Популярні біблійні вірші з मत्ती 24

Поділитись

और अधर्म काम बढनके कारणसे बे एकदुस्रेसे प्रेम नाए करंगे। पर जौन अपने जीबनके अन्त तक मिर उपर बिश्वास करेरएहए, बो बचाओ जाबैगो।

और राजाको जा अच्छो समाचार सारा संसारमे सब जाति-जातिके आदमीनके ताहीं गवाहीके ताहीं परचार करो जएहए, ताकी सबए देशके जा स्वीकार करनके मौका मिलए।”

तुम युद्ध और युद्धको हल्ला सुनैगे तओ मत् घबणैयओ, काहेकी जा सब बात होनके जरुरी हए, पर अन्त बहे समयमे नाए हुइहए।

काहेकी जाति-जातिके आदमीके बिरुद्धमे जाति-जातिके आदमी उठंगे, और राज्यके बिरुद्धमे राज्य उठंगे, और ठाउँ-ठाउँमे अनिकाल और हालाचाला हुइहए। पर जा समय त संकटको सुरुवात इकल्लो हए। जा संकट, बैयरके घरी-घरी ब्यथा लागो कता हुइहए।

बादर और पृथ्वी खतम हुइजएहए, पर मिर कहो बचन सदामानके ताहीं रहाइगो।”

काहेकी बहुत जनै मिर नाउँमे ‘मए ख्रीष्ट हओं’ कहात आमंगे, और आएके बहुतनके बहकामंगे।

तओ बे आदमी जौन तुमर बिरोध करत हएं, तुमके संकटके ताहीं सौपदेहएं, और तुमके मरेहएं, काहेकी तुम मोएमे बिश्वास करत हओ और सारा जाति-जातिके आदमी तुमके हेला करंगे। तओ बहुत जनै मिर उपर बिश्वास करनके छोड देमंगे और एकदुस्रेके हेला करंगे। बहुत झुठे अगमबक्ता आमंगे, और बहुत आदमीनके धोखा देमंगे।

तओ येशू बिनके जबाफ दइ, “होसियार रहियओ, कोइ तुमके बहकाए नाए पाबए।

जहेमारे तुम फिर तयार रहियओ, काहेकी आदमीको लौंणा तुम नाए सोँचो भओ समयमे आबैगो।”

जहेमारे जगे रहओ, काहेकी कौन दिन तुमर प्रभु अएहए, सो तुम नाए जानत हओ।

“पर बो दिन और बो समयके बारेमे कोइ नाए जानत हए, नए स्वर्गके स्वर्गदूत, नए आदमीको लौंणा।

काहेकी झुठे ख्रीष्ट, और झुठे अगमबक्ता आमंगे, और हुइ सकत, कि बे चुनेभएनके फिर भणकानके ताहीं बणे-बणे चिन्हा और चमत्कारको काम दिखए हएं।

आदमीको लौंणाको आगमन नोआको दिन जैसो हुइहए। काहेकी जैसी जलप्रलयसे अग्गु नोआ पानीजहाज भितर घुसनके दिनतक, आदमी खातपिइत रहएं और बेहा बारी करत रहएं, और जलप्रलय आएके बिनके सबके बहाएके नाए लैजान तक बे पतए नाएपाइं। आदमीको लौंणाको आगमन फिर उइसी हुइहए।