรจ นะ เกา เลอ. เกา นะ ดูโดะ เดะ อาปี_ ดูวา ลูมอฮ_ นู นะ กรือจัย_ ซอก ซืออูรัก. ลูมอฮ นู ซา_ ญา นะ ตือฆัยํ อูรัจ_ เดะ ลูมอฮ นู ซา. นู กากา_ นะ ฌาดี ปราโซฮ นะ อาดี”_ ตูฮัด ญา จะ.

เอซาว มือเลา ฌางัน ยาโกบ จะ_ “กู ลาปัยํ โตระ เลอ. ฮาฆิ บรี กู มากัด_ อาเย ฆูลัย มีรัฮ อีตู_ ซือตืองัฮ เลอ.”_ กะฆีเตอ_ นามา นะ ญา ฌาดี_ เอโดม.

อีซัก บือซาโวจ กะ ตูฮัด บือซัยํ เดะ อาตัซ_ ซาเบะ บีนี นะ ญา_ ฌาดี ซือมือโฆจ. ตูฮัด บูวัจ ตูโรจ_ บือกะ ลาฆู นู ญา มีตา ดัฮ_ บรี บีนี นะ ญา_ บือโปรจ เลอ.

เอซาว มือเลา จะ_ “ลีฮัจ เลอ_ กู ฆามะ นะ มาตี ดัฮ. ลาฆู นู ฌาดี นานะ ซูโลก เตอ_ เตด ฌาดี นามา เลอ.” ตาปี ยาโกบ ตีกัฮ จะ_ “กือนา อาเกะ บือซูปัฮ_ นะ บรี ลาฆู อีตู กะ กู ดูลู.” กะฆีเตอ_ เอซาว มือเลา บือซูปัฮ_ ฌูวัน ลาฆู นู ฌาดี นานะ ซูโลก_ กะ ยาโกบ.

เดะ บลากัก_ อาดี เดะ ญา ลือปัซ ฌูฆา_ ตางัน นะ ญา โปด_ ปือฆัก ตูแมะ นะ กากา. กะฆีเตอ_ กูญา ตืองะ ปือนามา จะ_ ยาโกบ. กาลา เรเบคา ดูโดะ เดะ อาปี กะฆีเตอ_ อูมอยํ นะ อีซัก_ นัม ปูโลฮ (60) ตาโฮด ดัฮ.

อีซัก ซายัก เอซาว_ ซาเบะ ซูกา มากัด ลูลู บือนาตัก เดะ ฮูตัด_ ตาปี เรเบคา ซายัก กะ ยาโกบ.