Популярні біблійні вірші з ลามูลา 22

Поділитись

กะฆีเตอ_ อับราฮัม ตืองะ ปือนามา ตือปัจ อีตู จะ_ “ตูฮัด บือซัยํ เดะ อาตัซ นะ บรี_ ฆือนะ ดัฮ.”_ รอจ อารี อีนี โปด_ กูญา มือเลา จะ_ “ตูฮัด บือซัยํ เดะ อาตัซ นะ ซียะ บรี ฆือนะ_ เดะ บูเกะ นะ ตูฮัด.”

ตูฮัด มือเลา จะ_ “เกา กือนา บาวา นานะ ตูงัน นะ เกา_ นู ปือนามา จะ_ อีซัก_ นู เกา ซายัก เตอ_ บาวา ญา บือปี กะ นังฆรี โมรียา. โซะ อีตู_ เกา กือนา อาเกะ มือญือมัฮ นานะ นะ เกา_ บรี ฌาดี บารัก ตูนู มือญือมัฮ กะ ตูฮัด. กือนา บูวัจ กะฆีเตอ_ เดะ อาตัซ บูเกะ_ นู กู นะ มือญาเระ บรี กะ เกา”_ ตูฮัด ญา จะ.

ฮูลู บาลัก_ ญา มือเลา จะ_ “ฌางัน นะ บูวัจ นามา_ กะ นานะ นะ เกา เลอ. ซาเบะ วะตู อีนี_ กู ตาฮู ดัฮ จะ_ เกา ตูเฮะ กะ ตูฮัด_ ยอม ซรัฮ นานะ ตูงัน นะ เกา_ บรี กะ กู.”

อับราฮัม ตีกัฮ จะ_ “นานะ เออ_ ตูฮัด นะ ซียะ ตะอาซิก_ นะ บรี อาดา กาเมก_ ซืออีโกยํ_ บีดา ตูนู มือญือมัฮ.”_ กะฆีเตอ_ กูญา ฌาลัด ปี ซือรูโลยํ_ กือดูวา บรานะ.

ซูโงฮ_ กู นะ บรี ซือลามัจ กะ เกา_ นะ บรี บือแนฮ นะ เกา_ บือตามัฮ บาญะ ซือรูโลยํ. บาญะ_ ซือรูปา บือกะ โกะ บีตัก เดะ ลาแงะ เตอ_ บาญะ_ ซือรูปา บือกะ โกะ บีฌี ตานัฮ เดะ ปาตัย_ เดะ บีดิก ลาโวจ เตอ. กู นะ บรี บือแนฮ นะ เกา_ ฌือนัฮ_ เดะ ลูมอฮ ซือตรู นะ กูญา. กู นะ บรี ซือลามัจ_ กะ ลูมอฮ ซือมียา_ ราตา เดะ ดือนียา_ กรานา บือแนฮ นะ เกา_ ซาเบะ เกา มือนีงัย บูวัจ ตูโรจ กะ ซือวารา นะ กู ดัฮ”_ ตูฮัด ญา จะ.

ลือปัซ ลาฆู อีตู_ ตูฮัด ญา นะ ลกลีฮัจ ฮาตี นะ อับราฮัม จะ_ รือมัก เฆอ เตด รือมัก. ญา มือเลา จะ_ “อับราฮัม เออ.” อับราฮัม ตีกัฮ กะ ตูฮัด จะ_ “กู อาดา เดะ ตือปัจ อีนี เลอ_ ตูฮัด.”

ตาปี อาดา ฮูลู บาลัก นะ ตูฮัด บือซัยํ เดะ อาตัซ_ บลาโลก อับราฮัม_ ดาตัก เดะ โซะ ลาแงะ_ มือเลา จะ_ “อับราฮัม_ อับราฮัม เออ.” อับราฮัม ตีกัฮ จะ_ “นามา เลอ_ ตูฮัด.”

มาโซะ กือดูวา กาลี_ อาดา ซือวารา นะ ฮูลู บาลัก นะ ตูฮัด บือซัยํ เดะ อาตัซ_ ดาตัก เดะ โซะ ลาแงะ_ มือเลา กะ อับราฮัม จะ_ “ตูฮัด บือซัยํ เดะ อาตัซ มือเลา จะ_ กู นะ มือเลา บือฌาญี_ เดะ ปือนามา นะ กู_ นู จะ_ กรานา เกา บูวัจ กะฆีนี_ ยอม ซรัฮ นานะ ตูงัน นะ เกา_ บรี กะ กู_

ตานา รอจ กะ ตือปัจ_ นู ตูฮัด มือญาเระ ดัฮ_ อับราฮัม บูวัจ ตือปัจ มือญือมัฮ กะ ตูฮัด_ ซียะ กายู อาปี_ บรี บาฌิ ดัฮ. ญา อีกัจ กากี ตางัน นะ อีซัก_ นานะ นะ ญา_ บอฮ เดะ อาตัซ ตือปัจ มือญือมัฮ_ เดะ อาตัซ กายู อาปี อีตู เตอ.