Популярні біблійні вірші з ลามูลา 15

Поділитись

อับราม โปด_ ปือจายา กะ ตูฮัด บือซัยํ เดะ อาตัซ ดัฮ. กะฆีเตอ_ ตูฮัด กีรา จะ_ อับราม ฌาดี ซือมียา ซืออูรัก นู บาฌิ ตือปัจ เลอ.

ลือปัซ อีตู_ ตูฮัด บือซัยํ เดะ อาตัซ มือเลา ฌางัน อับราม_ เดะ ลาฆู มีปี_ จะ_ “อับราม เออ_ ฌางัน ตาโกจ เลอ. กู ฌาดี ตือปัจ ซาฆัก นะ เกา. กู นะ ฮาลัย บรี บาฮาเฆด นู บาฌิ โตระ กะ เกา เลอ.”

กะฆีเตอ ตูฮัด บาวา อับราม บือปี กะ โซะ ลูวัยํ_ มือเลา จะ_ “ลางอฮ ปาลา_ ตีญุง ลีฮัจ กะ ลาแงะ เลอ. ดัฮ เกา นะ กีรา โกะ บีตัก เดะ อาตัซ บือเลฮ โปด_ กีรา เลอ.” กะฆีเตอ ตูฮัด มือเลา ฌางัน ญา จะ_ “บือแนฮ นะ เกา_ นะ บาญะ ซือรูปา บือกะ กะฆีเตอ เลอ.”

วะตู อีตู_ ปือมือเลา นะ ตูฮัด บือซัยํ เดะ อาตัซ_ มาแรฮ รอจ กะ อับราม ปูลัก จะ_ “ซือมียา อีนี_ ญา นะ เตด บือเลฮ ซาโมจ ปือซากา เดะ เกา_ ตาปี นานะ นะ เกา ตะอาซิก เตอ เลอ_ ญา นะ บือเลฮ ซาโมจ ปือซากา เดะ เกา.”

ตูฮัด มือเลา ฌางัน อับราม จะ_ “เกา กือนา ตือตู เดะ ฮาตี เลอ จะ_ บือแนฮ นะ เกา นะ ฌาดี ซือมียา บักซา อาซิก_ เดะ นังฆรี นู บูกัด ตือปัจ นะ กูญา. ลูมอฮ กูญา นะ ฆาโดฮ ฌาดี ปราโซฮ นะ ลูมอฮ ซือมียา นังฆรี อีตู_ นะ กือนา ลูมอฮ นังฆรี อีตู ปรือกัด กูญา_ กือมูฮา ปัจ ราตุซ (400) ตาโฮด.

ตาปี อับราม ตีกัฮ จะ_ “โอ ตูฮัด_ นู ฌาดี ตูฮัด บือซัยํ เดะ อาตัซ เออ_ เกา นะ บรี นามา กะ กู? ซาเบะ จะ_ กู ฮอย นานะ ลาฆี. เอลีเอเซอ_ ซือมียา ลูมอฮ นังฆรี ดามัดกัด อีนี_ ญา นะ ฌาดี ซือมียา ซาโมจ ปือซากา นะ กู.”

เดะ อารี อีตู ตูฮัด บือซัยํ เดะ อาตัซ_ ญา ตืองะ ปือมือเลา บือฌาญี บือตือตู ฌางัน อับราม_ มือเลา จะ_ “กู ซรัฮ บรี นังฆรี อีนี กะ โกะ บือแนฮ นะ เกา_ ฌาดี จะ_ นังฆรี ตะเดะ ซูงัย อียิบ_ รอจ กะ ซูงัย ยูเฟรติด นู บือซัยํ_

ตานา อูมอยํ ซือมียา นู ปัจ ฮาบิฮ ดัฮ_ โกะ บือแนฮ นะ เกา นะ ปาเระ มาแรฮ กะ ตือปัจ อีนี ปูลัก. กรานา จะ_ ลาฆู ดูซา ฌาฮัจ_ นะ ลูมอฮ บักซา อาโมรี_ ญา เตด ฆือนะ บาฌิ ลาฆี”_ ตูฮัด ญา จะ.