Популярні біблійні вірші з Matayo 7

Поділитись

«Mundaa mwéma, eri mwèresibwa. Mundaa mwáhonda, eri mwàbona. Mundaa mwákongota, eri babáboorera elwisi.

Bushi chira mundu ola wéma iwénde wêresibwa, no'la wáhonda iwénde wábona, no'la wákongota i'bénde báboorera elwisi.

«Rero chira mundu ola wômva kwene myasi yanyi na kuitunda, àngahuhanyisibwa na mundu wa bwenge, ola wáimbaa enyumba yai kwe'koi.

«Byoshi bya mwáhonda ebanji bandu bàbairiraa, nenyu bi mundaa mwánabaírira. Bushi ebyera bye'Mwaso wa Musa ne'bitabo bye'barebi* bitúla bìtechire.»

Si elwisi lwa lwèrekere mwa kalamo lweke, lutúla lùfundeerere. Ne'njira ye'kuya'mo itúsa byângiko. Ne'i njira, ebandu ba bénjire bárenga'mo, bàli baeke.»

«Mundaa mwêngirira mwa lwisi lwa lùfundeerere. Bushi elwisi lwa lwèrekere mwa muero lutúla lùneneire, ne'njira ye'kuya'mo ìtatusa byângiko. Ne'i njira, ebandu ba bénjire bárenga'mo, bàli banene.

Chiro àngaba mbu mutúla bandu babi, si mutúla mwìshi kwêresa ebana benyu ebindu bya bìkomire. Rero Eho wenyu ola ulí kwa nguba, kute àngafundwa kwêresa ba bénde bámwěma ebindu bya bikomire busese?

«Muténdaa mwáchinjibusa ebanji, Ongo angesha kubachinjibusa nenyu. Bushi kwa mwénde mwáchinjibusa ebanji, ku Ongo nai akánabachinjibusa. Kanji kwa mwénde mwárengera ebanji, ku Ongo nai akánabarengera.

«Si chira mundu ola wòmvire kwe'i myasi yanyi, busira kuitunda, yeke ahúhanyisibwe ne'mbuta, era yáimbaa enyumba yai kwa mishee.

«Chi chátuma wálola kwa kaaha ke'muchi ka kàli mwa liho lya mulikenyu, si ùtalaire kwa muchi ola ulí mwa lyao? Nesi kute ùngabura mulikenyu mbu: ‹Íraa nyikúkule ekachi ka kalí mwa liho lyao, no'ku mwa lyao weke muchiri muchi?›

«Mundaa mwáchilanga kwa barebi* be'bisha. Bushi bénde bábaikira bàchiirire nga mbuli, si mwa michima yabo bàli nga nyishibwabwa sa sìkaliire busese. Abu barebi, mungénde mwábamenyerera kurengera emyanya yabo. Bushi etutenge-tenge tùteka bifuma bya misabibu* nesi bya tini.

Kubinali, chira muchi mubuya, énde êka bifuma bibuya. Na chira muchi mubi, énde êka bifuma bibi.

Emuchi mubuya àtangeka bifuma bibi. Ne'muchi mubi, àtangěka bifuma bibuya.

Chira muchi ola ùteka bifuma bibuya, énde ákonjibwa na kuumwa mwa muliro.