Популярні біблійні вірші з मर्‌कुस 14

Поділитись

ओनेनेइ कहिकेभइल, “अब्‍बा, हे मेर बुबा तेउह्र लागि त सभइ कुरा सम्‍भब बाटइ। इसे दुखक कचुरा मेरमाटे उठाइकुन लेजिदेओ। तर पुनु मेर इच्‍छा नइजे कि, तेउह्रइ इच्‍छा पुरा भउस्।”

जाँचयँ नापोरिके लागि तोहेसब जग्‍लइ रहिकुन पार्‌थाना करउ। आत्‍मा त साच्‍चिकइ तयार बाटइ, तर देहि कने कम्‍जोर बाटइ।”

साच्‍चिकइ, मोइ तेउह्रासब्‍के कहते बाटम, सन्‍सारभरि नइ जुछि-जुछि सुसमचार प्रचार भइत, उछिका इहाइ कर्‌ल इसे कामक सम्‍झना कर्‌ताहात्।”

हसे ओनेनेइ उसब्‍के कहिकेभइल, “मेर मन गाह्रे नइ दुखि भइकुन परानइ जइबक् जस्‍नइ भइल बाटइ। तोहेसब जग्‍लइ भइकुन इछिन बोसउ।”

ओनेन्‌सब भोज खाइरहल बेलायँ येसुइ रोटि लेइकेभइल, र आसिक देइकेभइल, हसे टुटाइकुन ओनेन्‌के देतिन् कहिकेभइल, “लेओ, इसे मेर देहि हखइ।”

हसे कचुरा लेइकुन धन्‍यबाद देलपाछु ओनेनेइ उसब्‍के देइकेभइल, र उसब सभुनि पिउल। हसे ओनेनेइ उसब्‍के कहिकेभइल, “इसे लउठा करारक मेर रकत हखइ, जोनो धेरइक लागि बुहाइके पोरित्‌।

उहइ बेला येसुइ ओनेन्‌सब्‍के कहिकेभइल, “तोहे सभइ जेना पाछु हटिकुन जइताहाउ, किकेकने धर्‌मक कितापयँ यस्‍के लेखिल बाटइ, ‘मोइ चरुहासब्‍के मारिदेतम्, हसे भेडासब तितरबितर भइताहात्‌।’

उठउ, आबे जाहुँ! चाहुक्, मेह्राके पक्राइदेलाहार मानुस नजिकइ बाटइ।”

येसुइ उख्राके कहिकेभइल, “साच्‍चिकइ मोइ तेह्राके कहते बाटम्, आजु राति भाले दुइ चोटि बाजिके कते आघु तोइ मेह्राके तिन पल्‍ट इन्‍कार कर्‌तस।”