Популярні біблійні вірші з A Cakacaka 2

Поділитись

Sa qai kaya vei ira ko Petero, Dou veivutuni, ka papitaisotaki, oi kemudou yadua, e na yaca i Jisu Karisito, me bokoci nai valavala ca, ka dou na rawata na Yalo Tabu mei solisoli.

A ra sa qarava matua na nodratoui vakavuvuli nai apositolo kei na veilomani, kei na dovi madrai, kei na masumasu.

A ra sa vakasinaiti kecega e na Yalo Tabu, a ra sa vakatekivu me vosataka na vosa tani e so, me vaka sa solia vei ira na Yalo me ra cavuta.

Sa qai lako vakasauri mai lomalagi e dua na rorogo, e vaka na cagi vakacevaruru kaukauwa, a sa vakasinaita na vale taucoko era sa tiko kina. A sa rairai vei ira na ka e vaka na vei-yameyame ni buka waqa sa dui veisebayaki, a sa tiko yadua vei ira vakaaduaga. A ra sa vakasinaiti kecega e na Yalo Tabu, a ra sa vakatekivu me vosataka na vosa tani e so, me vaka sa solia vei ira na Yalo me ra cavuta.

A ra sa gumatua sara e na lako ki na vale ni soro e na veisiga, a ra sa lomavata, a ra sa dovi madrai e na veivale, a ra sa kania na kedra e na marau kei na yalo dina, ni ra sa vakavinavinaka tiko vua na Kalou, a sa vinakati ira ko ira na tamata vakaaduaga. A sa vakaikuritaki ira ko na Turaga era sa vakabulai tiko kivei ira nai vavakoso lewe ni soro, e na veisiga.

Sa kaya na Kalou, Ena yaco e na gauna emuri, kaʼu na sovaraka na Yaloqu kivei ira na tamata kecega: a ra na parofisai kina ko ira na nomudou gonetagane kei ira na nomudou gonealewa, ia ena raica na raivotu e so ko ira na nomudou cauravou, ia ena tadrataka na tadra e so ko ira na nomudou qase

Ia ko ira kecega sa vakabauta era sa tiko vata, a sa solia na nonai yau yadua me ra taukena vata; a ra sa volitaka na nodra vanua kei na nodrai yau, a ra sa vota kivei ira yadua, me vaka na nodra dui dravudravua.

ia ena yaco, o koya yadua ena masuta na yaca i Jiova, ena bula.

ena matalia na mata-ni-siga me butobuto, kei na vula me dra, ena qai yaco mai emuri na siga i Jiova, a ya sa levu ka rogo tiko